【波瀾壯闊嘅香港史】咩話 我返左去二戰時候嘅英軍堡壘？！
男版連登仔
237 回覆
50 Like
9 Dislike
麻煩大家見到幫手推多兩下, 寫成幾萬字無人睇好撚慘
去咗旅行，冇資料喺手可以 comment，講住加油先 
隻野豬好得意
推
Stewart好有型
收寵
挪威唔係中立國 納粹德國係1940年6月10日已經佔領挪威, 德日意係有三國同盟
1941年12月實際德國已控制挪威政府, 挪威流亡政府已經去咗英國
作者改寫牧師都有瑞典國籍好過
1941年12月實際德國已控制挪威政府, 挪威流亡政府已經去咗英國
作者改寫牧師都有瑞典國籍好過
Help push
但如果入咗納粹，咁日本應該都唔會攻擊？
終於有人肯用香港二戰背景寫故仔
屌你老母閪咩陳總
睇到依到已唔想睇
D大陸閪先會咁樣叫人
睇到依到已唔想睇
D大陸閪先會咁樣叫人
其實去澳門分分鐘仲安全，葡萄牙就真係中立國喇
呢個真係無留意，艾牧師本身史實上係挪威人，不過當時入侵後挪同納粹關係係點? 會唔會可以保護到
試下寫
你岩，下章開始改名，叫陳生定腦細好
走唔到咁遠
睇你點寫
當時納粹德國已經係挪威建立挪威專員轄區
https://en.wikipedia.org/wiki/Reichskommissariat_Norwegen
不過英國當時係承認挪威流亡政府
德佔挪威1942年先成立Quisling regime 不過實權都仲係挪威專員
https://en.wikipedia.org/wiki/Quisling_regime
當時納粹德國已經係挪威建立挪威專員轄區
https://en.wikipedia.org/wiki/Reichskommissariat_Norwegen
不過英國當時係承認挪威流亡政府
德佔挪威1942年先成立Quisling regime 不過實權都仲係挪威專員
https://en.wikipedia.org/wiki/Quisling_regime
你寫緊個艾牧師係咪Karl Ludvig Reichelt
https://www.bu.edu/missiology/missionary-biography/r-s/reichelt-karl-ludvig-1877-1952/
1877年挪威出生的話其實當時佢應該只有挪威籍, 雖然挪威當時係同瑞典係共主邦聯, 不過1905年挪威已經獨立
https://norden.diva-portal.org/smash/get/diva2:1197581/FULLTEXT03.pdf
史實Karl Ludvig Reichelt 係被日軍house arrest 係沙田道風山直至二戰結束
https://www.bu.edu/missiology/missionary-biography/r-s/reichelt-karl-ludvig-1877-1952/
1877年挪威出生的話其實當時佢應該只有挪威籍, 雖然挪威當時係同瑞典係共主邦聯, 不過1905年挪威已經獨立
https://norden.diva-portal.org/smash/get/diva2:1197581/FULLTEXT03.pdf
史實Karl Ludvig Reichelt 係被日軍house arrest 係沙田道風山直至二戰結束
呢個post好多神人
呢樣係
我聽好多人嗰時話著草去澳門
我聽好多人嗰時話著草去澳門
第十章 滯留港島
