歡迎想砌模型嘅巴絲入嚟 (201) seed freedom世一

同時都有張唔同色嘅相

我偏向相信都係光線問題
當然我支持你表達自己對佢印象加黑佢

我都睇過B2,其實都唔係一隻色，佢個機身都勁多唔同位深左又淺左。

呢到是咪得我一個真。素組素

我素股

我素人

我鍾意波多過股

我覺得呢個例子可以同H G嗰類冇做分色而又冇跟貼紙做類比。
兩者都係基於套kit 唔能夠呈現設定/現實中嘅實物而產生嘅「再現度」不足嘅缺陷。
所以我個人認為素組應該係指充實呈現套kit 嘅設計包括缺點/缺陷，而唔係機體設定/現實世界嘅實物，即係話無縫應該唔包喺素組入邊？

F-16 背脊隻深灰都係36118

你呢個講法同見好巴喺313樓嘅講法，基本上我都覺得ok。
其實我都有諗過另外一個演繹方法：
就係「按manual完成嘅作品只能包含原裝套件所提供嘅materials，先至可以算係素組」

所以任何塗料(包埋滲線)、保護漆、畢地、各類補品一放入作品上，就唔係素組。貼紙/水貼就視乎係咪原裝套件跟埋，有跟埋就算素組，自己拎副廠水貼/打印水貼嚟用就唔算素組。

呢個說法我最糾結嘅地方就係膠水與及引伸出嚟嘅無縫作業。因為膠水係外來materials，但喺軍模車模中，你無膠水可能連砌起件嘢都有問題

牆角巴喺312樓嘅point其實講得好，係笨大模型，特別係呢十幾年嘅巾趴，先玩到唔用膠水都完成到（即係最raw嘅齋啪），並以此作招徠，所以先引起點為之素組嘅問題。所以如果將討論前設收窄返到笨大巾趴身上，咁用有冇外來materials嚟做係咪素組嘅分界，而將無縫排除在外，又好似都講得通噃

新post又推得幾快

巴打們討論到好似哲學討論咁
我自己就叫齋啪做素組，刻線開始就叫返做到咩咩咁
全塗裝就全部當做晒（唔包大改件）

全塗裝唔一定全部做晒
大把人唔磨水口無縫補縮膠都冇就直接噴
仲有啲板噴 然後放上fb賣貴幾舊水
亦有人磨晒無縫晒就係冇條件上色
好多野好難定義

網購多數買Lmodel , 會買日本同台灣牌子 多D。
如果想試大陸油例如匠域 星影 迪斯派 大陸仔係多D選擇
個人用開Modo同Finisher 多D.

如果新手想再平其實可以carousell 收二手野$500 左右已經好齊工具

咁我覺得軍模車模嚟計套kit 都講到明要用膠水，照計就應該包喺素組入面。學你咁講落唔膠水兩件件都唔固定埋一齊就明顯唔套kit想做到嘅效果。

要類比嘅話就好似bamdie盒模型唔跟剪鉗，咁唔通佢又expect你用手啪啲件出嚟咩？

呢點我理解
但最tricky嘅位，係搽膠水太容易同無縫bundle埋一齊喇
如果因為組裝需要而搽膠水，所以仲係素組，ok
咁我搽膠水搽多咗出晒界呢？
如果磨走水口呢啲突出於作品原有輪廓嘅瑕疵，仍然係素組範圍，咁磨走多出嚟嘅膠水都係喎。
嗱，成套無縫工序（搽膠水+磨走溢膠）做晒啦。
邊一個step違反素組範圍？搽膠水定打磨溢膠？

你可能會話，manual指名要落膠水嘅地方，你跟住落都仲係素組，冇叫你落嘅地方你自己擅自落就唔係素組。
咁問題嚟喇，如果成份manual都冇明確指示邊個位要落呢？
車模我砌得唔多，暫時淨係砌過3部aoishima 嘅1/24嘅cyber formula，3部嘅manual都淨係叫你組裝前要準備定膠水，但就冇指明邊嚿件/邊個位應該落，完全交返畀玩家自己判斷，咁個龍門就真係變咗飄移境界

追文可以追一晚

田宮飛機船啲manual指定埋邊一個位置要用邊一隻number嘅琺瑯漆
咁我跟佢指示噴埋油算唔算素組

食住羅漢齋啪，
算唔算素組？

全裸，齋啪先算係

石油產品算唔算齋

動物化石，唔算

食住羅漢齋 啪 ＞ 素組
食住羅漢 齋啪 ＞ 葷組

呢個係非常好既例子，我答唔到

按我自己定義，佢設計成品係要上色既，咁跟住上同一隻色都係"素組"。 當然唔上色都係素組，只係完成度不足。
但如果設計成品係冇上色的，說明書只係好清楚咁建議你用邊隻色，咁上色就唔係素組囉。

即刻喺山積度搵返盒青島cyber formula 出黎睇睇份說明書。

有寫要用剪鉗，清水口。
有叫準備膠水，冇註明邊個位置用。
有叫準備顏料，有paint instruction 註明邊個位用邊隻色。

我投降，咁既情況真係唔知點先係"素組" 。