【重甜】【明就明 唔明就黎明】《XG快落》(5)

一打開大門行出去，行幾步就見到晴晴坐咗喺張長木凳上...望住個夕陽...

我就行到去晴晴身邊：『唔...唔阻你吖嘛？』

「唔阻～」晴晴擰擰頭，「點會阻我呢～」

『哈...』我望一眼張長木凳...雖然又殘又爛爛地...但應該仲坐到嘅～就坐喺晴晴身邊，『咁有人會鍾意一個人靜靜地欣賞日落㗎嘛～』

「你都幾浪漫㗎喎～」晴晴對我莞爾一笑～

『我唔係不嬲都浪漫㗎咩？』我打量住眼前嘅晴晴...熟悉嘅面孔...

「係咩？」晴晴帶住微笑擰擰頭，「可能我哋相處嘅時間短啦～」

『其實...』我望實晴晴，『我哋相處咗幾耐？』

「我哋吖...」晴晴望住個夕陽諗一諗，再望住我，「十四日～」

『十四日...』乜就只有十四日？

「嗯～」晴晴點點頭，再望返住個夕陽，「之後你就俾國安盯上～」

『點解好似...同你生活咗咁耐咁...』明明就一齊生活咗兩個幾三個月咁...

「佛洛影響咗你對時間嘅認知吖嘛～仲有小紅呢～」晴晴古古惑惑咁打量住我～

『嘔...』一諗起個老肥婆...仲要爆頭死就反胃！

「哈～」晴晴笑一笑，「好彩我都及時離開～唔係就俾國安捉到...話唔定仲會俾佢哋殺埋...」

『我哋嘅處境...』望住夕陽慢慢西下，『好危險姐...』

「有邊場革命唔危險？」晴晴帶住微笑擰擰頭...

『會死人㗎喎...』好似大細孖嘅父母...

「有邊場革命唔會死人？」晴晴帶住微笑擰擰頭...

『咁仲點解要...』我仲未將我想講嘅說話講完...

「睇嚟你仲未有所覺悟喎...」晴晴打量住我...

我...我未覺悟？

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

「或者...」晴晴擰擰頭，望返住個夕陽，「仲要啲時間啦～」

覺悟...其實我一直都唔了解呢個詞語嘅意思...

點解覺悟會同死連上㗎呢？

廷仔太好笑啦
一諗起佢屌空氣、屌樹窿就好笑

早

仲有射到自己一褲都係

揸𨋢早

木各身尚早

各位早晨
咁又過咗中秋

仲有萬聖節聖誕同除夕倒數

全部都唔關我事