＊＊由呢章開始，陳總改名做老細＊＊
三人比一個司機，一個衛兵護送下落山離去，出到市區，發現損害冇想像中咁嚴重，生活一切如常，但係行人之間人人憂心忡忡，幾乎冇人臉上有笑容。偶然都有建築物被炸毁，一片頹垣敗瓦，但係大家都只係冷靜咁樣喺瓦礫之中收拾物件，並冇想像中嘅哀嚎痛哭。
車上三人同兩名士兵閑談，才得知原來兩名士兵都係英國人，司機叫做Nelson，係滙豐銀行分行經理，但係因為上年先至參軍，所以軍職頗為低級，而旁邊嘅衛兵係港大學生perry，大概一年級已經參軍，官職反而比司機高。竟然勞煩到如此人物護送三人，實在感到不好意思
去到天星小輪碼頭，一切又不一樣，只見好多平民一家大細，收拾細軟嚟到港島，相信打算過嚟避難，但佢哋未必估到嘅係，港島嘅情況可能更加慘烈。至於北上九龍嘅，就大部份都係軍人，只見有一大堆包頭印度士兵正喺度排隊上車。三人架車亦都跟喺後邊。
但正當排到佢哋嘅時候，意料之外嘅事發生，負責檢查嘅係一個睇落好後生嘅鬼佬軍人。表示佢哋義勇軍並唔係正規軍，要有通行證先至可以過海，但係佢哋幾個人邊有呢樣嘢，司機 nelson 落車嘗試同佢哋理論，但係無論點講，各位士兵依舊唔願意放人，就算司機一再強調佢哋有重要任務，必須盡快過海，但係對方依然不為所動，冇幾耐，檢查站嘅一個中年鬍鬚佬上司過嚟查問，只見成架軍車淨係裝住三個華人，問佢哋過海原因嘅時候，淨係得到要執行服務嘅回答，事實上，佢哋亦都再冇其他資料可以提供。唔知到底係歧視義勇軍，定係歧視華人，總之司機越講，守衛嘅態度就越強硬，好似特登要同佢哋作對一樣，嬲到nelson幾乎想郁手打人，但係好快，就比檢查站嘅一班士兵圍住，港大學生士兵 perry 亦都將nelson拖走。
「喂，咁我哋而家去邊啊。」老細問司機。
「我點知姐，我收到命令係送你哋想道風山同埋要保護你哋，而家都過唔到海，而我哋係聽命於你，你話去邊，我哋就去邊啊。」一路講，nelson 個樣仲係嬲爆爆。
「戰爭已經開打，我哋要諗吓港島仲有咩安全嘅地方，成個港島山區都係英軍，嗰度就唔使諗㗎啦，我哋可能留返喺市區搵個地方匿埋，等一等可能仲安全。」肥仔搭口。
「唔得，我哋嘅任務係要確保將你哋安全送去道風山，你哋中間匿埋咗，我點樣同steward交代。」啱啱仲喺度嬲爆爆嘅 nelson，已經稍為回復理性。
「我有朋友係碼頭做，佢一般一日三更，而家十二點，三點就換更架啦，或者我哋可以去附近行吓，過幾個鐘等佢哋換完人之後再試吓運氣。始終我哋而家幾乎冇方法可以直接聯絡返義勇軍嗰邊，一來一回仲浪費時間，不如我哋去附近食吓嘢先啦。」perry呢個時候出聲，係佢嘅同齡人中，幾乎全部人都或多或少參戰，因此頗為熟悉軍中事務。
如是者，nelson 帶三人去中環蓮香樓飲茶，當時參加義勇軍嘅大都係中產子弟，不愁衣食。
雖然戰爭已經開打，但係酒樓依然人滿為患，好似戰爭從來冇出現過一樣，同21世紀大家喺茶樓睇電視，玩手機唔同，當時嘅人大部份都喺度傾偈，聽電台，讀報紙，老細隨手拎起上手留喺凳上嘅華僑日報，上邊大大隻字寫住：「敵人竟向香港閃電襲擊 全體軍民一致起來殺敵」電台入邊傳黎係珍珠島慘敗嘅消息，美英亦都已經正式對日本宣戰。
老細並冇放棄嘅豬仔，反而搵咗條繩整咗條豬帶，好似放狗咁樣將佢抱入茶樓，就係咁，五人一身軍裝，兩個鬼佬，三個唐人，一隻野豬就咁行入茶樓，眾人都用奇怪光望住佢哋，不自覺地讓開一條路，五人一豬彷彿自帶氣場，令旁人不敢接近。
