在線解答養貓新手問題(11) 整合個新貓指引好

想了解下其實成貓一日瞓幾多？
發現隻貓可以連續瞓4個鐘，係咪正常？
因為早幾日佢會瞓下醒下，依兩日轉咗藥之後瞓多咗，又食少咗嘢
問咗醫生話可能佢舒服咗而冇起過身
叫我哋觀察多一兩日先

屋企養咗一隻暹羅貓，好痴人
但一唔理佢就會開始癲
例如我瞓覺一定要攬，玩電話唔理佢就會開始搗亂

我明白兩歲仔一定會曳啲，不過佢問題真係好嚴重
只要佢眼見嘅事物，佢一定玩。係講緊牆/冷氣機都整得爛⋯⋯
我如果攬住佢陪佢，佢真係天使貓貓
我只要一出街，佢一定會整亂屋企，次次一放工番到屋企都亂到傻。我咩方法都試過，但都教唔好佢⋯
佢一整跌嘢我會出聲制止
做錯嘢困籠（不過佢都係入面瞓甚至開門都唔出嚟
打佢都試過，不過唔大力，因為自己會好心痛

我唔知有咩方法可以改善，我日日放工都有陪佢玩逗貓棒（都有十幾分鐘至半個鐘）屋企都有玩具俾佢玩但我唔知係咪屋企太細得百三呎有冇人可以教下我點做

貓其實一日大概瞓18個小時
而且佢哋本身就係夜行動物
所以你日頭見到佢長時間瞓覺係好正常
有時可以朝頭早九點我哋返工之後一直瞓到我哋收工返屋企

假如佢想咬你可以用手背擋開去
或者可以用一隻類似身形嘅公仔，同佢打打鬧鬧
如果佢想咬公仔，就可能用公仔啲手腳撥開隻貓
因為呢個年紀10分活躍，而且未知道咩嘅力度先唔會受傷，所以係要教
同埋佢哋而家細個真係比較多，可以同佢玩至10分鐘然後就可能佢哋就會休息瞓覺

可能自己一個真係太悶，而且精力太多
已經絕育？
如果男仔絕育，可能佢哋活力應該會低少少

可以自製堆紙皮玩具不喺屋企自己找吓玩吓
因為可能本身冇教佢邊啲係佢嘅玩具，所以佢建議就周圍跑周圍玩
有時有啲大嘅紙皮箱可以砌啲嘢出嚟俾佢入邊爬來爬去咁就唔會整到你其他嘢
咁因為你屋企本身地方的確比較細
佢如果跑來跑去的確會容易撞到嘢
可以試吓佢鍾唔鍾意玩毛絨球
Daiso有啲小手作嗰啲毛絨球買一啲佢唔會食到嘅size
睇吓佢會唔會自己追住嚟玩

如果屋企啲嘢比較容易撞冧都只可以建議你買多啲收納工具收起佢哋

咁就好

英短1歲 2-3個月前開始軟便，即刻帶左去睇醫生。 話係三毛滴蟲。 開左藥比佢食。食緊果陣 靚屎。 食完斷藥 過幾日又軟便。 再去睇，話係番發。再食藥。 前前後後睇咗4次 仲未斷尾 獸醫話可能肚屙果陣 啲屎hi 間屋， 跟住我已經抹過間屋幾次。 好困擾 食，玩，訓完全冇問題，仲好精神。 不過就係咁軟便

就只有keep住食藥睇醫生到斷尾
佢行開啲地方都要清潔密啲
會唔會就係貓砂有機會有蟲仲？
可能要洗砂盆同貓床洗得密啲

貓砂keep住有清哂 之後換新。 張貓床比我老婆掉埋

應該啲砂係要換密啲
佢屁屁有機會掂到啲地方都要常抹
要等佢體內啲蟲排走哂先會好

你哋貓貓會唔會喺你哋瞓覺時間係咁叫？
接咗個幾月都係晚晚叫，有時真係唔係好瞓到，就淨係係咁叫同喺我隻腳踏踏

咁應該係有訴求
可能瞓唔着，悶或者肚餓
試吓瞓之前同佢玩一陣同佢攰會瞓覺同埋放定啲糧俾佢食

想問下幫完貓貓絕育係咪一定要困佢喺籠一排？
因為我隻貓貓好唔中意困籠，之前接佢返嚟頭一日困佢佢好唔習慣係咁嗌，第二日就放佢出嚟就冇嗌啦。有幾次試下捉返佢入籠都係咁嗌

貓貓有黑下巴已經成日抹都仲係好多黑色一點點
就黎一歲都會準備換糧，亦都打算換飯碗仲有咩可以做？

一般都建議困喺籠入邊休息
因為怕佢跑跑跳跳傷口爆
尤其是女仔
因為佢個傷口比較大
就算唔忍心都要暫時困籠
解決你哋有時間可以照顧佢嘅時候就可以俾佢出嚟喺安全嘅地方行吓
當然出嚟放風嘅時候都要阻止以及避免佢跑跑跳跳

就只有每日都幫佢清潔
有啲人會用泡泡靈 或者銀離子水，最後再幫佢抹多次
清得乾淨少少
飯碗嘅話，最好選擇陶瓷
比較耐磨及容易清潔

有無邊隻空氣清新機推介
爬完文諗住屋企擺兩部
應該會買areamaxpt65
另一部仲諗緊
鼻敏感但湊緊隻布偶

屋企隻幼貓 好似誤食 請問港島有無邊間醫院好啲？

我有去 creature comfort
東區24小時動物醫院
因為有個醫生睇開幾好
誤食嘅話，盡快去睇
喺個胃入邊攞出嚟都容易少少

未有貓 問下 如果接隻流浪貓返黎
洗唔洗帶佢去睇獸醫檢查（抑或睇佢身體情況決定）