《鄰居》一個乖乖女被調教成鄰居免費雞

🤔 就係俾你可以先睇20段你覺得鍾意/想睇落去/值得支持嘅，先去課金啊，其實而家好多遊戲/youtube channel都係用呢個模式呢

不過我睇返其他作者嘅做法，我諗可能係大家都預期喺連登可以免費睇哂所有內容，所以我有別於講故台其他作者就引來咁大反彈。

我會改變一下方式 多謝各位支持同意見！

咪就係
宜家整到好似騙案咁

啊屌你仲要駁嘴你係咪反駁隊嚟㗎

叫你一早講明邊段免費啊

即係講自己想法唔啱你意思就係駁咀就唔得？
你真係夠哂惡⋯

我明白你嘅建議，但事實係我返唔到過去講明邊段免費⋯你明嗎？

不過老老竇竇我唔明白點解寫故事要咁卑微，讀者覺得故事好咪課金支持個創作者，等佢可以有動力有資源持續提供有質素嘅內容⋯

我見到其他作者嘅創作都好花心機，好唔容易的，我哋應該多一啲支持，去到一個位係創作者根本開唔到飯就無可能繼續做落去⋯⋯

點解係騙案？

我講到明收費，明碼實價⋯你睇完覺得想繼續睇/值得支持先課金睇😅

唔係話你嘅作品唔好睇，我諗如果你真係寫得爛，都冇咁多人屌。

但係你成日揸住創作者嘅旗號喺度賣慘，我想問下，你唔係真係覺得每日一篇500字左右嘅文，係值得你而家呢個價錢呀嘛？如果係咁，你真係睇得自己好高，同時都睇得其他文字創作者好低。

咁講，Bomba啱啱提出8蚊睇片嘅時候，全世界都屌到佢哋開花；到今時今日，俾錢睇片已經係常態。
你睇唔過眼今時今日文字嘅價值、你有咁嘅風骨同堅持，你大可以唔檢討而家自己嘅定價，但係今時今日個市場就係咁，你想做先行者推動改革，就預咗自己係死先嗰個。
再退一百萬步講，相較以前，今日有紙言、penana、patreon，其實已經對作者友善咗好多，至少喺你副業寫作嘅時候真係有一份副業嘅收入。

見你肯認錯先同你講咁多，睇你分享，而家都唔係冇人課金，你滿意現狀、滿意呢個市場定位，你咪繼續咁做，冇人阻你發達。

Ching講得好啱，多謝你會分享你想法

我其實都好明白有人屌其實因為有人想睇，所以我真心係感謝大家嘅意見，只係好多事情可能我鑽牛角尖諗唔明白⋯

好老實講我都反思咗好耐，點解喺文字創作範疇要人課金要咁難。你舉Bomba呢個例子都係我其中一個想法，當然喺唔啱嘅timing去改變人嘅習慣係無可能⋯不過總要有人做第一個先慢慢改變到

其實如果作者好似YouTuber 咁，正片繼續免費睇，但有其他會員專屬影片，我諗係比較易入口。

不過文字創作其實有佢嘅難處，因為寫故事一般就係一個人去完成創作，人手資源就係得咁多，而且創作過程唔會有例如花絮片段呢種額外嘅內容衍生出嚟；所以我自己就選擇將資源放喺文章故事創作，而唔係諗其他額外同故事無關嘅內容，亦都希望課金支持者係比緊錢去推進緊佢想睇嘅故事🙏🏽

至於價錢⋯其實真係好見仁見智⋯⋯我自己覺得$120可以睇哂一個暫時超過16萬字嘅長篇故事再加一個短篇小說，對我嚟講係合理；而家我開penana就係想比人喺Patreon一次追哂之前嘅故事就再用$5睇大概1200-1500字嘅文章

不過我其實比較多將時間放喺創作，其他事情可能做得未如理想，我會睇住個巿場反應調整🙏🏽🙏🏽🙏🏽

多謝你肯睇到呢度，感謝感謝！講到1999咁⋯sor…

再一次，感謝比過意見我嘅咁多位！

我只代表我自己
當沈旭暉日日出咁撚多文 賣80蚊訂閱，我都未捨得比錢訂
賣120蚊訂閱一個星期兩篇我就肯定都唔會捨得

文字好似真係唔值錢，你做mod，做game，賣畫， 客人就比較包容一個月update幾次

的確👍所以到最尾係好難設一個價係大家都覺得值

呢個亦都係我理解嘅自由巿場運作模式：
由商家定價，定一個佢哋覺得有回報值得繼續做落去嘅價，巿場受落就課金支持，但覺得太貴就會少人課金，咁商家就會調節價錢令到佢繼續有錢賺