但係好快，茶樓嘅阿叔又開始高談闊論：「日本仔嚟洗咩驚呀，當年喺上海都頂咗三個幾月，而家英軍有成幾萬去香港，日本仔邊有咁容易可以打到過嚟啊。你睇吓，呢度有幾個兵頭，你話係咪啦？」阿叔對住幾人講。
眾人相視苦笑，並無答話。
「唔係喎，你睇吓琴晚，成幾百架日本飛機喺上邊飛來飛去，揼咗成晚炸彈，但係英軍呢？鬼影都冇，我尋晚喺天台睇，全部都係日本仔啲飛機嚟嘅，英軍淨係拎啲炮喺度亂咁射，但係都冇個中。香港又唔係英國自己地方，我哋等蔣公過嚟仲好啦。」另一個搭訕。
「英軍冇守手香港就唔會派咁多人啦，嗱，早幾個月之嘛，先至有成幾萬個鬼頭兵喺碼頭上岸，佢哋英軍嚟㗎喎，你估係中國軍隊咩。嗰陣我喺碼頭見到嘅，而且你睇吓，我哋喺中環咪又係正常飲茶，港督都未走，你驚咩啫。」正當眾人議論紛紛之際，司機及衛兵卻喺隔離苦笑，不發一言，只顧繼續飲茶食嘢。
二戰時期嘅茶樓點心同香港差唔多，不過唔知係咪因為食物短缺，肉類產品好似相對比較少，反而比較多唔同嘅包點。
幾人一共食咗港紙七個八，都唔知係當地物價算係平定貴，離去埋單之時，佢發現原來早就已經比隔籬枱幫手買咗單，但到底係邊個，佢又無從得知。
離開茶樓，仲未到換班時間，司機帶着幾人繼續喺港島兜圈， 20世紀港島全部都係極具英倫風嘅建築，好似行咗入去個中文字版嘅倫敦牛津嘅一樣，又好似上海海灘。當時電車已經出現，嗰種熟悉嘅丁丁聲，卻又同今日似乎毫無分別，只係好多地方尚未填海，電車路隔離已經係海旁。
過咗一段時間，幾日再次嘗試去碼頭碰碰運氣，今次佢哋改變策略，買咗一大片帆布，先將本身車上嘅貨物推到車邊，再叫三個人一隻野豬喺車入邊匿埋，再蓋上帆布，當係送貨嘅車。果然，今次過海嘅時候過程極度順暢，守衛望都冇望就已經比佢哋可以上船。幾經波折，終於到達九龍。
[url][/url]
由於耽誤唔少時間，油量亦都幾乎耗盡，眾人先去深水埗軍營加油，深水埗軍營比日軍轟炸左一晚，一片混亂，去到軍營眾人方才得知邊境嘅英軍節節敗退，日軍已經去到大埔，距離沙田只係一步之遙，貿然前去，實在太過危險。不過司機接到嘅任務係一定要將三人送到道風山，所以堅決繼續出發，但深水埗軍營英軍始終不太放心，搵咗幾個頭盔同自動步槍俾佢哋，再幫佢哋原本開蓬嘅軍車加咗幾塊鋼板，並且千叮萬囑一定要小心，不可貿然接戰。
離開深水埗軍營無耐，就開始上山嘅路，山上面就係連串嘅碉堡城門防線，估唔到兜咗一大個圈最後都係嚟返呢度。
＜第十章完＞
－－－－－－－－－－－
每星期逢二／六出兩篇，p牌仔推唔郁，希望大家見到幫推一下咁大把
＊＊由呢章開始，陳總改名做老細＊＊
三人比一個司機，一個衛兵護送下落山離去，出到市區，發現損害冇想像中咁嚴重，生活一切如常，但係行人之間人人憂心忡忡，幾乎冇人臉上有笑容。偶然都有建築物被炸毁，一片頹垣敗瓦，但係大家都只係冷靜咁樣喺瓦礫之中收拾物件，並冇想像中嘅哀嚎痛哭。
車上三人同兩名士兵閑談，才得知原來兩名士兵都係英國人，司機叫做Nelson，係滙豐銀行分行經理，但係因為上年先至參軍，所以軍職頗為低級，而旁邊嘅衛兵係港大學生perry，大概一年級已經參軍，官職反而比司機高。竟然勞煩到如此人物護送三人，實在感到不好意思
去到天星小輪碼頭，一切又不一樣，只見好多平民一家大細，收拾細軟嚟到港島，相信打算過嚟避難，但佢哋未必估到嘅係，港島嘅情況可能更加慘烈。至於北上九龍嘅，就大部份都係軍人，只見有一大堆包頭印度士兵正喺度排隊上車。三人架車亦都跟喺後邊。
