在線解答養貓新手問題(11) 整合個新貓指引好

屋企隻貓女成日當左我手手腳腳係獵物咁大力咬 要點教番好佢

睇過醫生話佢冇事 估計當時入屋係發情中所以狂叫 變左公公後唔想叫 只係放飯催下人 純粹想睇下大家啲貓係咪都係咁極端 一係唔叫一係噪生哂

咁多位巴絲打，兩隻唐貓b5個月大入左屋3星期左右。都唔困籠比佢哋自由活動夜晚會玩得好hi，但係佢哋食飯好似都唔係食得好多咁。領養翻嚟之前食開nutrience乾糧同汪喵濕糧。早上6點30g乾糧放到8點食得15g左右，中午2點放糧到4點又係食得一半，好驚佢哋食得唔夠夜晚食濕糧都係每人食60g左右。
1.見有鋪頭賣伴食粉會唔會令佢哋開胃d,有冇副作用？
2.使唔使搵獸醫開d開胃d既糧，定都係靠自己試
希望有過來人share下

你要用另外一隻手擋開佢
唔好俾佢習慣咬你
然後再攞一件咬嘅玩具俾佢咬

佢而家當咗你隻手係玩具咁玩

每隻貓本身食量可能都唔同
如果擔心嘅話可以定期幫佢磅重，睇吓會唔會下跌得好快
正常呢個年紀嘅貓應該每次度都應該暫時會增重
如果見跌得好厲害嘅話就要買多少少唔同嘢食俾佢試吓會唔會可能因為食物嘅味道唔適合佢

請教下 貓貓嘔水/黃色液體代表咩
上網睇話空腹太耐 但佢又有食嘢㗎喎

可以飲完水跑反胃
但都證明佢個胃咩都冇

好餵飯啦

貓貓突然分離焦慮 日頭冇人喺屋企就不停叫 買左新玩具都冇改善 聽到門聲就即刻衝出去 可以點解決

屋企突然間係咪有啲咩改變？
如果你哋喺屋企係咪就完全正常？
本身係糖黐豆同主子？

假如成貓嘅話可以放啲貓用嘅放鬆香薰之類
但係首先最好要知道本身有啲咩改變影響去變成咁

想問對貓癬有咩見解 最近養多左隻 3個月 番黎就貓癬
都睇曬網上各樣 清潔 頭套 睇左醫生 內服藥水 外用藥膏都有 但12日都未好轉 舊既結左招 又有新既 仲要係個口鼻

屋企冇任何改變 屋企有人就唔會叫
4個半月貓女 係咪開始發情

發情有冇人都會發
會唔會焗或者熱？
雖然貓唔太怕熱
但呢幾日天氣焗少少

都可能無聊 體力多咗
食物同飲水都冇改變？

今日突然冇再叫了 咩都冇做過 貓真係好難捉摸

隻仔絕育完
屋企其他貓係咁fee佢，佢又好驚成身震哂

慣咗你地返工唔陪佢

通常一兩日就會冇事
但可以用平時佢訓開嘅毛巾包包佢掃返啲味

因為麻醉消毒個啲野令佢氣味唔同咗

另外絕完育頭幾日都係比佢坐籠休息下

有無人隻貓試過耳血腫？

有無人試過隻貓好似無乜力玩逗貓棒？ 呢兩日覺得佢好似玩得無之前咁出力 。同埋早兩日d大便都麻麻 偏爛屎咁 。訓緊教有時手腳同面都會郁一郁 chok一chok咁

英短 三個半月

隻貓仔9個月，頭先冇啦啦係個紙袋上面屙尿
之前冇試過，係咪發情先兆？間唔中都有9叫下
但前排都間唔中9叫，但唔見佢有周圍屙尿所以冇為意
發情嘅貓係咪一定會周圍屙尿？
其實佢都冇見過女貓，會發情係咪天性黎

睇醫生做個小手術就解決到了
最緊要係唔好俾佢再fing頭

無乜力同屙爛屎係需要擔心嘅位，如果佢精神胃口都麻麻建議睇一睇醫生
瞓覺郁就好似人瞓覺咁，都會無意識郁下chok下，唔使擔心，係熟睡嘅表現

發情係天性，唔使見到貓女都會發的
周圍屙係發情嘅表現，去到九個月先周圍屙你執到了
幫佢約絕育先解決到問題

四個月大緬因貓偏瘦 醫生都叫食多啲
朝早100 g生牛肉
中午放長糧
夜晚罐罐 x1

有沒有好嘅幼貓罐頭推介？🙌🏻

我隻貓貓懷疑吞咗隻戒指，但又唔確定點算好

一年前喺英國從動物救援中心領養的流浪貓，當時約一歲，不過佢有啲特別，就係超淡定，剛入屋困籠畀佢靜靜地唞吓，唔夠兩個鐘放出嚟已經完全冇驚，肯食嘢肯飲水肯去沙盤屙，跟住攤喺廳中間chill，第一晚就跳上人大髀瞓......照計流浪貓唔會咁親人，我思疑佢其實有人養，只不過個主人又冇幫佢植晶片又冇絕育，搞到佢被人當流浪貓「救」走。

Anyway, 佢住咗我屋企已一年，上個月唔小心畀佢喺廁所氣窗跳走咗，失蹤三十小時後自己喺後門返入屋。





PS: 佢地盤意識非常強，無論其他貓定狐狸，佢見到都超有敵意，準備隨時開拖咁款，有次仲襯我開門餵狐狸，喺我腳邊竄出去打隻狐狸。