保險問題 理性討論 佛系你問我答(8) 佛系畢業季

佢呢間係核保比較寬鬆，保障內容同價錢喺市面上都算頭幾位
但若果你問我最好嗰間會係意大利，無限保保到100價錢又同佢一模一樣，同埋冇賠償先後次序問題，我自己會鍾意呢間多啲，但當然我會建議你打散去買最好

我舊醫保係傳統醫保嚟，唔係高端
我係諗緊好唔好保留舊嗰份，並提高高端嘅墊底費
到claim 嗰陣就公司+舊醫保+高端三份一齊用

如果你本身病歷上面冇任何增加，其實就變咗冇乜必要去keep原本嗰份醫保，因為如果係上面你嗰種做法嘅人，好多都係本身已經有病歷變咗新嗰份會有不保事項喺上面，變咗若果係就住不保事項嘅嘢去做賠償嘅時候就淨係可以用到舊醫保再加公司，咁呢個就變到可以索償到

但係若果係任何新嘅症，高端加公司已經好足夠，冇必要keep返舊嘅

反而諗緊如果VHIS係包亞洲區嘅話，其實係咪去台灣or新加坡醫都有得claim 感覺香港醫療會有劣化趨勢

去台灣等於個保額多三倍用，呢個比較適合買咗低中端有自付費嗰啲去，香港未必夠用嘅去外國一定夠

又冇諗過原來可以咁用喎，聽講馬拉有啲仲可以用廣東話

都要預備架。遲D真係專才湧入，香港名醫又claim唔足。都有機會要出去醫當多一個選擇都好

師兄點睇份危疾緻尚保 就咁睇保障好似係最全面

呢個好貴喎 講真如果唔係特別concern情緒病相關
加拿大太陽包到糖尿病相關 意大利所有危疾冇先後次序問題 呢啲反而會好啲喎
又或者若果想保留有朝一日退保拎返錢 168咪幾好

fwd都推我平啲嗰份應援保 諗緊保唔保埋父母 定自私就好似意大利好好多？

係呀
睇你最大concern到底係自己定係想搭單保埋父母 個presence唔同 就會令到你應該要揀嘅就會唔同

Btw 前者係貴啲既不過同樣都係供款期等於保證回本期

佢每年要我俾多五千幾 供廿年都過十萬 陪得一次十九萬好似搵笨但意大利係好喺邊 條款好似差唔多

無限次賠償 同冇賠償先後次序問題

因為目前嘅終身多重危疾保險，多重嘅部份只係癌症中風心臟病，意思即係得第一次係成個list嘅疾病咩都得，第234次嘅索償都係要呢癌症中風心臟病先得，變咗萬一唔好彩係癌症先之後先到其他唔同嘅病，咁就變咗第二次冇得賠償了

咁佢個特點就係冇呢個先後次序問題，成個list嘅嚴重疾病都可以賠償一次，係癌症中風心臟病無限次，變咗唔需要擔心係中咗啲奇怪病先到大路嘢

反而想問個有關vhis問題

Let say我而家揸住🟠份650k大房全包加份250k自付半私家

嚟緊想轉會，應該會郁咗份250k先，變咗50k先，我知道要再核保

如果我想買返同一間公司，有冇話一定要取消咗而家份250k先，定係可以兩份都keep住，等兩年之後先cut份250k都得

硬係覺得呢一兩年有機會要入廠

咁決定都係買意大利 搭單問下咁父母係咪買份vhis 就得 但係睇過價萬幾蚊一年好貴 有冇啲咩好推薦

同公司嘅話，直接申請再核保可以調落去，如果你係揸住一份嘅情況再申請就唔得嘅，因為只可以持有一份

你可以趁收下年錢之前申請咁，下一年咪會可以按照新嗰個做

係呀，危疾都真係不了，一來佢哋都過咗好需要一筆一筆過收入去支撐家庭嘅狀況，二來保費貴到傻冇必要

咁你醫療部份就起碼幫佢哋對沖咗最燒錢嘅部份，有咩事都可以有人幫你應付咗佢，主要係針對病歷上面去做選擇，如果冇乜病歷嘅話網上煲呔都得，但若果有病歷嘅話你就要試多兩間，睇吓邊個出嚟嘅Offer係最好即係唔會需要加保費或者有不保事項呢啲

因為爭在香港個保險保費費用上面係貴少少嘅，我喺日本睇廣告70歲定75歲就算有病歷，保費買人壽100萬yen都係千幾2千yen 一個月，通常佢哋係攞嚟應付身後事用

樓主 想問下蘇記推薦危疾意外嗎

定期危疾推薦的 自己都有買

意外就其他公司更好

你知d 後上嘅agent會希望自己開新單㗎啦

不過就算之前個agent唔多老實，佢claim單係有一手，你覺得留佢定飛起佢好d

有關高齡父母嘅醫療保障方面，我有一個比較經濟實惠嘅諗法，唔知大家點睇

首先，長者醫保費用高昂，再加上香港醫生狂加收費，使得長期為父母買高端醫保只會變成極度燒錢。

既然咁，倒不如重新運用該筆保費，以自己承擔極端風險+降低住院要求去達到慳錢效果。

具體做法就係只買基本自願醫保，以節省一大部分嘅保費。然後呢筆慳出來嗰一大筆錢就攞嚟同父母每年做一次全面身體檢查。一旦真係驗到出事，就攞去公家醫院打尖做手術，所有手術費就由份基本60萬上限嘅醫保去頂。

唔知大家點睇？