在線解答養貓新手問題(11) 整合個新貓指引好

隻貓b個半月大 黎緊會接佢返黎
隻貓性格都算親人
抱起佢都唔會反抗同會直接係我大髀到訓教
如果到時接佢返黎洗唔洗困佢幾日籠先？
同埋應該接佢個日即刻去睇醫生
定係接返黎幾日先去睇？

會比個籠佢住下
等佢慣個廁所同訓教床
如果只有呢隻貓
平時都可以比佢出嚟玩
醫生可以睇下 叫做基本檢查
就快兩個月大就可以打埋針

又係我
想問下絕育有無推薦邊間價錢較相宜又好BOOK既
以前就NPV做,依家好似要排好耐

另外報告下3隻既相處情況,最近14歲妹妹對住2隻細好似好緊張,長期低嗚搞到失左聲,依家強制隔離番,每日見幾分鐘咁,但關係都仲好飄忽,妹妹經常唔見人,而2隻細就完全無野咁,之前擔心以為妹妹係病結果去左驗血睇下有無咩大問題,結果咩事都無仲好健康

有問過醫生點解會突然由無視又變得咁緊張,醫生話可能係隻細女就發育完D氣味令妹妹覺得有威脅,而且仔已經大隻過妹妹成個碼,可能係咁所以令妹妹咁緊張,但隔離果時妹妹照煲水,都唔知幾時先可以放寬隔離令

呢排隻貓幾日嘔一次
好似仲有啲食物原型係嘔吐物入邊
係咪佢食得太快？養左一年先有咁既情況

應該同層冇人養貓 住左咁耐就係坐係門口前面望住門口外面一直叫唔停 今日又係咁 唔知佢想點

啱啱開始養4個月貓貓，想問點令佢哋離開電視櫃同電線位，用咖啡渣同檸檬？

https://youtu.be/DL3TDoSzsAI?si=xcsibdqBF3bekZGp
可以睇下以前果籽呢個系列幫唔幫到你對佢地嘅相處
有兩三集都應該啱你

佢如果一直都自己一個
最親嘅又走咗已經
會唔慣都好正常嘅
佢地都係困執嘅生物

絕育我之前貓女就三千到四千
驗埋血同做多咗個test個啲
應該唔平但未到最貴

凍肉乾有啲？
一來可能食太急
二來凍乾都可以痴痴地食道喉嚨唔舒服食得太急我估
如果見佢食得好快就停停佢

你試下食就明

可能出面有聲引起佢注意？
或者有蟲飛比佢見到

唔好
因為兩樣對佢地都有害
咖啡因同橘類水果都唔好
有啲野噴令佢地唔會想引估啲地方
但最好搵野擋住佢地入去電視櫃可以用啲daiso伸長棒（for衣架/窗簾)擋住電視上下啲位

我覺得就似係佢想出走廊行 因為次次屋企人番到屋企開門佢就衝左出去 有冇咩方法令佢出少啲

比佢知道出親去都係睇醫生佢就會唔想出
我啲都會應門
但抱佢出走廊少少佢就驚到縮

通常我準備出門口佢就standby坐喺度等 就唔想佢慣左出走廊 但唔比又係度叫 出左去見到人又縮番入屋企

兩個月幼貓啱啱到屋企
一唔理佢就係咁喵
但係咪話唔可以同佢玩太多？

會唔會試吓訓練佢出門之前話返工或者出門
然後抱佢去一個指定嘅位望住你
俾啲零食訓練到去識咁樣做？

唔太關事，我每日去沖涼嘅時候都話沖涼，佢哋就學識咗跑入去廁所睇我沖涼

其實可以同佢玩
佢可能啱啱離開兄弟姊妹或者媽媽
感到焦慮搵人陪
你俾啲有利氣味嘅毛巾或者公仔佢做吓寄托
如果依家陪佢多啲，佢會更加黐住你

係，有啲凍乾粒
好大粒嘔返出黎
已經磨左粉，再睇睇情況
佢真係食得快

另外想問吓如果隻兩個月貓b未打針
係咪最好都唔好叫朋友上嚟玩？

打一支就可以定係要打齊三支先？

你自己都會每日出街帶唔同嘅菌返屋企
點解朋友就唔上得嚟
可以問下朋友有無接觸過患有傳染性疾病嘅貓都得嘅

菌都還好，未適應環境的話就唔好叫人上黎玩，好容易壓力大而病，如果佢唔怕人就冇所謂，最怕你地隔硬拉佢出黎應酬。
同埋每次打針之後幾日免疫力低都係俾佢休息好D。

六個月大貓女發情
想問可以點處理
罐頭凍乾唔食，餵都唔肯

下兩個星期book左絕育
會唔會做唔到架

可以上網睇吓點樣幫佢按摩
通常就講按下pat pat位置
但係要小心，因為條尾其實都係脊骨嚟嘅，所以好多神經線唔可以太大力
摸吓去按摩吓呢三四日都會係咁
如果下兩個星期嘅話應該都還好嘅
通常一次三四日睇吓你隻貓本身每一個禮拜就完定係每個禮拜都咁