在線解答養貓新手問題(11) 整合個新貓指引好

如果怕太唔夠營養 不如比貓用奶佢飲下
或者個啲奶滋味

如果加凍乾會食
咁就試吓加啲凍乾佢唔同食物等佢習慣之後慢慢減少份量
最緊要俾佢嘗試吓試吓食新嘢

正常
細細個通常比較好奇都會周圍走同埋唔怕人最初俾佢困籠主要係俾佢習慣咗佢瞓覺嘅地方同埋貓砂盆係佢嘅廁所之類
而且如果第一次養貓，困籠就安全啲，因為你未必知道屋企有啲咩係對佢有危險，又唔知道佢會跑去邊度

另外困籠係俾個大概嘅意思，佢話呢度係你嘅地頭唔係佢話事

貓貓因為意外跌斷雙腳
做完手術要縫線 日日清潔傷口
但係養咗貓貓三年佢從來唔親人 淨係親貓
因為我係義工度領養返嚟，佢係一隻流浪嘅三色唐貓
但因為醫生同我講佢要困籠同埋盡量唔好俾佢郁
但每次想同佢洗傷口都好大反應 學醫生搵部冚住佢個頭都搞唔掂

要放啲貓用放鬆用香薰
如果佢愛貓草
買枝汪喵一枝個啲貓草乾 搵個人係前面比貓貓嗅下食下
分散佢注意力 去清洗傷口
如果唔得就都要買淘仔最近隻包貓布包實佢去快快清洗

尋日其中一隻貓女絕左育 番到屋企著左件衫冇耐就周圍跳 今日都係跳上跳落 最後頂唔順 困番佢入籠算 好彩傷口冇滲血水出黎

一定要暫時坐住籠先
貓女啲傷口比較大跑跑跳跳好容易爆
唯有每日俾啲放風時間
抱上床或者梳化掃下毛就算

今日第三日, 呢兩日一掂佢肚就發脾氣咬我,就咁睇膠布表面就冇血水滲出黎, 但佢隔唔中就會係咁叫, 唔知係悶定仲痛

嚟緊會接一隻一歲唐貓仔
有幾個問題想請教

1.一開頭個籠嗰塊布使唔使完全cover哂，少少光都唔漏得？

2.遲啲會用糧機，貓貓本身喺貓舍食開罐罐
可唔可以第一日嚟到屋企就喺啲濕糧入面加幾粒乾糧等佢習慣下？

3.依家夏天，無人喺屋企嘅話使唔使開冷氣俾隻貓？（擔心成日開電費好貴）

4. 貓貓依家有啲傷風，照顧開佢嘅姨姨有帶佢睇醫生，仲食緊藥。話到時貓貓轉咗環境後可能會易啲好返，想問係咪？但我屋企平時唔開窗都會生啲塵同毛出嚟，可以點做先令貓貓舒服啲

新手養貓好緊張

請教

貓唔食罐又唔鍾意飲水 點好
轉個幾隻牌子都係最多食幾啖
餓佢成日都唔肯食
鮮食又唔食
凍乾加水又唔食
肉泥加水又唔食
湯罐都係飲兩啖唔飲
淨係鍾意乾糧


尿又少又長期粒粒屎
比佢搞到心灰意冷

食咗排毛粉都嘔毛正唔正常？
食完貓草又嘔

膠布唔係要除走嘅咩
同埋有冇比藥啊醫生
應該都會痛
我幾隻做完都要坐幾日冇咩心機

漏光冇問題
叫做比個安靜地方佢坐下

如果佢本身肯食啲乾糧
就無需要乾同濕溝埋
因為啲乾糧咁樣溝會影響消化


除非你屋企全日都比太陽曬住，如果唔係嘅話係唔需要
貓本身都比較鍾意暖嘅地方，最緊要確保平時室溫唔會太高就可以
另外其實如果屋企用嘅係變頻冷氣，一直開反而會比較慳電

至於傷風方面，可能本身喺照顧開嘅地方環境比較差
所以認為單獨處應該會減少互相傳染機會

屋企記得每日都最好吸塵梳毛同埋開窗換氣咁樣空氣質素就會OK


第一次養貓都係會好多嘢擔心慢慢嚟

有冇睇返佢本身鍾意食咩肉類而買返嗰種肉類嘅罐罐

同埋可能有時同佢玩完遊戲之後開個罐俾佢覺得好似獎勵咁樣令佢覺得係難得得到嘅嘢食

另外可以試吓唔同方法嘅水機，因為可能大家都係流動水，但係流出嚟嘅方法唔同個興趣度都唔同

同埋我屋企其中一隻貓同佢玩過係要指定好似做手沖咖啡嗰種倒水嘅方法佢先有興趣飲
另外有啲貓係要將啲肉嚟粘喺手上面去俾佢食佢哋先食

咁會唔會係幫佢梳毛梳得唔夠？
如果長毛貓嘅話，呢期換時間要幫佢疏得好密

食完貓草會嘔要睇吓到底啲貓草係咪太長冇慢慢咀嚼，搞到反胃

假如成日都嘔返晒啲毛出嚟，可以留下佢便便會唔會好多毛

感謝巴打！

好詳細

另外又想問下屋企啲人平時會返工，貓貓喺籠嗰陣可以點預備糧俾佢？
定係朝早一次，夜晚一次就ok？

朝頭早起身返工之前餵飽
再放低一餐嘅糧到七至八點放工返屋企就再餵飯
然後我個人係會瞓覺前再加糧比佢食

如果新貓就通常困籠兩個星期左右等佢習慣新地方同埋知道呢個屋企你先係主人
之後只要確定屋企安全都可以俾佢自由走
最初呢兩個星期俾佢出嚟放風嘅時候就留意吓佢會去邊度睇吓有冇啲咩有可能組成危險嘅地方就處理咗佢

明白
咁我可唔可以理解其實依兩星期如果有人喺度就可以放佢出嚟行下，然後再叫返佢入籠？
定都係一開頭無論點都唔好住，過多幾日先放佢出嚟探索下再叫返佢入籠～

想問問家中英短大慨17歲單養中,建唔建議補打返混合預防針FVRCP?

你地用緊邊隻拖地水？

有人睇 佢又唔驚就比佢出嚟下行
都要散下步同佢玩下 接觸下
不過佢病你而家俾佢出嚟都未必有心機行

寵物用嘅拖地清潔劑

如果唔係嘅話用最大路橙威寶都可以

問問醫生好
老手野冇經驗

唔該晒巴打

佢食過幾款主流嘅肉都係雞鴨魚牛個d
唔覺得佢有特別鍾意食邊款
我會試下用手餵肉

我目前觀察佢似乎鍾意食香口野（貓條除外）
食落去咔咔聲個d
水機嚟緊睇下會唔會換
啱啱再買咗幾個新罐試下
唔想逼佢食嘢

我用萬潔靈，橙威寶搞到地下變色，再上最近加價。

今日起身就見到地下有隻甲甴腳，再望下廚房有甲甴下半身屍體，應該隻貓玩死左佢。
你地會處理？