佛牌討論 正牌（25）

個陣細 返去玩居多 但咩都依靠哂上帝 硬係唔知點

只能夠話唔適合自己

師兄唔洗灰心 氣餒 任何事都會有個過程 唔會無啦啦就成就到 接觸佛法 就係會令到你了解到任何事物終究都係因緣和合而生而滅 無需介懷亦無需執着 引用觀佛寺龐師傅經常講 慈開好美麗 但人往往只執著花開的美麗 忽略左要成就呢件事的太陽 肥料 水 特別係肥料 d人會討厭佢 但如果無左肥料 花又點會開得咁美麗 所以應該要接受好同唔好的東西
（大約係咁意思 小弟我悟性差 建議上廟聽下師傅講 會更了解）

其實上面嗰啲問題唔係問宗教，係問你個心諗咩
當然你可以覺得佛牌唔靈轉信耶穌啦，咁到耶穌考驗你嗰陣又轉信其他？

真正嘅心靈平靜係向內求 希望師兄平安喜樂啦

Well said

我諗你誤會左，因為聖經講既係掉轉：責任係人果度（創世記3:6）。
而耶穌救既係神同人之間既關係（馬太福音26:28），又使人同人關係復和（以弗所書2:14）。

如果將自己既意見投射落去，就唔係聖經講果個神了。

人同人嘅關係幾時復和過

講到尾又係神係全知全能，人要無條件相信，不能批判
但係實際就係神就係，創造無數佢眼中罪人，會試探，會妒忌，會報復嘅概念

講得唔夠清楚，多謝你指出。經文指既係，兩邊關係破裂既人，能夠因為耶穌而關係復和。

你所描述既神，同聖經描述既神都相差得好遠喎。

咁都要試過靠得住之後再揀去靠佢先有意義既

唔信佢，就要落地獄，係咪報復
叫人殺自己個仔做奉獻，講明試探
希伯來人以外就係外族

「唔信佢，就要落地獄」聖經冇清楚咁講喎。
「叫人殺自己個仔做奉獻，講明試探」，你講緊特別既人特別既仔，定係一般既人一般既仔？
「希伯來人以外就係外族」
華人社會以外既民族夠係叫外國人，唔係你想點叫

無話信邊一方好
清教，道教，基督/天主，佛教
都係個人經歷接觸邊樣

不信的人是否有罪？有罪的人能否上天堂？不上天堂死後是否落地獄？

特別的人是否還需要試探？是否應該試探？

大家都是神的子民，何談外族

容許我都分享下。
信天父，係同佢建立返合適既關係，我屬佢佢屬我（耶利米書30:22），穩陣到冇任何野分開到，甚至死亡都唔得（羅馬書8:38-39）。
信天父唔係純粹心靈寄托，因為有神既能力向接受神王權既人顯明，成就神既心意，又表明神同在（馬太福音28:18-20）。
真係信既人，見到神蹟係常態，我自己都係咁樣經歷。
同其他宗教比較既話，我冇聽過有任何其他宗教既神會同人建立關係。亦都冇其他宗教既神先講明會點做，再信實咁係歷史入面做出黎。
希望解答到你。

都係內心信仰同外在行為

有冇諗過，其實唔需要建立一種關係，特別係宗教係由人演繹，但聖經故事喺幾千年前寫，風俗唔同已經會有矛盾同bug。再幾過歷年刪減，增潤 ，翻譯，演繹，肯定會同原有神嘅旨意有落差。

呢個係基督宗由聖經開始鋪排，引致之後傳播方針形成嘅問題。

聖經係故事本位，由故事引申哲學，故事強調嘅係上帝嘅全能，而當時民智不高，所以一個全能嘅神就會係依賴對象，容易傳播，同時，能夠演繹神嘅話語，就係權力擁有者。

而權力擁有者為鞏固權力，就會進一步強化上帝本位嘅權力結構。當中嘅哲學就要簡化同刪減，因為哲學啟發思維，不利權力維護。

隨住全球化，擁有更大嘅民眾基督，要進入唔同市場，就要再簡化，將聖經最通俗嘅故事同金句推廣，令哲學成份更為冇串連同薄弱

你問教徒，除左神愛世人，我地要信佢做好人上天堂，佢地仲有咩哲學思想可言？

似乎冇發生過，淨係基督宗都仲打餐死

不信的人，可以有罪（創世記4:7），亦都可以冇罪（以西結書14:14）。冇因果關係。
聖經冇提過上天堂，呢個係民間信仰。

神試驗亞伯拉罕（創世記22:1），用試探呢個字翻譯就唔合上下文。神在上，亦都知道邊個人能夠通過試驗。亞伯拉罕通過試驗，佢既堅信成為所有屬神既人既榜樣（希伯來書11:17）。以撒甘願被綁，預先表明耶穌基督（路加福音24:26-27）。

猶太人同外族既分別在於角色同次序。猶太人先領受律法指引，做出黎，外族人見到就能夠認識神。神唔偏待人。（羅馬書2:9-11）

猶太人同阿拉伯人一齊讚美耶穌：

https://m.youtube.com/watch?v=XKLK78MqKRg

為何要分種族？為何不能同時受律。

如果知道會通過試驗，為何要做？阿伯拉罕嘅堅信同以撒嘅信心，都唔會改變上帝去試探嘅本質

Meanwhile，以巴打緊仗，歷史上十字軍東征，新教分裂