【波瀾壯闊嘅香港史】咩話 我返左去二戰時候嘅英軍堡壘？！
男版連登仔
237 回覆
50 Like
9 Dislike
睇嚟日本仔想捉走佢哋
推
Lest we forget.
we shall never surrender
lm
一次過追曬，正野
推到打謝日軍為止
83 年前嘅今日 (11 月 16 號)，C Force 帶住少量重裝備抵達香港。
sor, 之前有D忙, 甩左幾更，宜家有多幾篇儲備可以keep 住出，之後應該唔會甩
多謝
多謝G持
唔比人打已經算好
推一推
推咗是咪可以要求加更
會準時出文
第16章
戰報會說謊，但係戰線唔會，同樣道理亦都可以放喺醫院上邊。不知不覺，三人已經喺道風山上邊過咗兩日。日軍嘅狀況好似越嚟越好，由一開始嘅大面積潰敗，去到接下來幾日，雖然依然不停有受傷嘅傷兵，但係係佢哋嘅眼神之中可以睇得出相對從容，遠方城門水塘嘅炮聲間中響起，雙方打下停下，去到後來漸漸停歇。
去到下晝，遠處傳來一陣歡快嘅日文歌聲，有一大隊日軍列隊行入道風山，帶頭係一名年輕士兵，意氣風發咁樣拎住日本軍旗揮舞，後邊有近百個士兵列隊魚貫而入，雖然眾人身上污糟邋遢，有唔少都帶住傷，身上沾滿血污，但無論係趷吓趷吓嘅人，定係就算係喺擔架上日軍，依然滿臉笑容，一齊唱住歌。道風山上面嘅軍醫護士馬上衝出去迎接，
同日軍歡快嘅歌聲相比，隊伍後邊跟住一班都係滿身傷痕血污，但係就垂頭喪氣嘅英軍。
英軍戰俘
道風山眾眾喺門口排開，都唔知叫做迎接，定係哀悼，突然，有個三唔識七嘅日本兵喺後邊搭住肥仔同埋老細個膊頭，一路un住腳，一路左搖右擺，唱住聽唔明嘅歌，其他士兵見狀，都開始隨手攬住道風山眾人，示意佢哋拍手歡迎，連呀婆都唔放過。
道風山上面嘅人冇七老八十，都有五十六十 ，一班老婦老翁目無表情、強顏歡笑咁樣拍着手，口噏噏，日本軍隊就喺度自high。
呢個時候，原本黐住喺老細腳邊嘅野豬仔突然間衝上前去，跟住其中一個英軍包頭士兵，定眼一睇，原來係當日受傷嘅印度士兵，佢嘅手上面依然綁住繃帶，見到佢在生，但係就俾人俘虜左，都唔知應該開心定唔開心。個位印度士兵都見到佢哋幾個混喺日軍入邊，覺得好奇怪，三人喺隊伍入邊認真再搵，發現原來契老竇Nelson 都係入邊，但係其他人就搵極都搵唔到。
日軍可能今日心情特別好，對待呢班英軍戰俘，雖然間中都會笑笑口咁樣鬧佢哋兩句，踢佢哋一腳，但係都冇特別殘酷對待。日軍清空咗一間課室咁大嘅房，然後將近50個人塞入去。雖然坐住仲還好，但係瞓嘅話就幾乎要頭搭着腳咁樣先至勉強夠位，英軍俘虜個樣有氣無力，但都自行清空咗一半地方，等受傷嘅人可以平躺，剩低輕傷嘅人就迫埋一邊互相依偎。
是夜，過百人日軍大隊進駐道風山休息，加上俘虜接近200人，應該係道風山第一次塞住咁多人。日軍上下歡天喜地，載歌載舞，突然間多咗咁多人，道風山上面嘅信眾要幫人斟茶遞水，炒菜煮飯，忙到連飯都冇得食。
