九龍灣奪命車禍｜宏基街電單車疑自炒失事　鐵騎士當場死亡

26人都死左仲講咩法律責任
搞笑咩

見到死有餘辜就知你份人係幾咁黑心同無知

同啲人肉路障一樣道理
最鍾意謀殺

咁無啦啦揸鬼咁快搞乜
呢個point一日未搞清 一日都唔好咁輕易亂判先

海關唔係十惡不赦，佢好撚戇鳩。
我當事人犯咗乜嘢事？
佢俾警察正式拘捕了嗎？
點解你呢個行人可以主動走出去馬路對一架行駛中嘅車輛進行干擾導致司機死亡？
你唔係普通過馬路，你係對喺公路上行駛中嘅電單車進行攔截，導致我當事人死亡。
請問你區區一個休班海關憑咩做呢個行為？
同時如果你呢個攔截造成電單車撞向人群，呢個責任有邊一個負責？
警隊都有指引，唔好對行駛中嘅車輛開槍攔截，佢戇鳩到徒手打死咗一個未經定罪嘅人，喺外國肯撚定要坐監，不過中國香港應該冇事。

dllm on9

議事論事，但難以認同閣下觀點：

1）唔好講係咪海關，普通市民見到差人捉賊有權協助的，閑事莫理係一種選擇，建議勇為都係一種選擇，冇對錯之分
----- 見義勇為(唔係建議)，如果對方人肉跑緊你就話去幫手追o者，正常人都會知你人肉行出去欄架電單車唔會停到，一係就會令到對方炒車甚至攬炒

2）佢衝出馬路想用肉身欄車我覺得係唔理智，係on9，你可以話佢魯莽、鍾意呈英雄，但係唔係犯法，更加唔好長江上線話佢想謀殺
----- 謀殺就應該唔係，誤殺就有嫌疑

3）你冇搞清楚件事嘅前因後果，係個車手見到有人喺馬路中心，唔收油不特止，仲直線撞埋去行人度擺明係危險駕駛、企圖謀殺，淨係呢一點已經證明佢係個大仆街，死有餘辜。
----- 車手係危險駕駛，但海關影響車手(司機)駕駛，仲整甩佢頭盔又點計呢?

4）喺電光火石嘅情況之下，過海關本身自己都有生命威脅，有機會比電單車撞死，先至出手自衛，呢個亦都係人嘅本能嚟
----- 所謂電光火石，佢原本o係馬路邊係無生命威脅，自己行出黎架喎；見到車高速駛緊過黎，自己行出馬路欄佢再整甩車手頭盔係自衛??

