在線解答養貓新手問題(11) 整合個新貓指引好

新手新養貓準備

歡迎加入貓路行列
加入前查詢是否全部家人都真係可以接受到有貓貓加入，有啲老一輩可能好反感，直頭會將佢掉出街都唔係未見過

另外窗網！窗網！窗網！
雖然影響屋企景觀，但係一跳出去就只有後悔
基本上每兩三日都有新聞有飛天貓
請盡基本責任

貓貓入屋前建議先檢查有害植物以及食物嘅放置地方
有貴重嘢放喺啲危險地方容易破碎

準備物品
主人舊衣物毛巾之類
沙盤
貓籠
外出用袋或者籠 一半建議硬袋，內裏有遮光以及通風嘅袋
飲水及食物兜
假如冇自動水機可以用啲比較深色嘅水杯有指貓比較容易睇見水嘅平面

新貓到步之後，建議喺貓籠上蓋上毛巾遮光之類
比貓貓一個安全匿藏嘅地方，等佢覺得安心
內裏可以加上舒適嘅毛巾或衣服比佢習慣主人嘅味道
一般如果是領養貓獸醫都會建議在家隔離兩星期再去睇醫生
呢個情況視乎診所決定可以先打電話查詢
假若貓貓初到步比較抗拒先唔好着急要同佢接觸
需要每日慢慢減少距離
切忌一開始急住要抱貓或者接觸貓會令佢反感或者害怕

幼貓有幼貓食糧，假若係未斷奶嘅貓切記使用牛奶有專用嘅貓奶或者羊奶

有冇試過新貓夾舊貓

有
隔離返一兩星期
帶啲舊貓衣物放新貓附近
隔多幾日新貓冇病就可以帶啲有新貓味嘅衣服放出嚟比舊貓慣下
呢排摸完新貓記得洗手清潔以防有病毒傳染
分配好兩邊嘅相處時間
唔好比淨係陪其中一隻
舊貓通常都嬲嬲地
玩下食下草哄下佢

新貓最好整定個固定位比佢
比啲舊毛巾衣服有你地味道放佢個窩比佢慣下
如果好驚人嘅就放個窩係啲喑位遮遮佢
一開頭未必食野飲水
夜晚佢放心自然會出嚟食
切忌心急要接觸

Lm

搭單問 咁如果係兩隻成貓一齊同一日返屋企呢？
本身屋企無貓無動物 得兩個人類

新手第一次養貓
早2日領養左隻唐貓
4個月大 仔仔 已絕育
第一日返到屋企 好驚 完全唔食野同飲水，同埋都幾惡，有幾次唸住幫佢執下籠同放糧比佢 佢都想攻擊我
好彩琴晚終於第一次食野同屙屎 見到好開心，但係都仲係好驚。之後今朝因為要返工所以出門口前就放定左啲乾糧比佢，但係岩岩返到去見到都係食左一半左右。想問下有咩方法可以同佢加深下感情，等佢快啲適應？驚佢耐左性格會變得好惡同埋唔痴人。

另外，再想問下各位大佬，因為始終都係流浪貓驚佢唔乾淨，所以想帶佢去寵物店沖一次涼，但係佢依家咁驚同埋惡，驚去到寵物店啲靚女姐姐都搞佢唔掂。返到屋企情況會更加差。依個情況應該點知好？
都明白有啲野冇得心急 要等佢慢慢適應。但係會唔會有啲咩方便有效小小？

貓貓四個月大，黎左屋企幾日
頭一兩日喺籠無乜點叫
之後就日日係咁叫 叫到聲沙
半夜仲越叫越大聲 我晚晚都無覺訓
請問係咪由得佢叫就得

我都係，我嗰隻3個半月大
來咗屋企3日已經周圍跳，成日要人陪佢玩
去個廁所都要叫返我出來
我試下半夜比佢自出自入睡房
又試過閂埋門唔比佢入
但半夜都係咁叫

貓貓啲牙黃黃地
有用汪喵潔牙噴霧 +一星期刷一兩次牙
但係都幾抗拒刷牙 有餵零食但次次都掙扎同用手推開我（無出爪）
長久落去會唔會令佢好大壓力或者應激？
但又唔想佢遲啲要洗牙/剝牙

