都嚟咗成個星期,感覺唔錯,個肚腩係細咗啲啲但係體重冇乜點減少,可能係多咗肌肉掛,體能就好明顯好咗好多
答返上面一位巴打嘅問題,我同樓主一樣都係窮撚,都係報泰拳班,個bootcamp 貴成一倍真係咪搞我,雖然我覺得bootcamp 比較啱我呢啲懶人,因為全日都不停會有活動,會比較有動力去練習,唔似得打泰拳得上下晝各一個半鐘,其他時間就要自動自覺去踩單車、跑步、游水之類。但係泰拳班都有佢嘅好處,同樓主所講嘅一樣,上晝個班因為會同bootcamp 嘅人一齊上,正常都有七八個人,但係下晝嗰班通常都係得兩三個人,教練人數仲多過啲學生,教練都得閑同你慢慢執姿勢。今日下晝仲要得我一個人上,唔使打沙包,直接同教練上擂台一對一打,正好多
講返,我嚟之前真係冇乜準備,平時都冇乜做運動。奉勸各位巴打嚟之前都係準備好啲(例如跳下繩,下晝嗰堂一定會叫你跳繩3分鐘,loop 3次),如果唔係訓練完上下晝兩節你都唔會想做其他嘢,例如好似樓主咁跑步踩單車,一日起碼有四五個鐘都係冇嘢做,點都應該好好利用,唔好好似我咁,日日都係踩一個鐘頭單車就算
仲有,嚟趁訓練嘅通常都係鬼佬,都係from USA and UK,啲鬼佬其實都幾懶,成日唔上堂。聽啲職員講,之前都有啲香港人嚟,我嚟之前啱啱有個肥絲打走咗。
我仲會訓練多一個星期多啲,雖然樓主都講咗好多資料,你地睇下仲有乜想問?
我間房
