【波瀾壯闊嘅香港史】咩話 我返左去二戰時候嘅英軍堡壘？！
男版連登仔
237 回覆
50 Like
9 Dislike
嗰時國軍應該幾腐敗
市民請軍人埋單呢樣真係好有feel
12月練毅行？傻撚左？
原時空 2021 年毅行者有實體 / 虛擬活動，喺 11 月 19 至 21 號舉行；三人組可以係提早開始練 2022 年毅行者。
3. HKMSC工兵部隊嗰陣已經用緊M1921 Thompson，仲係50發drum mag
Ok pass
支持!
Push
1, 3 bug 黎，寫個陣無留意咁多，多謝提醒，怪唔之得搵極都搵唔到中環過海圖
(其實當年蓮香樓都唔係呢個樣，呢個廣州蓮香黎)
4
(其實當年蓮香樓都唔係呢個樣，呢個廣州蓮香黎)
4
多謝
bug 黎，寫個陣無留意，通常D人三四月報名之後先開始操
多謝G持
多謝
push,支持
雖然都想鳩估好多之後嘅劇情，不過都係唔好啦，費時影響樓主
BTW, 陳總個名有乜問題，如果因為見到個名就唔想睇嘅話， 咁咪唔好睇囉。不過改左就算啦
仲有，好鍾意post入面嘅歷史備註，令人覺得唔只講故咁單方面，成個交流好正！
雖然都想鳩估好多之後嘅劇情，不過都係唔好啦，費時影響樓主
BTW, 陳總個名有乜問題，如果因為見到個名就唔想睇嘅話， 咁咪唔好睇囉。不過改左就算啦
仲有，好鍾意post入面嘅歷史備註，令人覺得唔只講故咁單方面，成個交流好正！
每日一推
推完再推
多謝咁多位巴打咁認真幫我搵註釋
多謝
第11章 第一場戰鬥
＊＊陳總已改名做老細＊＊
冬天嘅香港五點幾就日落，幾人離開深水埗軍營之時，天色已經漸暗，是日為1941年12月8日夜晚，醫生拎返之前抄低嘅維基香港戰役時間線，確定日軍228聯隊係喺9號夜晚， 10號清晨先至突襲城門水塘，而喺深水埗去道風山沿着大埔道過去，車程就算再慢，都不過兩小時。應該有足夠時間來回，根據歷史，日軍將會喺聽晚突襲守備不足嘅城門水塘機槍堡，而英軍現時已得知相關情佈，加以防衛，城門防線有可能可以再捱多一陣，只不過，係蝴蝶效應之下會對歷史有咩影響，就不得而知。
現時情況，冒險上道風山就九死一生，留喺深水埗軍營就十死無生，香港雖大，可以着草嘅地方唔多，所以都無辦法。
戰爭已經開打，燈火管制更加嚴格，大家都唔想成為日軍轟炸目標，所以架車全程都係熄左燈咁樣靠住微弱嘅月色慢慢前進，咁樣開車法，唔會俾行路快好多。
二戰時候嘅大埔道，遠冇今日嘅石屎水泥鋪得咁靚，彎彎曲曲，凹凸不平，全程頗為顛簸，但與此同時，亦唔似今次一樣樹木茂盛，好多都係光禿禿，只有雜草嘅山坡。
一路行嘅時候，幾人都提心吊膽，一方面要睇住前邊嘅路，亦都要留意四周動態。
除咗司機Nelson 之外，衛兵Perry 同埋另外三人都分別負責留意汽車四面，原本半個鐘嘅路程，用咗差唔多個半鐘先至去到英軍設係九龍水塘嘅檢查站，檢查站嘅士兵見到幾個人半夜三更突然話要北上，本來都唔想放行，差啲以為又要將過海事件重演，好彩嘅係，今次Nelson醒目，拎咗啱啱喺深水埗軍營獲得嘅補給物資比佢哋睇，證明啱啱先喺軍營補給完，而家北上有秘密任務。
但係檢查站嘅軍官都仲係唔放心，於是叫嚟咗三個人，同佢哋細聲講咗幾句，再同Nelson表示反正佢哋都要行大埔道，檢查站都順手派幾個哨兵檢查沿路情況，不過大家都知，名為保護，實為監視，不過眾人都冇乜所謂，反正佢哋行得正企得正，多幾個人話唔定更加安全。
九龍水塘
但係呢架軍車座位本身只有兩行，坐五個人已經好擠迫，新加入嘅三名軍人只好坐喺後邊嘅開篷車廂。
新加入嘅三人有一個係鬼佬，兩個係印度人，只見鬼佬雖然坐喺後邊車廂，但係就眼定定咁樣望住前座嘅幾個人，另外兩個印度士兵就對住兩邊警戒。