至於英軍俘虜，就幾乎被遺棄喺嗰個陰暗房間，冬天嘅地板特別凍，眾人衣衫襤褸，不過見此情形，都冇咩嘢可以做到。道風山上原本儲備嘅糧食呢幾日早已經消耗盡，而家用緊嘅全部都係日軍運上嚟嘅糧食，所以無得到日軍批准，大家都唔夠膽主動派飯，牧師曾經嘗試同日軍交涉，但係就被人完全無視，眾人只好偷雞拎少少水同埋食物比佢哋，但係猶如杯水車薪，
去到深夜時段，大部份日君都瞓咗覺，老細趁住夜色，去到囚禁俘虜嘅房間後窗，老細先輕輕打開窗，但係窗較一郁，已經成功吸引咗成間房入邊眾俘虜目光，老細跟住佢將身體打橫，雙手抱住窗邊，一隻腳踏上窗框，令一隻腳離地一跳，希望可以翻窗過去; 兩跳，仲係唔得，最後靠喺入邊英軍捉住佢嘅手腳，先至勉強成功將佢拉入間房度而不至於驚動出邊嘅守衛，望到老細如此笨拙，眾人都不敢嘆息：那裏來的豬隊友。
老細總算成功混入戰俘入邊，佢之前將成個廚房掉轉，先至勉強搵到兩塊光酥餅，當下分落去比眾人食，但係要幾十個人分兩塊餅，基本上同五餅二魚冇分別，加上眾人全日幾乎冇飲過水，望住手上個可憐嘅一小塊餅，都唔知食好定唔食好。
光酥餅
「大家食住少少嘢先，我轉頭再出去拎水入嚟俾大家。」老細嘗試安撫着眾人。
漆黑之中唔好話個樣，就連輪廓都唔係好睇得清楚，就算係同一間房入邊，老細都打聽咗一輪，先至成功搵到契老竇Nelson。兩人幾日之後再次相見，猶如生死再會，老細再一次好似小朋友咁樣將個頭塞埋去Nelson嘅心口度， Nelson 輕輕撫摸。呢個時候，老細靜靜雞塞咗個現代帶嚟僅餘嘅Energy Bar俾佢。Nelson冇即刻食，將佢keep住。
Nelson 將講呢幾日發生嘅事娓娓道來。
<第16章完>
－－－－－－－－－－－
每星期逢二／六出兩篇，p牌仔推唔郁，希望大家見到幫推一下咁大把
戰報會說謊，但係戰線唔會，同樣道理亦都可以放喺醫院上邊。不知不覺，三人已經喺道風山上邊過咗兩日。日軍嘅狀況好似越嚟越好，由一開始嘅大面積潰敗，去到接下來幾日，雖然依然不停有受傷嘅傷兵，但係係佢哋嘅眼神之中可以睇得出相對從容，遠方城門水塘嘅炮聲間中響起，雙方打下停下，去到後來漸漸停歇。
去到下晝，遠處傳來一陣歡快嘅日文歌聲，有一大隊日軍列隊行入道風山，帶頭係一名年輕士兵，意氣風發咁樣拎住日本軍旗揮舞，後邊有近百個士兵列隊魚貫而入，雖然眾人身上污糟邋遢，有唔少都帶住傷，身上沾滿血污，但無論係趷吓趷吓嘅人，定係就算係喺擔架上日軍，依然滿臉笑容，一齊唱住歌。道風山上面嘅軍醫護士馬上衝出去迎接，
同日軍歡快嘅歌聲相比，隊伍後邊跟住一班都係滿身傷痕血污，但係就垂頭喪氣嘅英軍。
英軍戰俘
道風山眾眾喺門口排開，都唔知叫做迎接，定係哀悼，突然，有個三唔識七嘅日本兵喺後邊搭住肥仔同埋老細個膊頭，一路un住腳，一路左搖右擺，唱住聽唔明嘅歌，其他士兵見狀，都開始隨手攬住道風山眾人，示意佢哋拍手歡迎，連呀婆都唔放過。
