保險問題 理性討論 佛系你問我答(8) 佛系畢業季

你直接將自己嘅年紀加10/20年即場拉你咪大概知幾錢

你理解錯咗意思，儲蓄危疾係綠色講到明終身不會調整保費，但其他公司係買嘅時候例如20年25年係同一個保費，但係保險公司係有權將保費調整的，但只不過係咁多年都冇公司調整過咁解。

定係其實你想講非儲蓄危疾每一間公司每10年調整一次回加幾多？ 又係用返上面嗰個Excel就得，基本上好少係因為保險因素加價，大部份原因都係嚟自年紀大咗續保嘅時候用新嘅年紀咪會加咗，因為疾病率同死亡率其實咁多年都係比較穩定的，除非無啦啦爆香港食物同埋飲水有問題會影響

係 不過你等交埋錢正式批咗之後你先改會好啲

如果唔係要有受保關係就好煩的，你第一下求其寫屋企人先，正式批咗生效咗之後先再申請改就最輕鬆

都會有英文拼音的 若果真係唔得你都照隊個中文名俾佢CS 佢應該有機會變返份pdf俾你填

基本上都係名同身份證號碼就OK

你下面個情況，基本上你確保咗父母有你嘅文件同埋識得交上去，知道咗呢一步係會做咗之後，後面入嘅同一個申請就會處理到，前者同後者都唔會知道你各自分配咗幾多

但係你話若果冇英文名點樣處理，我諗佢應該都係會有份PDF俾你填

不過講真，我覺得個原因未必有咁簡單嘅，有機會係可能藥物問題等等

唔會的，其實你寫俾任何人都得，你鍾意可以寫比隔籬屋都得，講真如果你怕嘅你可以求其搵個朋友嘅資料寫落去轉頭過幾日再改返咪得，咁你改完之後就知了

話說你係用咗我之前個code？

下次用lor 唔緊要
叫做有返d交代比佢地啫

唔緊 小事來

返工同你傾兩句，其實你喺度幫咁多人解答咁多問題，但係你就好少推薦人哋直接同你買，咁你做咁多嘢其實都未必搵到生意

你呢個好問題黎

因為我最主要係想做提供解答方案嗰一方，若果要解答或者個方案係中立同可靠，其實係唔可以牽涉喺個過程入面，若果推薦嘅項目係同利益相關就已經自己都會有bias，呢個亦都係我開post答吓問題幫人趨吉避凶

同埋托賴間唔中都會有人幫襯吓叫做餓唔死咁，做做吓就咁多年了，若果要做我呢一種咩都講得好白嘅，老實講係冇乜有收益性嘅項目係會做到，只不過你真誠待人人哋自然會益返你

同埋都有好多保險業界嘅人會睇吓個post，其實人除咗錢之外都係為名，能夠留下一個叫做有人識嘅名都係一個小成就

嚟緊我會再進修吓唔同類別嘅嘢

會讀d正常真係做內部嘅人先會讀嘅野 嗰啲咩anziif 同cii 希望拎到個Fellow資格

自己感興趣就盡量學多啲嘢，二來正常有呢啲資格嘅係唔會有前線經驗同會上嚟答問題咁樣，咁有呢方面嘅知識若果再有深嘅問題都可以答到

嗰邊其實都係學啲court case為主實際野，呢啲對Sell客唔會有幫助嘅唔會有前線讀亦都冇必要，係自己對學嘅有興趣就會不斷學

可能細個讀得書少大個會想補償返

有冇諗過讀llm或者jd

JD 玩5 60萬仲不斷加價
呢個價錢貴到我可以讀多2個商master 或者幾個文科Master (大概10萬左右)

去space讀cpe 或者玩個中國律師應該抵玩啲

唔知係咪跟得d仆街多，而家越嚟越覺得只要識法律，其實好多踩界嘢都揾到錢，學曬之後去搭雞棚，或者去美國做first amendment strike team都好過自己打工

尋日ig 又彈啲保險仔，乜野公司去旅行
睇貼就嬲

想問下尊衛您同尊衛您寰譽版除咗保額仲有咩分別？

本質上嘅分別就係上網買嘅版本 同要搵agent/broker買嘅版本

前者有終身上限 後者冇
前者平啲 後者貴啲
前者入院前後或者日間手術前後門診次數較少 後者較多

其他基本上就大致差唔多

話說我份儲蓄保單就黎供完, 個經紀就whatsapp我, 叫我買個另一份, 我就即刻reject 左佢, 但諗諗下, 其實我就唔係好清楚點樣拎返我呢十年黎供嘅錢, 於是我就打蛇隨棍上問佢, 佢就send 返下面份野比我睇

我就問左佢
1) 我最快拿回我的本金(供了18000美元左右),  預算十年?
2) 如果我在期間提取現金分紅, 到我年紀大的時侯, 所得的金額又會相應減少?
佢都答左"係"

其實我仲有D問題, 無問到佢, 但我又唔係好清楚, 有無巴打熟, 可以解答下小弟
1) 如果根據下面個list, 佢嘅預算收益係咪仲衰過銀行定期?
2) 我目前就唔算好等錢洗, 當有現金分紅, 馬上提取現金& 再自己投資好, 定一直keep 喺佢度, 友鳩佢

求好心人解答, 年小無知, 十年前on99, 無睇清楚就買左份儲蓄保