保險問題 理性討論 佛系你問我答(8) 佛系畢業季

理財係需要靠自己既
我一出圖或者公司名就好容易比有心人report
如果大家仲想見到我答下問題呢，就煩請自己用方法去領悟我講嘅野，理解下我係講緊邊間公司同邊個計劃，同埋點樣上網尋找多啦A夢，有緣份自然會搵到

如果我再俾人ban就真係再幫唔到大家，所以大家如果真係想見到我答下問題嘅就真係唔好叫我留聯絡方法或者好強求要我講清楚係邊間公司，你自己講完我再答你係定唔係會比較好。

要怪就怪呢個行業可能真係形象太差太容易report，再唔係就其他行家唔鍾意我講咁多，所以請各位原諒我點解冇上個post咁圖文並茂咁詳細解答，我只可以用文字加少少抽象去講，唔可以好似上次咁喂埋大家食

我自己好珍惜呢個戶口，承載住我七年呢個行業嘅成長，希望大家可以體諒我，如果支持我嘅可以俾個like我呢個post，你哋嘅支持我會睇到嘅

如果我再比ban就可能證明呢到容不下我呢個聲音，咁就大家到時自己搵方法去得返個答案，我都深信有心搵答案去學習嘅，自自然然都學得識，保險唔係難既野係睇有冇放心機上去，對大家有信心嘅。

另外亦都開放個問醫療問題為主嘅google sheet
基本上奇難雜症 面對claim錢情況唔識用
唔想好公開咁講嘅可以留言
Btw 凌晨要搵醫院呢 要隨緣加有運先得
如果用過嘅可以留言講返 基本上我都係叫人邊度平自己出去搵嗰間野

https://docs.google.com/forms/d/15lRdUuk9efMTrRxflJhl8nak6JeDP8bPrHOURWfRJOM/edit

頂 又唔記得改返個Heading
我原本想改做保險判官 食返美國保險公司單野
同埋上一個post 1001一段時間 我都未搞返個post
有冇人可以教我點樣喺延續topic上面 覆返上一個post

編輯引用帖文，再copy 返過嚟。不過層主唔會知你覆咗

喊出嚟

呢排長期蒲開信用卡區 好多卡廢晒要改消費習慣

Motion冇得交租，正式變咗廢卡好傷心

Btw樓主有冇跟開bupa改條款單嘢，好驚Cigna學埋d衰嘢

你睇吓呢個係屬於佢普通醫保嗰部份 卓康健嗰邊
自願醫保嗰part係冇呢個
Btw 自願醫保冇得亂改條款

C記最有機會改喺佢份top up
不過佢自己好似本身都係冇個network

想問裝修第三者保險有無邊隻推薦？
幫裝修公司買埋勞保，又有邊隻推薦？

呢啲係case by case個喎
因為要就住工程內容涉及幾耐幾大同幾多個人，通常係罐頭式咁去做quote價去出，呢啲你可以Google搵返做開同類型嘅broker佢會幫你拎晒資料之後向唔同公司拎報價之後俾返你揀
又或者你本身手頭上拎咗一間，然後再問佢會唔會其他公司會有更好的Offer

叫HR問保險公司啦 比d嘢人哋做

我有份保誠醫療係有加loading
如果我依家買匯安心會唔會有機會比AXA加loading?

唔一定嘅

每一間公司嗰個接受程度係唔同，有啲公司係佢會有不保事項或者loading，但其他公司就住同一個情況有機會係唔出，純粹係睇核保最新佢哋個指引係點，又或者係再保嗰邊要求低

呢個係睇你對醫療質素嘅要求

因為好老實我接得最多嘅係醫院做嗰批，10個有8個係想去返私家，但若果你用一個叫做性價比上面去考量嘅話就當然係買一啲本身唔包嘅項目，變咗可以用到免費嘢嘅，同時又可以得到一個一筆過嘅賠償

HA嘅缺點係要等同埋有分流

私家係用錢買時間

醫療質素，如果都係顧問級睇嘅其實差唔多基本問題d resident睇都冇問題，橫掂最後包底都係班CON同AC睇住

同埋公務員住院都係要錢

嚟排sell保險，有咩新聞有insight，講咩話題好？

請問我天生心臟二尖瓣脫垂，是否可以放棄買保險，之前試過幾間都rejected 🙂‍↕️

見公司有得買又唔洗核保
諗住買多份保底
係唔知loading點計佢又寫唔洗核保

基本上腦部同埋心臟問題都好難搞

你唯一嘅玩法就係用公司保險免核保轉出去，又或者係買免核保嘅保險先得，都係得呢兩條路

嚟緊有機會推100萬既保單持有人保障計劃，我我以前就會比較留意新產品出嗰啲，而家就轉咗個焦點係睇監管政策改變