不經不覺Bno visa已經開始左3年半.....

你咁講開，我好似有印象我朋友講過話要兩個副簽。

1個好似係BC朋友，另1個一定係專業人士，但唔一定係BC。我唔清楚。

佢勁啦，去日本做嘢

你睇我好，我睇你好咁囉。 不過EU國籍係幾爽嘅，起碼EU唔駛排隊，入英國都可以用smart gate。 雖然好多EU人排隊用smart gate，但人流動快，唔駛俾人盤，入境快。 生活水平都係同英國差不多啦，一份牛工。 生活開心就算啦，寄人籬下都無乜奢望。

曾經有諗過想再走過嚟英國，後尾都係算罷啦。走佬一次就夠，唔想走兩次。

牌就冇抄過，但係會唔會查電話/WhatsApp嗰啲？

反正都差唔多，的確唔洗走兩次

之前有人提過BNO 未必係naturalize 而係register
咁樣會唔會又係有分別?

驚就上機前uninstall 咗先
咁就最安全

依家新例話入境有權check電話

我怕你係話由英國走咗
咁樣既話我會為你惋惜

過到英國，可能會搵到份寫字樓工，但人工只係夠交租、三餐、水電煤、council tax。 想去個旅行都唔知夠唔夠錢。
仲有，英國攞BC一定要先攞ILR，攞ILR要先考Life in the UK + IELTs。 仲有BNO VISA、NHS，全部都係錢。 入籍要用幾多錢，有數得計。 呢邊無咁多花臣嘢，又唔駛先ILR，可以直接入籍。入籍前係要考語文試，都係130歐，入籍申請費500+歐。係咁多。無入籍儀式，唔駛再俾錢。
我係英國生活嘅話，條數計唔掂。呢邊EU我唔駛交租(朋友同住)已經差一大截。所以諗兩諗就打消咗念頭去英國。

收到，唔該巴打

唔洗交租依點已經好足夠
輕鬆好多

英國最好地方係用英文，唔識另外再學一種語言，所以如果負擔得起，的確吸引啲

無呀，完全無係英國生活過。

過咗嚟歐洲，一早破斧沉舟，唔想俾自己任何藉口食回頭草。 我唔想永居而唔入籍。咁樣有隱憂，呢度呢，違返過交通規則，違例泊車，欠交罰款之類都會影響入籍。 未嚟之前我已經立定咗決心要入籍。

其實全世界永居都好唔穩陣，離開一段時間就無咗永居。 就好似COVID，無人預料攪咗兩三年，唔知幾多人因為咁無咗永居。

依家唔同囉，就算真係走去英語國家，我都寧願去愛爾蘭。EU身份去慳好多乜乜物物申請費。
我朋友打算攞咗BC之後都過去愛爾蘭住夠攞埋Irish citizenship。就係我呢個朋友呻，係英國退休金唔夠錢生活，如果可以用EU身份係希臘或者西班牙退休就可能夠錢，所以佢籌謀緊走第二次。

不知不覺間成為左professional 笑到

我都準備走去新加坡/ 日本
頂唔順歐洲 悶撚到

有得揀有計劃係好事
國家之間走嚟走去喺現今世界算好平常
我好多同事都係咁

唉。
其實佢都係為世所逼。 如果香港唔係改變到我同你都適應唔到，今日就唔會係地球另一端生活。
尤其我個朋友登五，離婚無兒無女。發生乜嘢事都係一個人自己解決，呢啲比起要搵兩個人副簽就係高難度動作！ 好似我同佢咁，無錢無車無樓，只可以揀走同唔走，而唔係揀走去邊。 若果n年前英國無Brexit，香港人攞咗BC都仲有廿幾個國家可以去。依家，無囉，得返愛爾蘭。佢再唔做，人太老就再無機會。
就係2015，當時我就係兩個選擇，走、唔走。我選擇咗走。假如當年無走，2020年推BNO VISA，我已經走唔郁（家庭原因)。

5000萬港幣應該okay

英國退休都on9

「」唔曉用？

真
自己好怕麻煩人