保險問題 理性討論 佛系你問我答(8) 佛系畢業季

想買兩份危疾保險 有冇推介？

如果係用兩份做單位嘅話，睇你預算可以斬開做一半定期一半終身，預算非常許可又係第一份嘅話咁你就可以將個保額分開做兩個終身都得嘅

定期嘅話就比較推薦李澤楷同蘇仔，都係做到10年20年一樣保費，拎嚟過到去到退休年紀就停係啱啱好的，長遠價錢都係屬於平的

終身嘅話保障行先就意大利無限保，若果考慮保埋父母就李澤楷，若果係考慮保證退保價值高又保障內容廣就新世界都係唔錯嘅，若果係女仔嘅話就可以考慮埋馬雲都得佢其中有一個特點就係可以包雪卵費用

Term ci我見李澤楷嗰份早期危疾賠35%，但係保費貴街價20%係咪就係呢個原因 但係蘇記都係要揾人買？冇人sell嗰間點睇

咁後生 應援保真係好啲 如果無病無痛成嚿拎得返哂 又可以保埋父母

利申：已買應援保

咁大部份儲蓄保去到某年期都可以攞返㗎啦 保父母要有2定3年等候期

槓桿效果爭好遠 用定期同身故作例子嘅話
人壽係一比幾十
危疾係一賠十
中間差距差太遠了，危疾特別嘅地方係除咗身故之外，危疾都係可以賠到錢，所以佢嗰個槓桿效果係會差好多

唔知你有冇入過賭場玩過輪盤，可以賠錢嘅機會率越高，賠率就會越低，相反賠率越高就越難中，呢個就係同唔同類型保險嘅賠償效果同保費差別來源

假設，如果我中咗重野都唔想醫，相對嚟講買人壽抵啲？如果想醫不如買醫保，點解仲要買危疾？

屌，依到都見到你

最近有人sell活躍人生危疾保加埋佢個自願醫保package
要供25年
想問下有冇咩建議 thanks

唔關事 危疾都係一筆過賠償之後不論你用途
人壽大部份情況唔會係自己拎 危疾就你交咗個確診證明就拎到

呢個就牽涉我上面Q and A 保險101，醫療係用嚟醫病用，負責醫療費用的。危疾係用嚟應付患病期間生活費，因為例如病咗返唔到工，有啲固定嘅開支咪呢邊可以幫你負責，咁若果三年都未處理完，多重危疾嘅部份咪會再賠償一次(癌症中風心臟病)

外星人都得，你可以寫俾慈善機構都係冇問題，跟自己意願就得

煲呔呢一個係講緊佢個上升幅度係每一年上升一次，其他嘅定期人壽就會係五年或者10年上升一次，若果係唔好彩短期內中招嘅話就會係一年上升一次會平啲嘅，但若果係你打算長買以備不時之需就當然係其他嘅公司會平啲

價格偏貴同唔太update，佢唯一可取地方係佢可以鎖定保費不變，因為目前危疾入面得佢係有鎖定保費呢個條款

會建議你睇多其他唔同公司，同埋醫療同危疾都可以分開公司，做醫療好嘅公司唔代表危疾好，每間公司都有各自優勝嘅產品

希望大家如果入嚟睇完post 覺得幫到手可以俾吓正皮支持吓

同埋有咩建議都可以盡量講講，有諗緊不如整個直播公開語音答問題，但如果冇乜人嘅話整嚟都係多餘，有興趣的話可以提出嚟

置頂一份簡單講吓基本養生需要啲咩保險例如定期人壽危疾醫保個基本概念係攞嚟做乜，唔好搞到啲人要醫嗰陣就買危疾，同埋好多人嘅觀念係有儲蓄成份嘅保險就有問題呢一點你可以詳盡啲釐清吓俾大家知

意外就睇包嘅內容決定，因為有啲附加落去買嘅舊plan係包到而家好多人夢寐以求嘅物理治療冇cap，少一份就少一份。

至於醫保部份，係要轉自願醫保嘅，另外就算公司有一份都好，同埋建議係應該用一份有自付費嘅中高端醫療嚟做包底，如果係就咁兩份差唔多嘅醫保嘅話咁感覺上就真係冇乜差別嘅，若果你想靈活咁利用埋你公司醫保嘅部份係應該用有自付費嘅保險會比較好，因為反正公司醫療嘅部份已經幫你應付咗個自付費，而可以負責到嘅醫療費用上限就由幾百萬去到幾千萬一年都得，個天花板夠高就唔需要驚唔夠用

可以咁樣認為的，不過人壽通常加價就係用返個保費率去計算，同醫療會因為醫療通脹上升唔同，一般就係按照返當地嘅死亡率同疾病率好多唔同嘅因素去計，香港人相對健康就加價壓力冇咁重