望見馬路有人，你唔收有不特止，仲直線比油撞埋去，你都仲可以同呢啲仆街開脫，你係賣白粉定鍾意揸二碌撞路人果班？

開槍以拯救生命為原則就算唔俾警告我敢講一定唔會俾人告

不過一單還一單條休班海關呢個case就窄窄地 條友仔擺到明想截車 不過就算警察都要軍裝先截得 佢呢件濕9休班海關睇怕都凍過水

攔人喎！企定定？
條友同你有親呀？

佢自己戇鳩啫，後面有交通部做緊嘢叉隻手落去
人哋做掂自己會call台喇

誤殺，不過唔會告

1.見義勇為係無問題。咁你用錯方法見義勇為咁唔該你承擔返法律後果。尤其是你係紀律部隊就更加應該有sense 用咩方法見義勇為

2.你用手去攻擊一架行駛中嘅電單車，意圖令到架電單車失控。咁樣都叫唔犯法我唔知點樣先算犯法。

3.你企喺路中心唔走，即係判斷架車對你唔會造成生命危險。加埋後來岀手攔截，更加證明到企路中心嘅海關根本從來都唔認為衝過嚟嘅電單車對佢嚟講係威脅。

4.真係有生命危險佢就會走啦，仲同你打個司機你見到隻大笨象衝埋嚟係咪會捉住佢對牙同佢鬥力？

所以覆得呢堆嘢岀嘅人或多或少都有少少智力問題，仲要衝岀嚟扮醒

條on9以為自己iron man?
依家害死人

收油即炒/撞埋去，唯有扭駄
但扭左冇撞到人 但佢比人打甩頭盔

一野擋住就係截停人?
咁個鐵騎一係炒埋佢咪搞掂

雖然我唔認同你關於開槍警告既睇法

但至少係呢件休班海關做法既對錯上面睇法係一樣

咁宜家撞死其他人未？
撞死咗其他人你先再衝岀黎啦

1. 如果有交通警喺公路上追緊一架私家車，袋唔代表你普通市民可以攔腰將架泥頭車炒埋去截停佢，協助警方破案？

2. 謀殺絕對講唔上，但如果一個人魯莽戇鳩嘅情況下導致他人死亡，是否應該被控誤殺？

3. 請問問海關有冇搞清楚前因後果？我當時人甚至冇被拘捕嘅情況之下，只係比警方追，你可以話佢貌似危險駕駛，唔代表你可以用咁凶狠嘅手段係攔截我當事人導致佢嘅死亡。

4. 電光火石嘅情況之下，海關嘅生命危險係因為佢選擇喺馬路中間懶，而家電單車先會造成，呢一個危險係不必要，而且係由海關主動去造成嘅，點睇佢都唔係自衛啦。呢個係一個有目的嘅攔截行動直接害死咗我當時人。

點解釋？

著緊制服既話，你仲可以叫自己執行緊法律

但當你休咗班，而你既舉動害死咗人，你又覺得完全冇錯既話
其實你心態同行緊私刑冇分別

唔太明
揸車果個就見到人都照揸咁快同直撞
避唔到嘅話可能死果個就係攔車條友
衝出嚟果個就事實上累到條友炒車

假如唔攔住果條友 咁佢未必炒車
事後捉到佢再罰錢可能都係個好啲嘅結果？

第一次行人謀殺渣車果個
如果唔係休班海關連登仔實屌番飛車果個

見義勇為 佢話佢拎住機槍掃射 你就可以根據公民拘捕權 超速你有撚資格出手？

咁既動作都唔係攻擊性？ 你同阿sir今日講食煙打煙炮唔計食煙有乜分別？ 當我地傻鳩定個官係傻鳩？

呢樣仲好笑 企圖謀殺 馬路黎 佢最多衰危險駕駛導致他人死亡 你見過撞車撞死人告老謀未？

電光火石咁企係馬路3秒？ 個官話你留1秒都係暴動唔係電光火石啦

定你就係隻海關？ 捉你訓唔著晚晚比鬼搵

1）海關係用血肉之軀vs電單車，你用泥頭車攔腰炒埋架私家車做類比，會唔會尷尬咗啲？定還是嗰個海關係超人？

2）係呀，我都想問你：個車手望到馬路中間有人，唔收有不特止，仲比有直線撞埋去，咁樣係咪企圖謀殺加危險駕駛？如果係的話，個海關就屬於自衛。

3）拘捕咗嘅話佢仲使撚幫警察截停部電單車咩？你講嘢可唔可以有邏輯少少？凶狠嘅手段？你講緊揸住部電單車比有撞落路人嗰個司機？嗰個海關冇比部電單車撞死算係佢好彩啫，如果佢真係俾個車手撞死咗，仲凶唔凶狠？

4）電光火石我係講緊部電單車唔收油就嚟撞到個海關嗰時，一開頭海關企喺馬路中間攔佢嘅時候佢大把時間+應該停車啦，佢選擇唔停車不特止，仲比有直線撞埋去，呢一刻佢已經係企圖謀殺加危險駕駛，海關做任何嘢都係合理辯護

其實唔太關事，你咁樣截車係無考慮過架車失控鏟上行人路危害其他行人安全。當然如果你係紀律部隊更加應該要考慮你嘅行為有機會造成咩後果同埋要清楚法律賦予市民嘅拘捕權適唔適用喺呢個情況。

飛車果個點都係錯 無異議
但行人就算唔係海關，係一個普通人咁既行動都好大問題