在線解答養貓新手問題(11) 整合個新貓指引好

貓1歲大，近排朝早7點幾8點就會不停喵同抓門，想問係咪因為肚餓所以先叫醒我去餵野食？

有機會
都可以係訓醒唔見你地要搵你地

咁我試用糧機 較朝早7點俾糧佢食先 謝謝

自從換左Orijen貓糧之後 再衰貓唔中意食濕糧
試過幾個牌子都係咁 可以點搞

咁好，竟然要乾糧唔食罐

乾濕混啲比佢試下睇下會唔會食返？

勁唔健康

換淡味D既乾糧
開罐頭先幾個鐘頭唔好俾乾糧
減少乾糧份量
轉濕糧味道 唔好加水

新手第一次養貓，最近接咗隻兩個月大嘅英短，但有幾個問題想請教答位

貓嘅原主人話佢教咗隻貓仔屙完屎要埋。但呢幾日我發現隻貓仔好鍾意喺盤嘅角位落屎，之後佢撥屎永遠都係撥嗰盤邊，唔係撥啲沙。我已經買到個屎盤最大，佢有大把位屙，但佢永遠都係角落位屙，又撥唔到啲沙，請問可以點教佢？我有試過捉住佢隻手撥，亦都試過將原主人比嘅舊沙放喺中間，但都解決唔到

其次想問下如果隻貓不停叫，但我唔理佢，佢係唔係慢慢會叫少啲？隻貓係超級attention seeker。平時我會困佢入籠，自己做野。如果我唔望住佢，又者我喺佢視線範圍離開，佢會瘋狂咁叫。有時甚至佢食野嗰陣，見我行開都會狂叫而唔食野。佢可以由凌晨4點開始叫，叫到晏畫2 3點都唔停。我本第驚佢有事，所以帶咗佢睇醫生，個醫生話佢無事，只係比平常嘅貓活潑好多。但佢咁叫法我同屋企人連作息同工作都會受影響，所以想知係咪唔理佢就慢慢會解決？

最後係餵乾濕糧嘅時候，隻貓仔成日都唔食野，淨係想離開嗰籠玩，或者扭我抱。我放低啲糧入籠唔理佢，佢間唔中會食一兩啖。想問下咁係啲糧唔岩佢，我再轉，定由佢咁樣就okay？

我知我打咗好多字，但希望有巴絲打可以幫手解答

佢唔肯去撥啲沙
可能因為佢唔鍾意呢啲沙
你睇吓同原生用開嘅貓砂係咪好大分別？
同埋可能佢去廁所習慣企喺盆邊上面屙落去而唔鍾意落去貓砂度去所以可能就成日喺邊邊位度屙

而且佢而家兩個月呢個歲數會經常同你接觸同玩
因為基本上瞓醒咗就會想不停咁探索
如果屋企安全可以俾佢自己周圍行吓
呢個歲數都鍾意黐住媽媽
所以成日會搵你睇住佢都唔出奇
你可以陪佢玩返至10分鐘俾佢攰咗就掃下佢等佢瞓
如果覺得夜晚會阻住你嘅話，就臨瞓之前來玩耐少少，等佢攰咗就瞓足一晚到第二朝
呢個歲數最好建立你哋關係深厚嘅時間既然你同你屋企人一齊住有幾個人每人同佢玩5分鐘應該都足夠消耗佢啲體力佢亦都會好滿足

食嘢方面可能根本未肚餓，所以冇乜興趣食
同佢玩完之後啲嘢食可以當獎勵咁俾佢食，佢就會覺得滿足同開心

初初接新貓返嚟建議花多少少時間去建立關係
同佢養成良好嘅習慣同固定嘅作息食飯時間同瞓覺時間
咁後來生活就會大家舒服啲

多謝你嘅解答，我會試下

新貓去醫生度檢查
開左杜蟲藥 又開埋revolution
係咪要打孖黎 會唔會好辛苦

第一次養貓養左接近一年，但貓貓近呢三個月夜晚都不斷要求入房。以前唔俾佢入佢會乖乖地等我地醒左先叫，依家係隨時都會嗌同抓門。

咁見佢可能夜晚唔想自己一個都放咗佢入房，但就衍生左佢係我地訓嗰陣跳黎跳去踩下我地或者抓窗簾(佢自己係客廳唔會搞個窗簾)

