公屋出生under30 百萬年薪 生活依然絕望

見到有人講公屋仔月入60,000好辛苦
我想講你搵一球嘢一年你個生活都係咁撚辛苦
要怪就怪自己投唔啱胎
你以為你搵好多嘅時候
發現你身邊好多人佢哋過緊嘅生活
其實真係舒服過自己好多
無論係搵得多定搵得少過你嘅都係

講下我每個月開支先
15000租金水電煤自己
6000 老母租金水電煤（老母仲有工作）
交通4000 （超長工時一定係搭的士uber錢買時間)
食飯開支8000-10000 2024 7日 三餐外食 除非餐餐食茶記啲罐頭速食嘢 唔係真係要呢個數
身體保養成本 6000 （健身/美容/亞健康問題）要見客
社交及拍拖預算（15000）
進修成本一年九萬蚊（計8000一個月）
供保險2000一個月 （萬一有咩事真係要靠份保險）
個個月儲到兩萬蚊左右
仲要留錢交稅
我都唔撚明，我咁撚辛苦返工產生價值點撚解仲要我交稅

每日生活番工放工番工放工
一個星期返六日就梗㗎啦，OT O得少過一個鐘，我都當準時收工
一個月得個兩三萬蚊可以儲埋留嚟滾利息
保養身體嘅錢，感覺好似係要黎幫公司保養件零件
女友日日屌我陪唔到佢
見朋友時間都唔多所謂嘅社交大部份都係工作上嘅朋友
我自己本身投資唔算叻，亦都冇乜時間去研究，每年都係5到8%利息增長
計吓條數唔好講話咩買樓退休，淨係想去到一個生活有保障嘅程度其實都唔太容易（當我今日冇咗工作能力我可以似個人類咁生活落去）

相反，我女友中產家庭出生
屋企有物業
又比咗幾球嘢佢收吓利息
對於返工佢嘅態度就係夾到佢嘅生活佢先做
唔想做就由鳩佢
係搵唔多 但屋企叫做有啲積累本身佢搵幾多洗幾多都冇乜所謂
只要唔好亂黎佢嘅資產就識得慢慢增值

你基層家庭出世，你話想變成中產根本個重點唔係個收入到，當你拎住份人工以為自己可以過到啲佢哋嘅生活。
你會發現你只會擁有佢哋嘅物質唔會擁有到佢哋嘅生活。
仲記得第一年年薪過百萬嘅時候，真係我的美酒跑車相機金錶也講究，但屌佢老母冇一樣嘢我得閒玩，所以而家都唔會再買。人生真正嘅財富其實屬於自己又有足夠財力去支撐你做自己想做嘅嘢嘅時間。

如果你問我咁辛苦點解唔辭職
咪撚玩啦轉行所有嘢重新嚟過我真係唔會有呢個魄力
。人係社交動物你叫我放低一切我真係做唔到。
繼續做為乜嘢？老實講，我都唔知。但至少我可以維持到我而家擁有嘅嘢。

除非你真係叻到可以做到啲事少又錢多嘅工作（小弟冇咁嘅能力）如果唔係做人都係乖乖地喺自己舒適圈到生活可能更加好
如果本身出身唔係咁好就真係乖乖地搵份兩三萬嘅工作，然後搵幾多洗幾多
重點放返喺如何過好自己嘅生活
用好自己嘅時間令自己開心
儲到錢就去多啲旅行洗撚晒佢
而唔好咁撚戇鳩，迫自己成為一個高生產力嘅奴隸

同你差不多

有錢無命享係咪呢d?

資本累積係一個咁既遊戲
你用一己之力挑戰人地一大個家族幾代人既成果
覺得乏力係應該

香港係咁

最撚慘係同人講，人哋以為我哋曬命
其實上咗賊船真係落唔撚到嚟

返六日工，個個月都皮幾野社交

有錢係唔同啲

同女友出日街2-3000蚊走唔甩我要出去社交1000零$2000又係走唔甩
一個星期得一日，你嗰日你乜錢你都會肯洗

屌你老味, under 30 百萬年薪仲要怨天怨地, 捱多十零年啦仆街, 怨你老味

唔係怨
只係講其實個個都唔撚輕鬆

同埋點解生而為人我哋要捱呢？
有冇諗過點解工作一定要喺捱？

萬五蚊社交你當係投資定消費, 當消費你消費過度, 當投資自己諗下係咪真係有回報

唔好做人喇, 跳樓死撚咗佢, 人無本事係要捱

你間公屋去咗邊？

叫雞

工作唔係捱唔通玩呀？
百萬年薪仲咁on9

我甩咗名，我阿媽住緊
撇除喺香港呢件事
人就黎30歲搬出去住都合理

因為你有慾望想消費出身窮想向上爬，佳仔揾零蚊日日打機幾爽。

咁我捱二三十年捱到個人都老埋咁我要啲錢嚟做乜

你身邊嘅人唔會就住你嚟洗錢
唔好玩啦，我依家連閪都唔係好想屌

兩樣都有 唔通真係日日喺屋企自己望住個銀行戶口啲數字咩？

自己搵一球一年
叫人搵2 30000月薪好喇

有錢都煩，你叫痴公屋住啲連登仔情何以堪

咁都叫捱

社交拍拖費用減1/3至一半已經慳返份稅同條女出街 唔使餐餐米之連既 兩條友一日食1500蚊都大把好野食到啦
再唔係同條女一人比一餐囉