【重甜】【明就明 唔明就黎明】《XG快落》(5)

上回講到綽廷一嚇醒！係陌生嘅天花板！
晴晴坐咗喺身邊！話係佢哋個竇～尋日綽廷咪嚟過囉！
綽廷諗返起晴晴佢哋殺咗國安大媽！
晴晴就話唔係國安大媽死就係綽廷亡～都係救咗佢姐～
究竟晴晴佢哋係咩人？
寸頭男人就話加入咗先講喎～
加入佢哋殺人吖？
兩條路！一係加入！一係一槍打爆綽廷個頭！
加入囉...
不過佢哋而家要搬竇先！因為為咗救綽廷，搞到俾國安搵到！
綽廷都幫手搬！係一箱箱藥嚟嘅！
咩藥嚟㗎？咁似平時食開嗰啲？
新哥揸車等緊㗎！快手啦！
原來寸頭叫新哥！
街上都有唔少防毒面具人！唔怕俾佢哋發現咩？
其實只要保持笑容就得㗎喇～
你睇晴晴佢哋衣著咁正常都唔覺得佢哋有問題～
綽廷打量晴晴...由頭到腳趾尾...又掃視返上頭...又係喎！
晴晴嘅衣著...成個人都好正常喎！
比起街上啲皮黃骨瘦...污糟邋遢...
唔好話啦！綽廷自己咪又係衣衫襤褸！又殘又憔悴！
「喺佢哋眼中只有唔開心嘅人就係有問題嘅人～」晴晴帶住天真無邪嘅微笑點點頭～
只有唔開心嘅人...就係有問題嘅人...
兩個防毒面具人見到佢哋笑笑口咁，就冇再理佢哋...走去觀察其他人...
「除非國安已經落Order...」晴晴帶住綽廷行，「就係趁住佢哋未有行動好快啲走～」
國安...真係發夢都冇夢見過自己會得罪國安...
綽廷一直都奉公守法...過馬路都未試過衝燈....點會突然就...
「喂快啲啦～」晴晴向綽廷招招手，「有𨋢喇～」
『哦！嚟喇嚟喇～』都係唔好諗咁多住...
再搬埋最後兩箱藥上車之後...
“吱...吱...”佢哋就上車走人！
跟住既劇情發展又會係點呢？



準備出文