但正當排到佢哋嘅時候，意料之外嘅事發生，負責檢查嘅係一個睇落好後生嘅鬼佬軍人。表示佢哋義勇軍並唔係正規軍，要有通行證先至可以過海，但係佢哋幾個人邊有呢樣嘢，司機 nelson 落車嘗試同佢哋理論，但係無論點講，各位士兵依舊唔願意放人，就算司機一再強調佢哋有重要任務，必須盡快過海，但係對方依然不為所動，冇幾耐，檢查站嘅一個中年鬍鬚佬上司過嚟查問，只見成架軍車淨係裝住三個華人，問佢哋過海原因嘅時候，淨係得到要執行服務嘅回答，事實上，佢哋亦都再冇其他資料可以提供。唔知到底係歧視義勇軍，定係歧視華人，總之司機越講，守衛嘅態度就越強硬，好似特登要同佢哋作對一樣，嬲到nelson幾乎想郁手打人，但係好快，就比檢查站嘅一班士兵圍住，港大學生士兵 perry 亦都將nelson拖走。
「喂，咁我哋而家去邊啊。」老細問司機。
「我點知姐，我收到命令係送你哋想道風山同埋要保護你哋，而家都過唔到海，而我哋係聽命於你，你話去邊，我哋就去邊啊。」一路講，nelson 個樣仲係嬲爆爆。
「戰爭已經開打，我哋要諗吓港島仲有咩安全嘅地方，成個港島山區都係英軍，嗰度就唔使諗㗎啦，我哋可能留返喺市區搵個地方匿埋，等一等可能仲安全。」肥仔搭口。
「唔得，我哋嘅任務係要確保將你哋安全送去道風山，你哋中間匿埋咗，我點樣同steward交代。」啱啱仲喺度嬲爆爆嘅 nelson，已經稍為回復理性。
「我有朋友係碼頭做，佢一般一日三更，而家十二點，三點就換更架啦，或者我哋可以去附近行吓，過幾個鐘等佢哋換完人之後再試吓運氣。始終我哋而家幾乎冇方法可以直接聯絡返義勇軍嗰邊，一來一回仲浪費時間，不如我哋去附近食吓嘢先啦。」perry呢個時候出聲，係佢嘅同齡人中，幾乎全部人都或多或少參戰，因此頗為熟悉軍中事務。
如是者，nelson 帶三人去中環蓮香樓飲茶，當時參加義勇軍嘅大都係中產子弟，不愁衣食。
雖然戰爭已經開打，但係酒樓依然人滿為患，好似戰爭從來冇出現過一樣，同21世紀大家喺茶樓睇電視，玩手機唔同，當時嘅人大部份都喺度傾偈，聽電台，讀報紙，老細隨手拎起上手留喺凳上嘅華僑日報，上邊大大隻字寫住：「敵人竟向香港閃電襲擊 全體軍民一致起來殺敵」電台入邊傳黎係珍珠島慘敗嘅消息，美英亦都已經正式對日本宣戰。
老細並冇放棄嘅豬仔，反而搵咗條繩整咗條豬帶，好似放狗咁樣將佢抱入茶樓，就係咁，五人一身軍裝，兩個鬼佬，三個唐人，一隻野豬就咁行入茶樓，眾人都用奇怪光望住佢哋，不自覺地讓開一條路，五人一豬彷彿自帶氣場，令旁人不敢接近。
但係好快，茶樓嘅阿叔又開始高談闊論：「日本仔嚟洗咩驚呀，當年喺上海都頂咗三個幾月，而家英軍有成幾萬去香港，日本仔邊有咁容易可以打到過嚟啊。你睇吓，呢度有幾個兵頭，你話係咪啦？」阿叔對住幾人講。
眾人相視苦笑，並無答話。
「唔係喎，你睇吓琴晚，成幾百架日本飛機喺上邊飛來飛去，揼咗成晚炸彈，但係英軍呢？鬼影都冇，我尋晚喺天台睇，全部都係日本仔啲飛機嚟嘅，英軍淨係拎啲炮喺度亂咁射，但係都冇個中。香港又唔係英國自己地方，我哋等蔣公過嚟仲好啦。」另一個搭訕。
「英軍冇守手香港就唔會派咁多人啦，嗱，早幾個月之嘛，先至有成幾萬個鬼頭兵喺碼頭上岸，佢哋英軍嚟㗎喎，你估係中國軍隊咩。嗰陣我喺碼頭見到嘅，而且你睇吓，我哋喺中環咪又係正常飲茶，港督都未走，你驚咩啫。」正當眾人議論紛紛之際，司機及衛兵卻喺隔離苦笑，不發一言，只顧繼續飲茶食嘢。
二戰時期嘅茶樓點心同香港差唔多，不過唔知係咪因為食物短缺，肉類產品好似相對比較少，反而比較多唔同嘅包點。
幾人一共食咗港紙七個八，都唔知係當地物價算係平定貴，離去埋單之時，佢發現原來早就已經比隔籬枱幫手買咗單，但到底係邊個，佢又無從得知。
