房中負傷嘅士兵散落四處，有d係度咬緊牙關壓抑呻吟，有d早已痛到麻木，目光空洞地凝視著屋頂。戰俘其中一人係急救兵，雖然唔係醫生，但都對各人情況頗為熟悉。醫生將所有人簡單分做緊急，次緊急，同埋普通，再逐一去睇。
角落入面，有幾個人傷勢特別嚴重。其中一個鬼佬右腿折斷，斷口處骨頭刺破皮膚，鮮血將成條褲染到黑紅。鬼佬本身皮膚已經比較白，但係而家更加係蒼白無色，身體微微顫抖，醫生跪在地上，手指按在鬼佬脈搏，但脈搏已經薄弱到幾乎察覺不到，旁邊有兩個同伴，一路同佢講加油。這樣的情況即使在設備齊全的醫院都需要截肢和大量輸血，何況在係道風山上。
另一位士兵的情況亦不容樂觀，佢係軍隊入邊少有嘅華人，有一粒子彈射咗入右邊胸膛，但係就冇穿身而過，反而留咗喺肺部，鮮血順著撕裂的傷口滲出，呢位傷兵嘅意志力非常堅強，見到醫生之後依然用微弱的力氣試圖張開嘴說話，卻只能發出模糊的聲音，完全聽唔到佢講啲咩。醫生心知，佢嘅情況可以捱到過嚟，而家已經係奇蹟，先勿論醫生自己本身喺香港都冇做過過咁複雜嘅外科手術，而家咁嘅條件根本都冇可能可以做到開胸手術，但係口上面就繼續講：「你要加油，我哋好快就會帶你去安全嘅地方。」各位傷兵好似欲言又止，但係都聽唔清佢講啲咩，醫生不忍直視，去睇其他傷者。周圍的同伴似乎都深知發生咩事，但只能無助咁睇住呢一幕。
除咗兩個重傷，仲有另外兩個士兵都係大面積創傷，兩個人其中一個係鬼佬，一個係印度人，喺戰場上邊，如果唔截肢，就會好快傷口感染而死，但係醫生雖然係做急救科，但佢唔係做外科，佢只係見過人劏腳，自己就從來冇劏過，唯有硬着頭皮咁樣頂硬上，但係而家呢個環境，就連最基本嘅設備都冇，醫生將情況話俾艾牧師，希望佢可以喺日軍身上借少少醫療物資，就算係少少嗎啡，少少醫療器材都好。
但當艾牧師去到中尉睡房面前，門口嘅守衛無論點都唔肯俾佢哋入去，艾牧師嘗試喺門口大叫：「若林中尉……」係第一句都未講出口，已經有兩把刺刀指住佢嘅太陽穴，艾牧師嘗試同守衛嘅士兵溝通，希望可以比佢哋落山買藥，但係無論點講，衛兵都話要等第二朝中尉起身之後再作定奪。
返到去戰俘營，醫生已經檢查曬各人傷勢。二人之中，印度兵嘅傷勢比較嚴重，雖然隻腳仲喺度，但係炸彈令到佢嘅小腿冇咗一大忽肉，同伴幫佢喺膝頭上邊綁住咗個繃帶，但係成個小腿依然腫脹到平時嘅接近兩倍大細，印度人皮膚本身就比較黑，但係小腿而家嘅情況更加係瘀黑色，雖然隻腳受到重傷，但係個印度兵尚算精神，身邊嘅同伴都優先將水同食物比佢。
面對咁嘅情況，醫生都唔知應該點做，平時喺公立醫院，一嚟從來冇見過咁嘅個案，二來基本上唔使諗，直接推上病房彈比外科就搞掂，但係而家，外科醫生又冇，佢自己又從來未試過做大手術，仲要喺物資如此貧乏嘅狀態，就算係一向冷靜嘅醫生，呢一刻都一片芒然。
過咗一陣，醫生講：「你要切咗隻腳落嚟，先至可以保住條命。」
<第19章完>
－－－－－－－－－－－
每星期逢二／六出兩篇，p牌仔推唔郁，希望大家見到幫推一下咁大把
