在線解答養貓新手問題(11) 整合個新貓指引好

養咗隻貓差唔多一年，但佢性格好細膽，摸佢ok但一想幫佢清潔牙仔耳仔就好抗拒佢會勁反抗同跑走用哂零食引佢都冇用點搞好

我個隻都係咁
當然洗牙洗耳呢啲一般貓都係會驚
可以同佢玩一輪等佢攰先
再用毛氈包住佢抱一陣喑到佢眼訓
就洗耳

洗牙都係最多包實佢快手擦完一邊睇下佢點
一係比佢抖陣 如果佢未大掙扎就繼續

有時我會打開個啲貓草乾比佢嗅

緬因貓 8個月大 前排見佢換完牙仔
但牙肉有d紅
有無人知係咩事

我唔喺屋企隻貓就大字形瞓喺梳化，瞓到露晒肚好enjoy咁
我喺屋企就好緊張，我行過或者有啲聲就會匿落梳化底，有時都會諗佢係咪自己一個活得更好啲貓係咪都係咁

另外隻貓個口好臭，但係佢而家換牙期可唔可以刷牙？

對你或者未夠信任啩
本身街貓嚟？

有啲清潔牙齒嘅濕紙巾野可以同佢抹下嘅

請問幾多歲開始應該要轉老貓糧

接咗隻唐貓女返嚟2個月左右 帶去檢查問過獸醫話應該8個月左右 所以到依家應該10個月大

本身接返嚟嗰陣都無咩問題 係呢一個禮拜前有一朝發現佢無啦啦會喺梳化屙尿 第一次我就諗住係咪貓砂盤污糟同埋好滿 所以佢唔想去 因為凌晨佢都屙咗幾多屎同尿

之後我清咗同一日佢又再次屙落同一個位 跟住我買咗嘢噴同分解嗰啲 噴完都有效 點知第二日佢仲玩到玩哂飲水兜啲水出黎 之後屙落去⋯

貓貓係未閹嘅 我亦有諗過係咪因為發情所以咁 但佢亂屙尿之前係叫得勁啲 依家反而亂屙之後無咩點聽到佢叫 去獸醫度打預防針都問過點解會咁 淨係估話佢想霸地盤

我想知呢啲情況係唔係其實就係發緊情 定係佢想霸地盤 定係有脾氣發所以玩嘢 我有啲捉摸唔到 想知可以點教？

如果你話聽到佢之前叫應該近排都差唔多發情期
所以連帶可能要霸地盤，不過貓女嘅情況可能比較少一啲
如果佢唔同地方都屙尿嘅話，就可能真係壩地盤
假如排除呢個可能性嘅話
就可能好似你咁講嗰一刻個貓砂盆，佢唔滿意
都可能有另一個可能性就係喺梳化屙尿就係想將你哋啲味混和一齊
而家情況最好就鋪啲嘢喺梳化隔咗嗰個質地同味道，等佢覺得係唔同地方就唔會尿尿
水兜就睇吓你會唔會換過新嘅俾佢
呢幾日留意多啲佢嘅活動，睇吓會唔會仲係想到處尿尿

要減少佢喺梳化或者床嗰啲地方去廁所就最好喺嗰啲地方多啲同佢玩同埋派零食令佢覺得呢個唔係一個廁所，而係一個玩同食嘢嘅地方

貓貓眼仔唔舒服 樓下買唔到 ofus eye drops ofloxacin 呢隻牌子既眼藥水 想問下其他牌子ofloxacin 3mg 都可以用

你地有冇貓係唔鐘咬野/唔鐘意痴牙
隻貓5歲, 淨係肚餓先食肯咬乾糧食下, 比濕糧佢淨係LAM哂D水/汁, 唔肯咬D肉, 最鐘意淨係食唧唧
想養肥佢就做唔到 偏瘦, 不過touchwood佢都好健康既

