唔鍾意揸車，但女朋友好想我揸

tldr:
女朋友一直都想我揸車，接佢收工。但我自細對車/對揸車都無興趣，而且覺得自己揸唔掂，會撞死人。

有冇人都好似我咁，唔鍾意揸但結果要揸，最後有冇真係揸？ 或者有冇方法可以令我對揸車多啲興趣？（唔好叫我飛左佢）


以下係細節

用車方法：
我問佢想點樣用車，我排左3個選項（由最輕鬆至最chur)
1. 旅行自駕
2. weekend揸
3. 番工揸
佢想要接收工（咁即係要3啦），同埋佢唔同意淨係旅行先揸，一定要係香港都有路面經驗


我唔鍾意揸車的原因：
1. 自覺無天份：左右不分、路痴、對車零concept (例知我依家唔係好諗得起司機位係左定右）
2. 緊張：我覺得我揸緊車一定超緊張，唔可以同人講野 （我平時打手機game已經係咁，但你知啦女仔實係講過不停，又expect我有回應）
3. 費神：我平時一上車就訓著，揸車番工好攰，收工攰到死仲要揸車好慘
4. 份人燥底：平時行路都成日比人激親，驚揸車會變road rage
5. 覺得揸車on9: 要搵位泊要排停車場，要行去停車場攞車，仲要無得飲酒
6. 對車無興趣：咩車牌子邊隻model靚，車引擎好唔好聽之類，完全零研究
7. 無需要： 唔打算有小朋友


揸車吸引之處：
唔係零嘅，我諗自己揸住車播住「一路向北」，都應該會覺得幾爽幾正？
覺得科技會越來越發達，遲早有得自動駕駛，咁就無咁攰同無咁驚撞死人


錢：
我知搭uber緊係平好多，但我去接女朋友同uber去接佢，的確唔同嘅。錢無乜concern, 佢開心就ok, 養車每月比多一萬幾千我絕對負擔得到（但當然我覺得呢筆錢如果拎嚟做其他野會更抵）


問題/討論：
我打算學左先算，可能學學下會鍾意，或者至少無咁驚撞死人？定係我會學唔成…

有冇人都係被迫揸車？ 揸唔揸得成？ 係咩感受？ 會慣，定係每揸一次都懷疑人生？

有冇咩渠道可以培養我揸車的興趣？

屌，揸架車都寫篇論文

我可以幫你揸你女朋友

俾錢佢去學.....買車俾佢自己揸

以為自己開po 同我情況一樣

畀錢佢考車牌囉

想想想
我想你F cup 追撚含呀

唔想揸車咪唔好揸…點解你一定要逼自己做遷就人個個?

玩多啲GTA

我一路向北 離開有你的季節

你哋一齊住？
分開住要男朋友接出接入呢啲女飛咗佢啦
因為佢完全無為你著想過

路痴嗰一part真心認同，仲要行路嘅認路同埋揸車嘅認路好撚唔同可能明明個目的地係你好近，但係你就要諗架車點樣行先可以去到個目的地，你又唔可以 gta 揸車咁樣鏟上行人路直去

同埋佢唔同意淨係旅行先揸，一定要係香港都有路面經驗

老實講，呢種女你娶著佢嘅話未來肯定後悔，因為佢無從你嘅角度出發諗嘢，而佢只係純粹為咗同事間嘅虛榮心而作出呢種要求，喺同事間都要拎虛榮感嘅人亦一定無乜出色同能力…

佢揸車，你揸波

一直考唔到咪冇得揸囉

可能學完車佢地就散咗

自覺無天份：左右不分、路痴、對車零concept (例知我依家唔係好諗得起司機位係左定右）



乜嘢都係熟能生巧，只要有心，唔係低能，應該可以
舞得掂架車，但睇你呢句說話，就。。。

不過都係學咗先啦，學完有牌再出post問下一步啦。

佢想揸你支棍波

佢有俾你屌
你咪去接返人囉
有權利你就要付出架啦

買唔買車都好
你有個牌先講啦
車都未學你同你條女傾嚟托咩
考到牌先算啦

考到:
考到你唔係唔揸返幾個月攞路面經驗下嘛，咁不如唔好考

考幾次都 fail:
咁垃圾就 uber 算啦，揸車唔啱你

結論：
揸車係技能，揸唔揸都可以考咗個牌先
就算去旅行自駕，你都要有牌，同有路面經驗
考咗先講

學左車先無壞

一係你肥夠10次

揸車太輕鬆啦

負唔負擔到養車， 養唔到咪用呢個理由推

我同條女講過哂以上所有我諗法，佢都叫我唔好揸，完全無逼我。同埋佢平時都對我好好，唔係自私唔顧我感受

但我知佢真係好想第日有男朋友/老公車，有時接下佢番放工，我好想為佢做到呢件事，所以想問下我咁嘅情況點解決好