道風山上面嘅人冇七老八十，都有五十六十 ，一班老婦老翁目無表情、強顏歡笑咁樣拍着手，口噏噏，日本軍隊就喺度自high。
呢個時候，原本黐住喺老細腳邊嘅野豬仔突然間衝上前去，跟住其中一個英軍包頭士兵，定眼一睇，原來係當日受傷嘅印度士兵，佢嘅手上面依然綁住繃帶，見到佢在生，但係就俾人俘虜左，都唔知應該開心定唔開心。個位印度士兵都見到佢哋幾個混喺日軍入邊，覺得好奇怪，三人喺隊伍入邊認真再搵，發現原來契老竇Nelson 都係入邊，但係其他人就搵極都搵唔到。
日軍可能今日心情特別好，對待呢班英軍戰俘，雖然間中都會笑笑口咁樣鬧佢哋兩句，踢佢哋一腳，但係都冇特別殘酷對待。日軍清空咗一間課室咁大嘅房，然後將近50個人塞入去。雖然坐住仲還好，但係瞓嘅話就幾乎要頭搭着腳咁樣先至勉強夠位，英軍俘虜個樣有氣無力，但都自行清空咗一半地方，等受傷嘅人可以平躺，剩低輕傷嘅人就迫埋一邊互相依偎。
是夜，過百人日軍大隊進駐道風山休息，加上俘虜接近200人，應該係道風山第一次塞住咁多人。日軍上下歡天喜地，載歌載舞，突然間多咗咁多人，道風山上面嘅信眾要幫人斟茶遞水，炒菜煮飯，忙到連飯都冇得食。
至於英軍俘虜，就幾乎被遺棄喺嗰個陰暗房間，冬天嘅地板特別凍，眾人衣衫襤褸，不過見此情形，都冇咩嘢可以做到。道風山上原本儲備嘅糧食呢幾日早已經消耗盡，而家用緊嘅全部都係日軍運上嚟嘅糧食，所以無得到日軍批准，大家都唔夠膽主動派飯，牧師曾經嘗試同日軍交涉，但係就被人完全無視，眾人只好偷雞拎少少水同埋食物比佢哋，但係猶如杯水車薪，
去到深夜時段，大部份日君都瞓咗覺，老細趁住夜色，去到囚禁俘虜嘅房間後窗，老細先輕輕打開窗，但係窗較一郁，已經成功吸引咗成間房入邊眾俘虜目光，老細跟住佢將身體打橫，雙手抱住窗邊，一隻腳踏上窗框，令一隻腳離地一跳，希望可以翻窗過去; 兩跳，仲係唔得，最後靠喺入邊英軍捉住佢嘅手腳，先至勉強成功將佢拉入間房度而不至於驚動出邊嘅守衛，望到老細如此笨拙，眾人都不敢嘆息：那裏來的豬隊友。
老細總算成功混入戰俘入邊，佢之前將成個廚房掉轉，先至勉強搵到兩塊光酥餅，當下分落去比眾人食，但係要幾十個人分兩塊餅，基本上同五餅二魚冇分別，加上眾人全日幾乎冇飲過水，望住手上個可憐嘅一小塊餅，都唔知食好定唔食好。
光酥餅
「大家食住少少嘢先，我轉頭再出去拎水入嚟俾大家。」老細嘗試安撫着眾人。
漆黑之中唔好話個樣，就連輪廓都唔係好睇得清楚，就算係同一間房入邊，老細都打聽咗一輪，先至成功搵到契老竇Nelson。兩人幾日之後再次相見，猶如生死再會，老細再一次好似小朋友咁樣將個頭塞埋去Nelson嘅心口度， Nelson 輕輕撫摸。呢個時候，老細靜靜雞塞咗個現代帶嚟僅餘嘅Energy Bar俾佢。Nelson冇即刻食，將佢keep住。
Nelson 將講呢幾日發生嘅事娓娓道來。
<第16章完>
－－－－－－－－－－－
每星期逢二／六出兩篇，p牌仔推唔郁，希望大家見到幫推一下咁大把
Push
