在線解答養貓新手問題(11) 整合個新貓指引好

多謝巴打
佢最後直頭大便埋落床，即刻唔俾佢入房+拆咗貓砂盤個頂邊返開放式，呢兩日佢又正常用返盤嚟大小便

不過有另一個問題，接返嚟近一星期佢都淨係食罐罐，乾糧淨係聞下就走開，有冇咩方法令佢肯食下乾糧？知道食罐係好事，但係驚有時唔得閒餵唔到罐，想佢都餵下乾糧

有無人知點做摸佢又震曬

佢驚就唔好成日搞佢，等佢係籠入面適應環境兩個禮拜先，之後再慢慢有限度放佢出黎。記得用布遮住個籠上面，陰暗位安全感高D。
最緊要都係時間，時間耐自然覺得安全就OK。
唔好旨意十日八日就舒舒服服周圍走，佢仲要之前係籠養。

佢岀左籠之後唔肯入返去，每日係窗台角落頭

小白 貴啲
但原味就已經吸味好 粉塵少
試過大量其他牌子
$180呢個價錢始終無對手 都係買返佢

N1我以前用 覺得好大塵
隻綠茶味太假 隻貓又唔中意

咁應該就只係唔滿意個沙盤係密封式
正常貓都會比較想揀呢開放少少嘅，因為就係怕匿咗入去走唔到
要望到周圍嘅情況先安心
佢可能發覺同平時食嘅嘢唔同就唔想嘗試

可以試吓放少少乾糧喺佢食嘅濕糧上面俾佢試吓啲味
如果佢肯食嘅話可以慢慢試吓間唔時當零食咁樣俾佢食吓啲乾糧

另外，雖然叫你將乾糧混入濕糧
但係如果可以嘅話就盡量避免
因為一來佢會吸晒啲水份以來可能會影響佢消化肝同濕混合嘅話
所以都只係最初用嚟引佢嘗試一下乾糧嘅味道

如果都唔識嘅話，可能就係味道上面唔適合
可以喺下星期寵物展嘅時候拎一啲sample返嚟俾佢試吓邊隻味比較適合

咁唔好放佢出籠啦，等佢係籠入面時你摸佢都唔驚先。而家又驚人又驚環境，完全冇嘢令佢放心。

抱唔返佢入籠一抱會咬，佢當左窗台係佢最舒服嘅地方，鋪咗啲毛巾俾佢瞓喺角落頭。反而個籠變咗佢去貓砂盆屙屎既地方，好似一屙完屎即刻9秒9跳返去窗台。所以係咪應該由佢係窗台

如果有裝好窗網，而佢又覺得舒服，食飯/去廁所都正常，咁又未必需要捉既。
不過俾我揀都係戴手套捉佢入籠，所有新貓都係困籠一段時間先，標準操作。
其實佢幾大？

9個月大，之前我女朋友抱完佢咬到佢損曬，後尾再見到佢都即刻哈曬氣，所以我驚夾硬抱佢佢又有陰影，聽領養機構個邊講佢前主人係個阿婆養左勁多隻貓全部一直係籠無理過，懷疑佢有比人虐待過屋企有貓窗 我比野食佢都會食，乾糧就我放低行開佢先肯食，濕糧就會係我面前食，可以慢慢引佢行近小小，摸佢佢會縮但摸多幾下佢雖然縮但又會放鬆小小咁

如果帶貓貓係group2國家飛返嚟香港可唔可以係度問？
有冇巴絲有經驗？

新手想問下
幼貓入屋一個星期
頭2日weekend全日係屋企同佢玩
平日返工日頭冇人係屋企
第三日發現開始多左舔毛
同佢玩 sidetrack佢就唔會
梳過又唔覺有蚤 暫時啲毛都係靚靚仔仔
要唔要帶佢去獸醫望下

佢正常平時都係會自己舔毛清潔身體
最緊要留意吓佢會唔會瘋狂舐毛舐到甩晒毛甚至皮膚紅腫

佢哋有時係鍾意梳理自己嘅毛一嚟係為整潔伊莉都係佢放鬆嘅活動

冇咁嘅經驗，可能去Facebook嘅天下貓貓group問吓反而會易啲

唔該曬

好 再留意下先

請問有冇推介嘅魚油牌子？考慮緊毛孩時代

領養咗隻浪浪大半年
依家一歲多啲 未絕育未打針
好驚人 隻手近佢少少就會走佬
係籠入面嘅話就會出爪打我
平時困籠 屋企有人先放佢出嚟
除咗用逗貓棒同佢玩之外無乜方法同佢互動
我地有少少動靜佢就驚
試過比毛毯同舊衫佢
佢會係上面痾尿
隻衰仔食得痾得瞓得 淨係驚人同成日鳩叫

仲唔絕育同打針？
絕育其實仲會減低佢其他啲老年病嘅可能性
同埋會減少咗佢發情引生嘅地盤意識會平易近人啲啲

會唔會好多時間都坐籠？
咁就可能令佢覺得呢度唔係佢地盤 只有籠係
佢自由活動時有冇問題？

試下手穿隻襪咁同佢玩
隻襪就專係用嚟貓佢玩嘅
等佢吸下味

所有毛氈都會尿尿？
佢應該係想落自己啲味落去
一係掉轉
洗乾淨一啲衣服毛氈或新買一啲
掃咗佢身上啲氣味先，睇下佢會唔會尿尿 過一排再掃你地身上啲味落個啲衣物度比返佢睇下點


9叫要睇時節個啲 會唔會發情
或者悶

因為掂都掂唔到佢
上次都係搵人入袋入籠先帶到佢去驗血
指數正常但果次都好緊張打唔針

自由活動時都係警戒 每次都周圍探索
啲衫同毛氈試過曬全新同洗乾淨 佢都係照尿尿
最近連梳化都中招

係男仔？
可能真係要留尿味霸地盤
有冇種貓草或者買啲貓草乾比佢嗅下

睇醫生入袋呢啲正常都係會驚
有啲人會用啲用電嘅貓香芳比佢放鬆啲

但我諗短期目標要比佢安心係屋企行先


我會試咗比佢食同嗅貓草先
如果佢中意嘅
就放嘅貓草乾落個隻襪再穿手嚟同佢接觸下先
如果會咬會打就搵啲長厚襪保護好
短期目標試下做到隔襪摸同餵到零食先
比佢對你產生信任

可以睇返當年果籽嘅series

https://youtu.be/DL3TDoSzsAI?si=ixCqVPUY_ceTw7Oa

係呀仔嚟 之前試過費洛蒙冇咩用
佢好鍾意隊草 同埋咬木天蔘
一比呢兩樣佢就玩到好high
最後多謝巴打建議