係有啲貓會唔鍾意食濕糧，幫佢補多啲水就得

本身養緊一隻唐貓女 已經絕育今年3歲

早2星期領養左多一隻貓仔 大約3個月大
已經分開隔左2星期
最近會在有人時間放細佬出黎同家姐見面
但細佬好好動 經常會追住家姐但家姐大多數時間都避開佢

家姐真係迫埋一角/比細佬拍到尾走唔到先會出手打佢
但多數時間都無出爪 似係玩

有咩方法佢地可以再和平d相處 唔係細佬成日追住家姐打？

家姐有時見到細佬入左房又會跟住佢入去睇佢做乜

利申試過跑到攰 中午2隻貓會一齊訓 無打交

但其他時間都係家姐比細佬追

另一樣野係細佬放出黎食家姐d糧 但細佬個碗重有bb糧未食哂

2個食物碗分開放 唔係一齊食

貓舍拎返屋企，齊針
幾多日內去做身體檢查？
有咩額外野要做？驗血？

啲貓如果食開濕糧就會一直食
以前我隻貓由BB就開始食罐頭+新鮮野(雞牛海鮮)
但屋企人一懶 開始剩係餵乾糧
就真正剩係食乾糧

以前明明死lur要食蝦蟹 依家一啖都唔食
反而中意食草 每日食草仲爽過餵零食
癲癲地

你隻貓係唔食主食罐定副食都唔食
我隻貓係唔食無味主食罐 咩肉條肉粒肉泥都唔食
副食罐做完運動餓一陣 都會食曬

等隻貓運動後飲完水
我會溝少少水開副食罐比佢
飲得幾多水得幾多

細路太多活力 所以成日搵人玩
成貓大多都冇細路咁活潑就成為比人追對象
你要多足同幼貓玩消耗咁啲體力 比多少少少玩具佢自己玩

食野就可能開飯比細食先 等佢食緊時就叫成貓食飯
如果搶食 要伸手擋開教佢食返自己啲飯

比佢知要聽你話 同埋個個碗唔係佢嘅
成貓糧一般都香過幼貓糧 所以會偷食都好正常

杜蟲 滴蚤
醫生到時會基本檢查身體
如果該品種本身有啲基因遺傳病 就最好檢查埋

呢排屋企裝修搬咗新租屋地方
兩隻貓仔表現出嚟都驚驚地
而家我淨係擺佢哋房 放晒貓砂同糧兜起居
想問大概要適應幾耐左右？

佢哋近九個月大
因為佢哋兩個月左右入屋，當有籠畀佢哋
但之後適應就丟咗
想問之後裝修完搬返舊屋
係咪有返個籠適應好啲？

其實只要屋企安全都唔需要有個籠
如果佢哋比較緊張嘅話，就用啲貓香薰同埋將有佢啲氣味嘅衣服有啲唔同嘅角落收埋下
暫時俾多少少唔同嘅地方比佢哋可以隨時匿埋
大概就係感覺佢A點去B點嘅時候可以即刻匿埋慢慢觀察吓
將啲衣物喺佢身上磨完之後周圍放一啲將佢哋嘅氣味散發開去

想問下隻貓便秘, 有無咩解決方法幫到佢
平時好揀飲擇食, 南瓜又唔食, 啲濕糧一加左膳食纖維/益生菌就唔食

有冇同佢按摩下腸道
輕輕力咁半摸半推向後
你益生菌會唔會少少少少咁加會好啲
一次成包倒落去一定發覺
同埋啲便便會唔會好硬
雖然食濕糧都夠水 但可能都要再補充下

痾果啲屎又唔算勁硬, 摸上手係好乾.
依家都會夾硬用針筒迫佢飲水.
好味小姐有隻有膳食纖維嘅零食, 諗住都俾佢試吓.
同埋之前醫生都推薦咗隻膳食纖維粉.

我再試下先, 見住佢痾唔到屎真係好慘
Thx ching

硬推佢飲水係唔得
可以手倒下水引起佢興趣
或者有啲貓草茶包 好飲沖茶咁佢地應該好中意飲

Ciao ciao都有啲 乾零食有益生菌 同佢玩下再比佢食 做運動都有幫助

同埋佢便便時 望下佢會唔會要好出力先出到之類

有冇貓網安裝介紹？
貓貓初到我境，未裝，現時唔開窗唔開露台的。

啱啱新領養嘅貓咪一星期
Around四個月大
今日突然聞佢身
有陣狗場啲野狗味
想問係味正常
定會唔會有咩病