同我隻貓耳仔啲菌處理左成個月都係咁用左洗耳水+耳膚靈都係咁

佢兩個本身識嘅就唔大問題

大家都新相識就最好分房先
又新環境又新朋友 會好大壓力有機會
同埋環如果唔同地方嚟就要隔離以免有病傳染

野食同水暫時都係放低籠就算
比啲舊衣服佢訓同嗅
佢覺得個籠安全安心後就慢慢近啲睇佢
睇下佢會唔會放心係你面前食野

講同佢講野時唔好太激動
我地可能係興奮
但佢嚟講可能以為凶緊佢
平靜低沉聲同佢講下野

4個月大應該都唔太難相處
好快熟

沖涼暫時可能難啲
人哋就應該熟手嘅
但怕嚇親貓

睇下有冇蟲係身之類
再決定

悶同想人陪
可能本身一家人
得返佢一個
夜行動物夜晚精神
同佢玩下放電
多啲摸下接觸下等佢同你熟
訓前放電喑佢訓
拉低啲布黑黑地比佢訓天光

可能都係搵屋企人
去廁所叫係見唔到你驚
痴身好事嚟
佢可能都要放電
訓前電返十零分鐘
食個飯 抱起暖暖地就會訓

如果日日洗都係咁
比醫生睇下？
可能要睇下會唔會係蟲蛋

收到 唔該晒師兄
唸緊幾時可以試下摸佢好

唔好太急
睇你放飯入去時嘅反應
如果你唔怕會損手 可以試下佢訓較或者明顯放心食野時試下

我有啲奶貓啱到家時會凶我
但伸手摸佢又唔敢還拖比我摸
但佢得一個月大個時

屋企暫托緊隻2-3歲(醫生估) 既黃白唐貓浪浪 女仔
(義工捉的,我地仲考慮緊會唔會領養),
宜家黎左1.5個月左右, 一開始有困籠,1個月既時候開始放佢出黎,
我地出灑門口,唔係屋企/夜晚訓教入房,佢就會自己出黎走黎走去食野之類
我地只要係廳佢就會跑入籠唔出黎, 但佢係籠入面比我地摸,好鐘意人摸,patpat起飛咁
但我地一入房or係廁所 佢又出走出黎望望下,我地一郁佢就勁驚恐咁跑走
點樣先可以令我地係廳時,佢都會正常行出黎活動

附圖:

試吓食飯時間嘅時候
將啲糧慢慢拉開個籠出邊食
或者喺個籠入邊用玩具同佢玩玩玩吓睇吓會唔會玩到自己跑出嚟
又或者夜晚嘅時間可以將屋企環境整得昏暗啲
令佢可以安心啲行出嚟
如果喺個籠入邊嘗試抱佢會唔會抗拒？
太抗拒嘅話可以試吓慢慢允許鍾意嘅毛巾包住佢鋪出嚟試吓佢會唔會跑走

始終都流浪咗一兩年變成成貓點都會有啲介心同習慣
可以整啲喑位比佢係籠外都可以呢埋
做多個據點之類嘅idea

宜家佢個飯碗直接擺左出籠外面
佢永遠都係等到我地入房 佢先沖去食
就算夜一夜佢都照等 有時我地怕佢餓親 我地早d入房
佢一聽到我地關門聲 佢半秒就跑出黎

有摸未試過抱 今晚try下先 佢有時摸摸下會比我地隻手嚇親

同埋最近半夜佢成日係我地房門口叫
有時開門佢會走入房望下 跟住就跑走
佢好細膽

咁如果食飯放籠內食呢？
咁會唔會有人都食？


同埋會唔會試下睇下到底佢係要冇人
定係慣咗要聽到關門聲自出嚟食
又或者一個人返房關門 另一個人呢埋角落偷睇佢又點反應

可以試下食飯前比啲signal佢
一啲特別嘅聲 比佢知食飯時間

之前養街貓都係會一個糧罐聲就識出嚟食飯
可以訓練下順便教佢幾時食飯

摸下先可以摸到又加隻手
或者係籠用毛巾包起佢睇下咩反應
Ok就試下抱抱

佢可能關心你哋或者餓
但又驚青
我有隻都係咁 要人陪就叫 但見人又要呢埋偷望

之前個碗擺籠時
如果個隻濕糧佢好鐘意 都會(鬼鬼鼠鼠)出黎食 狂食
同試過擺落碟仔擺佢面前 佢鐘意既口味 都會係我地面前食 (係籠)
但大部份時間佢都唔會係我地面前食

有試過廳得翻1個人既時候 佢會係我地面前柯屎 但始終都係唔會行出籠
我宜家擺長糧 係咪應該要定時比糧好d？ 但又怕佢餓親

咁不如試吓揸住兜濕糧喺門口睇吓佢會唔會食
或者多啲睇佢食飯 等佢覺得食飯同你係有關聯

如果啲玩具佢玩唔玩嘅話，試吓係咁喺門口引玩
又或者試吓攞貓草令佢放鬆啲引佢出嚟食

假如日中返工冇人嘅話 可以放返一餐糧，但係到夜晚返嚟嘅時候就抽返起先
最好就過應該啱啱好返到嚟應該差唔多食晒

我屋企啲貓就返工之前食飽通常都瞓到夜晚返嚟
日中都可能五六點先起身再食
所以可以睇吓你隻貓本身嘅作息如何再決定需唔需要要放幾多糧

黎緊打第三針再問問醫生

有冇人啲貓都係唔會叫
貓貓岩岩執番黎日日叫 仲要好大聲 絕左育之後就冇聽佢叫出聲過 淨係放飯時會無聲叫 得個口打開
另一隻就好痴人日叫夜叫 見到人都喵一聲 但又唔係要開飯唔係要玩 唔知點解 人坐係床度碌電話會突然跳上床喵一聲 係咪太悶？

突然失聲唔叫係咪有咩事
關心下佢好啲