【重甜】【明就明 唔明就黎明】《XG快落》(5)

上回講到綽廷唔明覺悟點解會同死綁埋一齊！
可能就嚟明呢～
咁晴晴嘅身世呢？
原來晴晴係出生於高官家庭！
所有政府官員同家人都係唔使受佛洛影響！所以自出世以嚟，就睇清呢個世界！
晴晴覺得好痴線！人民點可能被獨裁者控制？！
就算入到國家教育研究學院，晴晴都係唔受教！
就喺差啲俾人捉去坐監之時，新哥救咗晴晴返嚟！
晴晴跟住新哥都差唔多有十年時間～當正新哥係爸爸咁～
傾完都日落，係時候食晚飯～
迎新食好啲～但綽廷都係覺得同食屎冇分別咋喎...
唔好咁啦～享受啲～
食飽晴晴叫綽廷行陣先～洗完碗碟就帶佢去自己房～
綽廷上樓睇睇，見到阿南食梗煙～
阿南請綽廷食返飛先～
嘩咁難食，會唔會危險健康㗎？
綽廷有健康過咩？
「唉～」阿南擰擰頭，大大啖扯支煙，「接受唔到呢？咁嘅世界係好難接受...」
咁嘅世界...
綽廷再扯一啖...
連支煙都咁難食...
「以前日日想扑嘢...」阿南望住出面嘅夜色，「而家一啲性慾都冇...」
以前日日想...扑嘢...
「就係要扑到你哋冇晒精神...」新哥行到嚟佢哋身邊，「仲有好多人都因為咁而精盡人亡。」
要佢哋扑到...精盡人亡？
「係係係～」阿南大大啖咁扯盡支煙！一彈就彈出去！再轉身揮揮手，「你話係就係啦～沖涼先～」
望住阿南嘅背影越行越遠...
「係冇咁快慣...」新哥望住綽廷手上支煙...
綽廷再扯一啖...大啖少少扯多啖...
「慣唔慣都好...」新哥拍拍綽廷膊頭，「呢個先係真實...」
『真實...好難受呢...』綽廷再扯一啖，再扯大啖多少少，『但耐咗總會...習慣...』
「冇錯...人就係一種會習慣嘅生物...」
『當然有好...亦有唔好...』
「你好快就分到邊啲係好...邊啲係唔好...」
TO BE CONTINUED
跟住既劇情發展又會係點呢？



準備出文

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～