租到死果日,後生既時候俾業主加租要搬都接受到
但年紀大咗,仲要搬嚟搬去都幾麻煩
而且好多業主唔會敢租俾老人家,因為容易死(相對上)喺入面
同埋老咗萬一租樓其間投資失利,遇到大股災蝕勁多錢
臨老冇錢交租咁點算
你話老咗買美債咪得,冇人叫你買股票
但唔知到時息率係幾多,高既就冇問題,萬一低呢
但供樓,衰極三十年後都真係有間屋喺度
雖然大家成日話(自住驚閪)講出嚟笑
但實際上唔係咩?供得起咪得
同埋冇人叫你用呼吸plan買樓,
同埋唔好買太大,超出能力咪得,啱啱過壓測就當然危險少少啦
留返啲走盞位,當儲下未來間屋既維修費用
另外如果話供樓其間失業點算
咁租樓一樣啫,租緊其間失業又點算
其實大家發言都係企喺自己角度
相信未來香港一定會仆街既人
無論其他人講咩分析都唔會有用
因為未來香港實仆街,咁就緊係租樓啦
但如果你覺得香港未來唔會太差,
會慢慢平穩,經濟跟正常通漲咁上返去
咁可以考慮供樓
我自己就覺得預測聽日已經好難
仲話想預測未來三十年,簡直係天方夜譚
唔想老咗仲搬嚟搬去,呢樣嘢我自己就覺得非常重要
但有啲人係想租樓,成日有新樓可以住
咁當然支持佢地租啦