離開茶樓，仲未到換班時間，司機帶着幾人繼續喺港島兜圈， 20世紀港島全部都係極具英倫風嘅建築，好似行咗入去個中文字版嘅倫敦牛津嘅一樣，又好似上海海灘。當時電車已經出現，嗰種熟悉嘅丁丁聲，卻又同今日似乎毫無分別，只係好多地方尚未填海，電車路隔離已經係海旁。
過咗一段時間，幾日再次嘗試去碼頭碰碰運氣，今次佢哋改變策略，買咗一大片帆布，先將本身車上嘅貨物推到車邊，再叫三個人一隻野豬喺車入邊匿埋，再蓋上帆布，當係送貨嘅車。果然，今次過海嘅時候過程極度順暢，守衛望都冇望就已經比佢哋可以上船。幾經波折，終於到達九龍。
[url][/url]由於耽誤唔少時間，油量亦都幾乎耗盡，眾人先去深水埗軍營加油，深水埗軍營比日軍轟炸左一晚，一片混亂，去到軍營眾人方才得知邊境嘅英軍節節敗退，日軍已經去到大埔，距離沙田只係一步之遙，貿然前去，實在太過危險。不過司機接到嘅任務係一定要將三人送到道風山，所以堅決繼續出發，但深水埗軍營英軍始終不太放心，搵咗幾個頭盔同自動步槍俾佢哋，再幫佢哋原本開蓬嘅軍車加咗幾塊鋼板，並且千叮萬囑一定要小心，不可貿然接戰。
離開深水埗軍營無耐，就開始上山嘅路，山上面就係連串嘅碉堡城門防線，估唔到兜咗一大個圈最後都係嚟返呢度。
＜第十章完＞
－－－－－－－－－－－
每星期逢二／六出兩篇，p牌仔推唔郁，希望大家見到幫推一下咁大把
1. 當年嘅中環碼頭有汽車渡輪？定係佢哋去咗北角？
2. 英軍飲茶無啦啦俾隔籬枱埋單好有 feel
3. 二戰英軍未有自動步槍，最接近嘅係 Bren Gun；如果係深水埗軍營俾佢哋嘅話，應該只得 Sten Gun [1] 或者 Thompson [2] 兩款衝鋒槍；再唔係就喺黑市入到幾支國軍或者偽軍流出嘅德製 MP-18 或者 -28 [3]。
[1] Sten Gun 有少少 mun，始終 1941 年先開始裝備，而且英倫本土同埋北非戰場一定優先
[2] 要夾硬講嘅話，可以話係駐軍戰前喺美國入咗一批
[3] 呢個就真係夾硬嚟架喇，不過當年嘅中國軍隊 (無分派系) 確實夠膽死咁做...
4. 咁睇嚟主角們有可能會遇上日軍先頭部隊，要準備為港捐軀了...
(鳩估後續劇情：由於咁快陷包散會直接完故，應該 Nelson 同 Perry 是但一個或者兩個一齊 KIA，然後三人組誤打誤撞打死咗若林東一，戰場迷霧令二二八聯隊按原定計劃待命而唔係私自行動，城門碉堡因此比原時空頂多咗兩三日)
2. 英軍飲茶無啦啦俾隔籬枱埋單好有 feel
3. 二戰英軍未有自動步槍，最接近嘅係 Bren Gun；如果係深水埗軍營俾佢哋嘅話，應該只得 Sten Gun [1] 或者 Thompson [2] 兩款衝鋒槍；再唔係就喺黑市入到幾支國軍或者偽軍流出嘅德製 MP-18 或者 -28 [3]。
[1] Sten Gun 有少少 mun，始終 1941 年先開始裝備，而且英倫本土同埋北非戰場一定優先
[2] 要夾硬講嘅話，可以話係駐軍戰前喺美國入咗一批
[3] 呢個就真係夾硬嚟架喇，不過當年嘅中國軍隊 (無分派系) 確實夠膽死咁做...
4. 咁睇嚟主角們有可能會遇上日軍先頭部隊，要準備為港捐軀了...
(鳩估後續劇情：由於咁快陷包散會直接完故，應該 Nelson 同 Perry 是但一個或者兩個一齊 KIA，然後三人組誤打誤撞打死咗若林東一，戰場迷霧令二二八聯隊按原定計劃待命而唔係私自行動，城門碉堡因此比原時空頂多咗兩三日)