見到新加入士兵凶神惡煞咁嘅樣，加上心情緊張，今次義勇軍數人都冇去撩佢哋講嘢，直接出發。
離開水塘之後，係一條平緩而漫長嘅落山路，臨近山腳嘅植被比較茂密，兩邊都係樹林，行左20分鐘左右，突然間，喺老細懷抱入邊嘅野豬仔開始躁動，望住老細，不停用前爪撥弄佢嘅大脾。
車廂內充斥著不安，說時遲，那時快，車廂後邊嘅兩個印度士兵突然大叫，仲未聽得清佢哋講咩，左側突然傳來一陣槍聲，但係就見唔到任何人影。印度士兵馬上係鬼佬指揮之下對住草叢射擊，Perry 亦馬上對車窗外開槍。至於唔識開槍嘅三人，只能夠匿喺車上趴低。
突然交戰，眾人都毫無防備，一時之間，情況非常混亂，Nelson 此時都顧唔上啲咩燈火管制，馬上開着車頭大燈全速前進。
車頭大燈打開嗰一下，先發現原來喺架車前面幾米，正正企咗一個日本士兵喺路中心，槍頭對住司機，但係由於司機突然開燈，雙眼俾人閃着一下，但係手中扳機已經扣下，子彈呼嘯而過，「砰！」一聲擊中軍車擋風玻璃右上角。
Nelson 冇理到佢，反而繼續加速，轉眼，「嘭」嘅一聲，日本士兵走避不及比車頭撞到，身體比繼續加速嘅軍車撞飛，又再重重咁砸到車頭擋風玻璃之上，翻滾左兩下，嚇到車頭嘅Perry大叫一聲。但係未及驚訝完畢，日本兵嘅身體已經順勢碌咗去車嘅左邊，軍車喺日本兵嘅身體碾過，輪胎好似碌過咗一個石壆咁樣揼咗一下，車輪下傳來一陣哀號。而呢個時候個擋風玻璃，已經被子彈造成嘅蜘蛛網狀裂紋同埋血跡覆蓋。
後座嘅戰爭依然激烈，雖然槍聲不停喺草叢入邊傳來，但係就見唔到半點人影，鬼佬指揮官指揮住印度士兵不停射擊，三人輪流上彈、發射、之後又縮入車後擋板之下。
呢個時候，醫生突然喺車廂入邊伸出半個頭，唔知喺邊度摸到喺現代帶過嚟嘅頭燈，用最強嘅集中光束向着叢林射去，大家係此時先至睇到樹林入邊嘅幾個人頭，醫生將頭燈對正日軍雙眼直射，日軍被呢個突如其來嘅閃光嚇親，射擊稍為停歇，瞬息間，後邊嘅射擊三人組馬上反擊，頭燈照到邊，佢哋就射到邊，「呀——呀！」兩聲，有兩名日本兵中彈。但係幾人毫不戀戰，Nelson猛踩油門，繼續加速，離開戰場。
車輛一路向前開，但係身後嘅射擊從未停歇，慶幸嘅係，敵方似乎只係一小股日軍，並冇追擊。直到槍聲漸漸轉去，眾人先至稍稍鬆一口氣。
<第十一章完>
－－－－－－－－－－－
每星期逢二／六出兩篇，p牌仔推唔郁，希望大家見到幫推一下咁大把
＊＊陳總已改名做老細＊＊
冬天嘅香港五點幾就日落，幾人離開深水埗軍營之時，天色已經漸暗，是日為1941年12月8日夜晚，醫生拎返之前抄低嘅維基香港戰役時間線，確定日軍228聯隊係喺9號夜晚， 10號清晨先至突襲城門水塘，而喺深水埗去道風山沿着大埔道過去，車程就算再慢，都不過兩小時。應該有足夠時間來回，根據歷史，日軍將會喺聽晚突襲守備不足嘅城門水塘機槍堡，而英軍現時已得知相關情佈，加以防衛，城門防線有可能可以再捱多一陣，只不過，係蝴蝶效應之下會對歷史有咩影響，就不得而知。
現時情況，冒險上道風山就九死一生，留喺深水埗軍營就十死無生，香港雖大，可以着草嘅地方唔多，所以都無辦法。
戰爭已經開打，燈火管制更加嚴格，大家都唔想成為日軍轟炸目標，所以架車全程都係熄左燈咁樣靠住微弱嘅月色慢慢前進，咁樣開車法，唔會俾行路快好多。
二戰時候嘅大埔道，遠冇今日嘅石屎水泥鋪得咁靚，彎彎曲曲，凹凸不平，全程頗為顛簸，但與此同時，亦唔似今次一樣樹木茂盛，好多都係光禿禿，只有雜草嘅山坡。
一路行嘅時候，幾人都提心吊膽，一方面要睇住前邊嘅路，亦都要留意四周動態。
