【重甜】【明就明 唔明就黎明】《XG快落》(5)

上回講到晴晴嚟咗，綽廷諗住幫佢買埋機票啦～
點知晴晴問綽廷有冇諗過一直喺佢身邊嘅晴晴，已經唔係原本嘅晴晴？
講咩吖？咁深嘅？
晴晴叫佢睇清楚先！
本來係有巨型客機升升降降嘅機場跑道，而家就變晒啲三層樓高嘅大樓？！
遠啲仲好似有圍牆！不過勁大雨睇唔清楚！
綽廷諗住係幻覺！食藥冇事！但食幾多都係咁大件事！
而身處嘅大堂都變到又殘又舊！仲有好多著住綠色大褸嘅防毒面具人！
咩人嚟㗎？！其他人好似睇佢哋唔到咁嘅？
仲有其他人都衣衫襤褸！又殘又攰但又笑到好幸福咁！
CLS？！佢哋CL咗S吖？！
晴晴話都係快啲離開呢度先！
仲要扮晒冇嘢咁！保持笑容！唔好俾防毒面具人留意到！
「我哋都係返去咯～」晴晴好自然咁同綽廷十指緊扣～
『好吖好吖～』綽廷保持住面帶笑容，『返去喇返去喇～』
嗰兩個防毒面具人又冇理佢哋咁多...
除咗呢兩個...仲有嗰兩個...仲有其他人防毒面具人！
要唔俾佢哋懷疑...要扮晒睇佢哋唔到...當佢哋透明！
好唔容易先俾佢哋行出大門！
一出到嚟，附近都冇防毒面具人...
『跟住...跟住我哋去邊？』綽廷望望...馬路...殘殘舊舊日久失修咁...
「攞返架車先。」晴晴拖住綽廷行。
『攞...攞返架車先...』綽廷拎部電話出嚟，打算開返個停車場App Call返架車出嚟...
但個Mon都裂晒咁...睇唔清楚...
綽廷部電話...點會殘舊又爆Mon嘅？！
「唔使撳電話喇...你架車喺嗰邊...」晴晴一指...
綽廷跟住晴晴隻手指仔望過去...一個露天嘅地方...一架淋緊雨嘅...爛車？！
跟住既劇情發展又會係點呢？



準備出文