保險問題 理性討論 佛系你問我答(8) 佛系畢業季

你呢個比喻真係非常之合理，咁應該係煲呔，喺你角度煲呔同滙豐一樣都係安全？

退休咪會cut

如果係中咗大病重病，睇吓仲唔中到佢另外一個條款過唔到12個月命，過到就可以直接賠埋，如果唔過嘅話只要你繼續交錢份單就會繼續存在，唔喺度嘅時候咪拎賠償

我都好奇想知如果冇報直系親屬 生癌
保險公司其實會查到架咩

唔該巴打

不過如果計訂明診斷成像檢測 靈活基本保障$26,000/年（設有30%共同保險）

而pink 墊底費$5萬 因為照CT/MRI唔會貴過5萬 所以claim唔到pink

咁應該要自己貼30%？（因為靈活基本訂明診斷成像檢測個co-insurance)。

不過雖然係咁 $0墊底pink太貴 所以都係應該買靈活基本+$5萬墊底pink 只係要預左MRI/CT可能只claim到70%

係
但如果你成個醫療費用多過 5萬
例如 6 ，7，8萬
咁pink一樣可以claim埋你果30% 嘅 mri ct 果30%

係避免左幫人買份保險再隊冧佢，全個保險界都係咁做。
或者你可以用立遺囑用遺產的方式去做，問下agent咁可唔可行。

最簡單嘅做法係你寫咗俾自己先 自己做受益人即係做遺產

然後份單批咗就即刻改受益人，咁呢個時候你寫俾我或者寫俾外星人都係冇問題的

只要有人交過上去就可以自然處理到的

理論上就會係你父母知道係你受益人幫你交咗上去，咁女朋友嗰邊就自然搞到

你呢個好問題嚟嘅

因為因為只係會理會買前一刻嘅狀況，買咗之後哪怕你送俾慈善機構都係冇問題的，而家都有啲機構係接受保單捐贈，但實際上佢哋之後點樣拎到死亡證就要等呢啲NGO得閒解下畫先得

睇歲數同吸煙狀況嘅

呢個額一年10,000 要係10年/20續保同過四張之後先開始呢個價

冇限買幾多間
但實際上每個人都有個上限，係根據你嘅收入或者資產去計，例如你一間買咗2000個，你買第二間嘅時候你都要同人講你第一間買咗呢個額，佢怕你Over insured會有moral hazard

正常會有財務問卷同分析要做，係有條方式去計你嘅上限買到幾多，體檢就係咪都有㗎
至於上限多少就視乎你本身嘅需要同能力，例如一個醫生買到嘅額同一般平常打工仔嘅額係可以爭幾十倍，基本上你過到佢嘅財務問卷，剩低嘅部份就同平時買保險差唔多

理論上係可以0的，你講得冇錯，若果退保嘅話係可以一蚊都拎唔返

但實際上係未有公司試過比0，最差嘅儲蓄簿都做到一半實現率，點都會有返渣拿既，同埋你買得儲蓄危疾其實就係預咗長擺，基本上都係如有大鑊嘢中咗之後補埋復發嘅，用得着嘅情況多數係死亡或者係大病賠償，咁佢個賠償額就唔似退保會係有保證金額的

198都得，不過價錢貴啲，性價比上面168個抵玩啲

其中財務核保同體檢，通常你買大既額就一定會需要，一般4 500 直買直過的冇乜特別

我個呢一個post應該前幾版係有詳細傾過呢個問題，主要係人命有價但每人價格不同，一般都係用需求法同價值法去計係咪真係要咁多，一般人工夠高亦都解釋到點解要咁高額就批到嘅

即係4/5球人壽
就唔洗做財務核保同體檢？
咁買幾間好似抵玩啲

係你買咗第一間四五球之後

你買第二間佢都會問你其他地方有冇買過要申報，一旦總共嘅額過咗某個額就都係會買唔到

財務核保就係咪都會做嘅，睇你嘅基本負擔能力同需要額度嗰啲，係睇會唔會再隊份財務問卷俾你問得再詳細啲

如果唔係我每間500，香港大約2 30間人壽公司，我買到成億額喎，過咗自殺期我自殺屋企人即刻變億萬富翁