佛牌討論 正牌（25）

比起依靠神 我更相信要靠自己努力修行 但我相信每個宗教都係好 選擇一個合適自己最緊要

如果單靠相信能夠生天 都係一件好事呀 至少不落三惡道先 亦都可能係基督宗教個神的大能同福報 好似淨土宗一心念佛 臨終之時往生淨土一樣 每個宗教 教派 相信依各自教法做人 我諗唔會差得去邊

或者呢個咁簡單嘅哲學就係佢廣傳嘅原因，實踐到都係好嘅

只係返返原本個問題，人生何為苦？為何有人出生富貴？為何有人貧賤？為何神要安排不好嘅事？原罪是否一種業報？做好人上天堂是否因果？

我自己既最終選擇只係得真實、實在一個原因。
祝你修行有成果

行為上係，但係基督教嘅世界係美好，同現實形成落差，如何解釋？為何世界不平均？為何命運各不同？全能神為何不改善？當呢啲問題答唔到，簡單嘅美好核心思想就會變得鬆散，連帶導人向善嘅根基都不穩

神係西奈荒野賜下律法指引（出埃及記19:1），荒野唔屬於任何國家任何民族，所以律法指引係比所有人，只係其他民族唔去領受。正如你今日聽到聖經，都有得揀接唔接受一樣。

讀完書都有得考試，知道自己達到咩水平，神試驗人都係一樣。
試探係要使人跌倒，你堅持用試探呢個字落神身上，話神本質係試探，只係表明緊你論斷神既動機，其實呢個講法係唔符合聖經（雅各書1:13）。

睇落你好努力咁將聖經描述既神講成唔係聖經描述咁樣。咁唔係求真，係誤導，我勸你就唔好再咁做喇。

每個宗教都有佢解釋事物的一套 人係有惰性 如果可以選擇 相信每個人都會選擇不勞而獲 財色兼收 我地佛教徒 尊重別人的想法就ok 始終大家系統唔到 討論都無結果 好似蘋果同橙 邊個好味d 每個人答案唔同

多謝祝你時刻都開開心心 平安 身體健康

你覺得唔需要有關係，歡迎你表達左你既意見，咁樣都幫到你自己做個人選擇。
聖經就講明神係話「你們會做我的子民，我會做你們的神」（耶利米書30:22）。

聖經係猶太文化入面既文獻，猶太思維同而家廣傳既希臘思維相差好遠。
猶太思維：動態描述、着重效果同訊息傳達、容許張力。為左訊息入心甚至可以犧牲準確度。
希臘思維：靜態描述、定義為本、重視客觀事實、樣樣和諧。最好一個理論解釋晒所有野。

所謂矛盾同bug ，只係用左希臘思維去睇猶太既聖經，睇唔明係正常。事實上，猶太拉比（聖經老師）將經文既表面矛盾當係寶，刺激思考以致更加認識神。佢地既釋經書，將唔同拉比完全相反既解釋放埋一齊，視為正面既討論。
如果聖經有邊D地方，擺埋一齊會對你造成困難，歡迎你提出黎討論下。

而你提出既聖經文本既流傳傳統，係一門唔簡單既學科，我都唔介意討論下。
不過你係冇提出任何實質理據之下話「肯定」，就欠缺說服力。

多謝多謝，大家咁話

唔識用基督宗教角度答你 我估係神比各人的考驗 從而搵出決志信主的人 至於唔信主 亦唔需要理會佢地感受

只能夠講大家互相尊重就ok 可能大家都岩或者大家都錯呢

猶太思維去犧牲準確度去傳播訊息，隨住時代演代，個誤差越嚟越大，加上社會嘅演化，咪形成更大嘅誤差。

當簡化傳教，龐大誤差，加上歷代教廷選擇性保留同刪改聖經，到底依加基督宗神的旨意同原本嘅有幾大誤差？

到底你建立嘅關係，係真正嘅神，定只係教廷人員嘅意思？上帝只有一個，佢嘅旨意都只有一種，當拉比仲要就分返討論，已經反映左人為傳遞誤差係實際存在。

試探同試驗，文字遊戲嚟啫，轉做挑戰？考試？為何要用至親嘅人倫關係嚟試驗，特別係個答案係明知？

如果今日有任何一個人，叫人去殺自己親生仔去證明自己，通過試驗，呢個社會會點睇佢？

神喺西奈發布律例，其他地方嘅人如何得知？遲左知嘅人，就係愚昧？舊約聖誕幾多故事都係講，神直接間接銷滅一個城市，係因為當地不信神，拜偶像？到底不信神真係非罪？定係神無辨法有效將佢嘅律例宣揚？

你呢個講法，係一個常見既陰謀論。唔知聖經內容既人聽落就似層層，知既就得啖笑。
哲學係希臘思想，上面已經講左唔關猶太既聖經事。

冇一個有權力既人，會叫人民唔好聽自己話，反而聽神既話。聖經係話，王管既人民係佢既兄弟（申命記17:20）。而神先係話事果個，先係有權果個，先係真正既王（出埃及記15:18）。

我睇得出你好踊躍去表達你既抗拒，我都樂意討論，但係希望你咁實牙實齒講既時侯，講得準確，否則好容易顯出無知。如果唔熟，其實可以謙虛咁問。

想問下有冇地方可以幫人換佛牌個殼？

Ching你邊一區？Fb search 防水殼都一大堆

聽人講唔可以比其他人惦到個佛牌，所以想換但成日無換到。如果換，我想全程睇住

都唔知經過幾多手人掂過先去到你手上
尤其是請一啲唔係新出廟 一百 幾十年歷史嘅古牌

總括嚟講係唔關事

有啲舖頭係可以即日取，當然要加錢，打去問吓，到時咪借啲意喺隔離睇住

大把，平嘅會寄去泰國，土炮就貴，不過勝在你可以直接溝通價錢款式時間，避免寄運風險

唔掂咁點幫你換

邊個話？

一直都想知聖經咁多隱喻

其實係唔係有一個官方既解讀

驚惦左會失效

所有宗教都會有唔同門派，解讀都會唔同
而教廷都曾經因為各種理由，將先知所寫的經文列為偽經，禁止流傳或刪除，所以我一路都問，到底係信緊上帝定教會