精壇有篇文笑撚到我仆街 屌夜媽媽諗住捽緊fb就訓
比佢搞到醒晒
share出黎比大家眾樂樂 小心冼親
【當巴塞遇上利記】
晏飛路球場的空氣是有點不同。
蘇七從巴士一躍而下，用力地嗅著這熟悉的感覺。迎面而來是他最渴望聚舊的謝四，二人擁抱。
謝：「等你返嚟好耐。」
蘇：「你落場最好。」
謝：「哈哈，我老喇。睇你班友打生打死最過癮。」
蘇：「蠃或者輸都好，呢場我都會入波。送俾你。」
謝：「好。但我哋唔會輸。」
蘇：「會唔會出古仔？」
謝：「唔知。睇高普。」
鏡頭一轉，高普和古仔在飯堂喝咖啡。古仔如坐針氈，在杯內用小小的銀匙搞動著大戰前的漩渦。二人好久不語。
高：「我睇過一啲中國嘅兵法書。凡擾亂軍心者，斬無赦。」
古：「我知。」
高；「我仲可唔可以信你？」
古握緊雙拳，眼神有些不忿。高用力地把手放在古肩膊上。
古：「我唔係二五仔⋯⋯我唔係二五仔呀！！」
高；「我明。」
古哭了。
高；「古仔，你知唔知你同蘇七謝四最大分別係咩？你有一個機會。
就係今晚打低巴塞，然後季尾捧盃，跟住漂漂亮亮咁過檔。」
古：「對唔住⋯⋯」
高；「傻仔。出場啦，一早寫咗你係正選。」
鏡頭再轉。
蘇：「喂老友，你知唔知無論我有幾好波，捧幾多盃，有樣嘢⋯⋯我都冇可能比得上你。」
謝：「係咩？」
蘇：「就係，你由此至終，都只係踢利物浦呢一間球會。」
經典的歐聯樂曲奏響，四個命運迴異的男人，各自把愛恨榮辱，押在中場線那足球上。
