【重甜】【明就明 唔明就黎明】《XG快落》(5)

我仲可以好清楚咁望到對面樓個單位入面...有個皮黃骨瘦嘅男人...赤裸裸咁...屌緊空氣？！

佢真係對住隻窗喺度前後抽插！碌半硬微軟喺碌鳩就Fing吓Fing吓咁！

而喺佢身旁其實都有個皮黃骨瘦嘅老女人雙手撳住隻窗...好似俾人從後抽插咁！

佢哋兩個都唔啱位！好似各自屌緊空氣又俾空氣屌緊咁！

咩事吖？點解咁黐㗎？！

『我...』我望住個皮黃骨瘦嘅男人，鳩Fing Fing，『究竟有冇同你扑過？』

「我同你？」晴晴同我一齊望住對面樓，屌空氣嘅男女，「你一直都係同幻覺扑～」

我...一直都同幻覺扑？

「睇住你喺公園磨棵樹～又喺車上自己射到一褲都係係幾搞笑～」晴晴莞爾一笑～

我...原來...

「不過呢...」晴晴諗一諗，「你有冇同小紅扑就唔知喇～」

『小紅？』邊個小紅吖？

「你身邊嗰個國安大媽～」晴晴對我莞爾一笑～

我身邊嗰個...國安...大媽？！

『嘔！』我諗起！曾經見過嘅幻覺！俾個大媽壓住嚟瞓！

係幻覺！唔係...如果照晴晴咁講...唔係...唔係幻覺...唔係...

『唔係...唔係真...唔係...幻覺...係幻覺！』所有嘢都唔係真！！！

晴晴擰擰頭，拎咗兩粒藥出嚟：「如果想睇清事實就食黃...想一直被騙就食藍...」

我望住晴晴手中...一黃...一藍...

我拎粒藍色藥啪落口！吞落肚！

『唔係真㗎！所有嘢都唔係真㗎！』我就跑出門口！

「睇嚟你揀錯咗...」

「佢一定會返嚟...因為佢冇辦法再逃避現...」

我跑出走廊！衝入𨋢！撳地下！

『唔係真㗎...唔係真㗎...』我不停咁撳地下！『幻覺嚟㗎...幻覺嚟㗎！』

唔使幾耐就落到嚟...大堂...

係光鮮...闊落...嘅高尚住宅大堂...

我一步一步咁行出𨋢...行入大堂...

只見年輕貌美嘅女保安同我揮揮手...

我只係點點頭...拎起遮架上嘅共享雨傘...行出玻璃大門...

打開深藍色嘅遮...

“灑！！！”出面仲係好大雨...但都可以睇到條街好闊好乾淨...

街上嘅人都好開心咁～擔住把遮慢慢行～

馬路上都有唔少名貴車輛～又超跑又有豪華房車～

我返嚟喇...返嚟正常嘅世界喇！

呢個先係現實！係真實！

而我而家身處嘅地方...只係同我屋企...隔幾條街咋喎！

竟然係呢邊？原來係呢邊吖？！

點解我頭先察覺唔...

唔理咁多喇！返屋企！返屋企先！

我就擔住把遮，急急腳咁行返屋企！

條街好闊落呢～就算有唔少途人都唔會撞到人～

快啲返去喇～好想快啲返去吖～

我行到返自己屋企...放把遮喺大堂嘅遮架...搭𨋢上返去...一打開大門入屋...

『點解咁㗎...』我又見到...自己屋企殘殘舊舊...

我行入兩步...

點會㗎...又細...又殘舊...個廚房啲碗碟未洗...勁多曱甴！仲有老鼠！

『點會咁㗎...點會咁㗎...明明...』就喺呢個時候...

「綽廷？」一個老肥婆咁啱行咗入嚟，「返咗嚟嘅？你唔係去旅行㗎咩？」

『你...你係邊個吖？』我退後兩步，『你係邊個吖？！唔好行埋嚟呀！』

「綽廷？」老肥婆行近多兩步，「你係唔係有幻覺吖？食藥先啦～」

老肥婆拎咗樽藥俾我！

幻覺？幻覺？！

我食藥！一粒又一粒！一堆藥塞晒入口！吞落肚！

『唔唔唔！邊個...你係邊個...』我退後幾步！『走開！走開呀！！！』

「睇嚟...」老肥婆擰擰頭，「冇得救...」

『走...走開吖！老肥婆！』我退後兩步！坐咗喺地上！

只見老肥婆喺個袋度拎咗把...手槍出嚟！指住我：「唔可以再俾機會你喇...去死啦...」

去...死？

“砰！”一聲響！老肥婆個頭就爆開咗！

睇住無頭老肥婆屍體趴喺我面前...仲有大量鮮血流到一地都係...

我有啲暈...眼前開始黑...

喺我臨失去意識之前...

「好彩又趕得切...」

我隱約見到一個嬌小嘅身影...

「又俾你趕得切...」

同一個黑黑實實嘅...身...影...

...

..

.

TO BE CONTINUED

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 10－來到地獄] PART 01

『嗄！』我一嚇就睜開雙眼！

望到眼前嘅係...陌生嘅...天花板？！

已經將[Day 09－試圖離開] PART 03 Upload上Penana

出到斧頭添

所以係政府一直都用緊幻覺去維穩

冇錯喇

再估下先
咁晴晴應該就係本身幫政府做野
後尾就叛變出黎？

https://youtu.be/AxzfVJeIFGs?si=vG_E39cq7ixV_Kc2
Gura好得意