有機會係我睇得自己太高所以定咗個無人肯比嘅價錢，咁我就會調整；但我就完全無諗過要賣慘或者睇低其他創作者，反而係想帶出文字創作者都係有價值，值得收取更多回報💪

可能我自己做緊呢件事，所以我好明白持續地製造好嘅內容有幾咁難，所以我自己會好願意為鍾意嘅YouTuber課金，都會為Bomba覺得唔抵⋯⋯

我覺得其實訂閱呢樣野先係問題。如果你話我俾120蚊肯定有得睇50章大概幾多字會明買明賣多啲。呢個先係summarise到你嘅文字值幾多，後續繼續之前50-100嘅代表你留到幾多讀者。一次過訂閱個問題係大家唔一定係欣賞你文筆，更加多係呢家睇到停唔到之後俾錢睇埋去，後續一個禮拜得一篇就會好似俾人呃實屌鬼。文字逐本買好過續月俾

補充多少少之前有俾過1年錢睇病港當支持，之後變返免費仔。仲有俾嘅得藍橘子(唔係單一故事&有多啲人情世事討論)&BLnaze講波分析(now啲評論垃圾要個平台聽下多啲意見睇法)
唔係覺得你啲文字唔值，係因為故事/書就應該一本本買。孤泣都有喺app到買過

你開頭有明碼實價？
你去到幾多樓第幾個chapter先話要收費呀？
可唔可以個整容醫生幫你整到一半
跟住先同你講話唔加錢就唔繼續整埋落去

當陶傑賣本書都係68蚊本

垃圾廢文
咁撚樣嘅文筆都學人出故
抵你現實月入三皮都冇

啱啊，呢個亦係點解我頭20章係免費，比大家靠頭20章去判斷係咪想繼續睇落去，故事真係吸引到你、真係欣賞文筆嘅先課金。

就好似你咁講，喺Patreon你比$120之前會見到有幾個故事，淨係《鄰居》已經有超過160章啊。

其實你係唔駛逐個月比錢呢，因為逐個月比錢係一啲好支持我嘅讀者持續支持我，但如果你只係睇故，你可以比$120一次過睇哂兩個故事，之後去Penana逐章付費閱讀啊

你呢個比喻我睇唔到個可比性⋯

你睇整容醫生係唔可能做到一半離開，因為會對你有影響，但係睇故事你係睇到幾時走都唔會影響到你；不過我感謝你會咁樣去類比，證明睇完頭20章你會有好大慾望繼續睇落去先會咁講

我諗係你本身就唔預要比錢就有得睇所以有期望落差⋯如果你本身就預期係要課金嘅話，頭20章就好似你去試食咁，你試到好食先比錢買返屋企慢慢食啊，咁你就唔會覺得人哋提供試食係騙案

喺你比錢之前我係寫到明一星期出兩篇，而咁耐以嚟我都近乎冇甩過一次稿⋯有次病咗我都係準時出稿的⋯我對得住所有付費嘅讀者🥹唔認為有任何欺騙成份🙏🏽

批評人好容易的 😅

一套電影戲飛都係$100左右
但支持我鍾意嘅YouTuber 我一個月比嘅錢唔只呢個數
其實每個人心入面有把尺，你覺得值就會課金，唔值呢個價就唔會比啊，用唔同嘅嘢比較價錢係無意義的

一套戲嘅制作成本係幾錢
你寫兩篇文又係幾錢

你睇清楚我講咩先

我諗係你本身就唔預要比錢就有得睇所以有期望落差⋯如果你本身就預期係要課金嘅話

唔使轉轉彎抹角又話咩大慾望又剩
個問題係
你去到第幾頁先話20個chapter打後要收錢？
一開始唔講
等人睇到一半先講
咪欺騙囉

如果我一開始話係免費，但我中途轉收費先係欺騙吧⋯⋯
但我從來無咁講過
我欺騙咗你咩嘢？

話時話咁樣算唔算商業宣傳

5蚊睇1500字
你貴過東野圭吾好多喎