如果我係到訓既話佢會乖少少，但我因為返shift好多時都一係凌晨4,5點就岀門或者夜晚唔係屋企，但我另一半返95而如果我一唔係屋企隻貓就會係咁搞窗簾同撲我另一半，而我另一半因為身體問題其實好需要好好既休息但呢三個月都好多時俾貓貓搞到無覺好訓

各位有無咩建議可以俾到我地

已經有上網睇過訓之前同佢玩同埋俾野佢食但試過都無效

- 可以試下訓覺前捉佢係房度做佢唔鍾意既活動都（刷牙、剪指甲、餵保健品），指甲鉗/牙刷都擺出黎等佢見到。
- 訓覺前放多D電
- 無視佢入房既要求，可能耐左冇用就唔會再做

係咪最抵？

多謝你建議先，不過我地隻貓除左沖涼之外都無乜唔鐘意既活動可能係佢好細已經有訓練開所以佢完全唔抗拒刷牙剪指甲，我會嘗試再諗下有乜日常野佢唔鐘意。

另外兩樣就其實都有嘗試過放電放到佢攰，但都可能4,5點抖夠又見我起左身返工就唔再訓就係到玩。

而無視佢入房嗰到我地其實之前一直既想法係唔俾佢入房但佢夜晚實在嗌到太大聲都好有耐性可以嗌好耐搲好耐，所以怕嘈到鄰居先俾佢入房，佢初頭都乖乖地訓係個佢鐘意既床仔等我地起身，但就越嚟越得吋進呎佢一無聊唔想訓就撲下我地搲下窗簾同衣櫃

唔會
一個食一個滴
對付唔同野

黎左第2晚 關罐罐唔食 用手撥埋佢
零食又食

隻細貓初初接佢返黎係食RC糧同罐，之後慢慢轉orijen乾糧比佢（依家轉到一半rc一半orijen）

起初佢係早晚濕糧，晏晝乾糧（平時都會長放10粒8粒比佢）。咁我見佢都穩定落黎就想轉埋濕糧。買咗instinct同tiki cat，溝埋比佢食。

但由最初接佢返黎就發現，佢成日食唔哂啲濕糧。由初初rc比1/3罐，到依家溝tikicat 同instinct，每罐比約莫1/4罐，佢永遠都會食淨野。

我後尾發現隻野唔鍾意啲濕糧無水，但又唔可以水汪汪，所以我會一路用匙羹加水落佢啲濕糧，等佢一路食啲野都有水。

但依家搞搞下，佢唔再食乾糧。同埋佢都係會唔肯食哂，去到最尾會對住啲野食做撥沙動作。

我想問下會唔會出現一個情況係佢飲得太多水，所以食唔哂啲野？如果係咁會唔會導致佢營養不良？事關佢都12個weeks，但都仲未夠1kg定係我應該要餵多幾餐，但每餐份糧少啲（不過好難，我同屋企人都要返工，晏晝根本無人餵到佢）

新手第一次養貓, 係一隻6歲既唐貓 , 上一手主人只係留左個膠盒裝住少少糧比佢, 所以都唔知係咩牌子 而家要買新糧比佢. 想問下有無推介既貓糧? 另外換新糧有無咩技巧? 唔肯食既話係咪要餓下佢等佢自己接受? 唔該

即係唔中意你個罐
可以手點少少比佢試下睇下佢食唔食
開多幾隻沒同比佢試下佢中意食咩

溝咗水可能快飽咗個肚所以就唔食
慢慢減少返加水比佢
濕糧應該夠水份

隻乾糧而家可能比較起冇咁有興趣食
你試下同佢玩完比零食時加少少乾糧比佢食埋
比佢慣隻味先
咁細個應該接受能力高啲

重量要睇品種
但最好就定期磅重
最緊要係有增長
佢唔夠1kg真係都細隻咗啲
真係擔心可以買幼貓奶佢飲下

推介就冇
但可以揀啲少穀物嘅比佢

另外可以先試試雞肉嘅糧
會少啲機會腸胃唔慣
新糧加舊糧咁溝比佢食
慢慢慢慢咁加多啲新糧比例
如果佢唔揀擇
就買多幾種唔同肉類糧比佢試下
吸收多啲唔同肉類，同埋以防其中一隻糧冇貨