保險問題 理性討論 佛系你問我答(8) 佛系畢業季

喺銀行買保險會唔會好傻豬

睇買咩類型同埋大部份都係有其他業務就會好啲

例如買保險送戶口呢啲 唱錢好價啲做其他業務唔使排隊之類

我眼中就大部份都係俾面多 另外第二樣嘢就係覺得個牌頭好 因為主要都係同保險公司合作再改返個自己銀行名就係自己產品

60歲以上唔需要
60歲以下就需要的，若果你之後咁啱係check到啲遺傳性嘅項目，然後份病歷上面又有提及咁咪會瀨嘢

咁即係呢啲有咩事都冇agent跟？

有咩搵銀行佢都會幫你

只不過銀行最大嘅問題係時間長會重新執位，即係例如A分店做得耐，會掉你去B分店

咁有時起上嚟，我咪要搵到銀行條友先

又唔使嘅，你行落分行 新嗰個都會幫你搞

基本上你返工時間實搵到人嘅 呢個係最大優點同缺點

咁睇好似保險公司好啲

如果你問我自己行內人去睇
我自己會喺銀行>保險公司
始終銀行請人個準則比保險公司高好多 同埋銀保嘅計劃如果係保障類別通常係不過不失 係睇背後俾到嘅valued added係比到咩

最重要個agent跟得好唔好

幫人問

出咗嚟做嘢幾年 開始覺得最少要有醫保同危疾旁身

諗緊買個VHIS先 但未諗好買邊份 想問有冇推介

但諗VHIS都係愈供愈貴 應該供到50-60歲就想退保 (想後生嘅時候做下定存/投資 自己砌個醫療基金俾自己 慳翻啲保費) 所以有冇終身保障應該對自己嚟講不太重要？定係你會建議應該要供一世會好啲？

另外都有諗買危疾 但預算唔多 屋企兩老都冇保險 (兩個都有返緊工)覺得要有多啲流動資金揸手 所以諗緊好唔好全定期 或者 買一份大保額定期 （退休前cut） 再搭一份細少少保額嘅儲蓄 有冇建議/推介？

最後 見市面上都有出啲危疾係可以加啲錢就保障埋父母 想問我係咪應該揀呢種？

請問買左新醫保，舊醫保係咪最好等一至兩年先cut？
同埋有公司醫保嘅情況下，建唔建議提高高端醫保嘅墊底費，去保留舊嗰份

聽講有啲70以上先唔使，定係一間間唔同？
近親關係係咪一定check到？

本身買咗份萬6墊底費嘅FWD尊為你
但係發現年紀大開始好多小病要睇醫生 每次都千幾二千咁樣燒又無得保
有冇邊份可以配搭到我自己本身買咗嗰份fwd一齊用 想用嚟補平時睇醫生細數啲錢

小病都包好未必著數架，除非你每年睇到10次以上專科。
FWD係有個每年比幾百蚊睇佢指定醫生有折，即係每次都要俾錢。
我覺得D醫生都麻麻地，係俾人平平地射波用。佢送左半年俾我都無用過

另外有D保險公司係比幾千蚊，每年可以睇一定次數醫生。

我自己就無買，要睇醫生就硬食算，暫時一年都未必睇到一次專科

想買份儲蓄型危疾，而家係咪都係守護168最好？

儲蓄危疾見10 life話fwd最好 但係間公司成日話蝕錢 都唔知捱唔捱到退休 有啲危 順序落去好似意大利嗰間最好

間公司蝕錢？邊個話？

23到24年得兩個季度有盈餘其他都係蝕㗎喎

香港所有保險公司盤數都要擺上公司註冊處畀人download
你有心研究不如搵你想買果間公司盤數黎睇下先
佢咁樣寫港澳lum 埋一舊數反映唔到保你果間公司嘅業績

因為儲蓄危疾都係驚間公司執 諗緊意大利嗰間好似大間啲 fwd 保障好似又好過哂其他 好難揀

終於旅行回歸

首先第一下一定係自願醫保先嘅，呢個想法正確，至於點樣應付往後嘅保費開支，基本上就好多唔同方法都係得嘅，儲夠個大嘅本用定期去比又得，整到個股票組合收息都得，自願醫保都係基本上提供到終生保障嘅，可以續保至一百歲，都已經足夠應付你嘅需要

至於危疾嘅話，你要睇返你個剩低落嚟嘅預算係幾多先得，預算都比較多嘅，你咪可以終身形式為主，預算一半咪再配搭定期混合去做，預算認真麻麻咁咪全定期去做，最重要係個保額要足夠三年開支

呢個若果本身都有想保障父母三大疾病癌症中風心臟病嘅話，可以有20%俾佢哋

至於推薦嘅話醫療，冇病冇痛李澤楷就最平，有病痛記錄就要睇唔同公司，加拿大太陽係可以嘅

危疾嘅話就大福同意大利都係可以嘅，呢兩間價錢最平同包嘅內容唔錯

唔需要呀

你只要新醫保生效咗之後過咗個等候期，咁就可以將舊醫保cut咗佢，因為最驚係個空窗期入面出事，即係舊醫保cut咗新醫保又未開始生效嘅情況

高端醫保其實一份就OK，情況同上面一樣，個墊底費就只需要視乎返本身公司可以包到最多幾多去選擇就OK

基本上九成幾係按照我上面講嘅去處理
近親關係基本上係講緊如果你咁啱係中一啲叫做遺傳性嘅項目，又或者係個病係遺傳有關，家族史上面有關係，醫生喺份報告上面又真係一五一十寫晒出嚟咁你當時冇報到咁咪會有問題

門診不嬲都係冇得包㗎喎

另外單獨買份門診保險又好貴，除非你一年睇10次醫生嘅啫，如果唔係買醫保即係住院保險拎嚟對沖住最貴嘅醫療開支即係住院嘅一切係最性價比高同值得做

至於平時小病小痛我就會建議自己keep住個風險佢