除咗司機Nelson 之外，衛兵Perry 同埋另外三人都分別負責留意汽車四面，原本半個鐘嘅路程，用咗差唔多個半鐘先至去到英軍設係九龍水塘嘅檢查站，檢查站嘅士兵見到幾個人半夜三更突然話要北上，本來都唔想放行，差啲以為又要將過海事件重演，好彩嘅係，今次Nelson醒目，拎咗啱啱喺深水埗軍營獲得嘅補給物資比佢哋睇，證明啱啱先喺軍營補給完，而家北上有秘密任務。
但係檢查站嘅軍官都仲係唔放心，於是叫嚟咗三個人，同佢哋細聲講咗幾句，再同Nelson表示反正佢哋都要行大埔道，檢查站都順手派幾個哨兵檢查沿路情況，不過大家都知，名為保護，實為監視，不過眾人都冇乜所謂，反正佢哋行得正企得正，多幾個人話唔定更加安全。
九龍水塘
但係呢架軍車座位本身只有兩行，坐五個人已經好擠迫，新加入嘅三名軍人只好坐喺後邊嘅開篷車廂。
新加入嘅三人有一個係鬼佬，兩個係印度人，只見鬼佬雖然坐喺後邊車廂，但係就眼定定咁樣望住前座嘅幾個人，另外兩個印度士兵就對住兩邊警戒。
見到新加入士兵凶神惡煞咁嘅樣，加上心情緊張，今次義勇軍數人都冇去撩佢哋講嘢，直接出發。
離開水塘之後，係一條平緩而漫長嘅落山路，臨近山腳嘅植被比較茂密，兩邊都係樹林，行左20分鐘左右，突然間，喺老細懷抱入邊嘅野豬仔開始躁動，望住老細，不停用前爪撥弄佢嘅大脾。
車廂內充斥著不安，說時遲，那時快，車廂後邊嘅兩個印度士兵突然大叫，仲未聽得清佢哋講咩，左側突然傳來一陣槍聲，但係就見唔到任何人影。印度士兵馬上係鬼佬指揮之下對住草叢射擊，Perry 亦馬上對車窗外開槍。至於唔識開槍嘅三人，只能夠匿喺車上趴低。
突然交戰，眾人都毫無防備，一時之間，情況非常混亂，Nelson 此時都顧唔上啲咩燈火管制，馬上開着車頭大燈全速前進。
車頭大燈打開嗰一下，先發現原來喺架車前面幾米，正正企咗一個日本士兵喺路中心，槍頭對住司機，但係由於司機突然開燈，雙眼俾人閃着一下，但係手中扳機已經扣下，子彈呼嘯而過，「砰！」一聲擊中軍車擋風玻璃右上角。
Nelson 冇理到佢，反而繼續加速，轉眼，「嘭」嘅一聲，日本士兵走避不及比車頭撞到，身體比繼續加速嘅軍車撞飛，又再重重咁砸到車頭擋風玻璃之上，翻滾左兩下，嚇到車頭嘅Perry大叫一聲。但係未及驚訝完畢，日本兵嘅身體已經順勢碌咗去車嘅左邊，軍車喺日本兵嘅身體碾過，輪胎好似碌過咗一個石壆咁樣揼咗一下，車輪下傳來一陣哀號。而呢個時候個擋風玻璃，已經被子彈造成嘅蜘蛛網狀裂紋同埋血跡覆蓋。
後座嘅戰爭依然激烈，雖然槍聲不停喺草叢入邊傳來，但係就見唔到半點人影，鬼佬指揮官指揮住印度士兵不停射擊，三人輪流上彈、發射、之後又縮入車後擋板之下。
呢個時候，醫生突然喺車廂入邊伸出半個頭，唔知喺邊度摸到喺現代帶過嚟嘅頭燈，用最強嘅集中光束向着叢林射去，大家係此時先至睇到樹林入邊嘅幾個人頭，醫生將頭燈對正日軍雙眼直射，日軍被呢個突如其來嘅閃光嚇親，射擊稍為停歇，瞬息間，後邊嘅射擊三人組馬上反擊，頭燈照到邊，佢哋就射到邊，「呀——呀！」兩聲，有兩名日本兵中彈。但係幾人毫不戀戰，Nelson猛踩油門，繼續加速，離開戰場。
車輛一路向前開，但係身後嘅射擊從未停歇，慶幸嘅係，敵方似乎只係一小股日軍，並冇追擊。直到槍聲漸漸轉去，眾人先至稍稍鬆一口氣。
<第十一章完>
－－－－－－－－－－－
每星期逢二／六出兩篇，p牌仔推唔郁，希望大家見到幫推一下咁大把
多謝澄清，之後劇情會講返
陳總研究完一輪應該真係唔係香港用法，諗諗下以前係叫人腦細/事頭/X先 e.g. 李生, 所以都係改返，始終係歷史故，不過可討論嘅
歷史上
佢地就係現代俾共產中文影響左嘅人囉
佢地就係現代俾共產中文影響左嘅人囉