歡迎想砌模型嘅巴絲入嚟 (201) seed freedom世一

「我講完又你講到好似我無睇你講乜」
我知你講乜
而我目的就係要指出你喱種乜都講成睇你當佢係唔係喱種態度
其實就係否定緊我提出嘅內容
因為我就係指摘緊人哋濫用字眼, 而你就喺到講「睇你點睇」
即係保留濫用字詞嘅正確性, 喱一個位我係不滿嘅位
因為我講緊嘅係濫用字眼喱件事不可取, 我話隻字冇絕對定義啫唔代表我同意喱啲字因此被濫用都冇所謂喎
你最初加入喱個話題提出嗰兩個定義都係屬於客觀地兼唔on9嘅情況下唔應該發生「無縫被納入素組部份」喱個情況喎
even你而家都清楚貼完張圖冇嗰幾隻關鍵字係證明失敗架喎
之後你就續步續步喺到推演一啲世界大同、我執嘅嘢, 係冇需要而且離題

不過都因為你講佛計令我知道點解你會有喱啲「超脫包容」
我個friend係會「見人愚而犯下口業」架, 所以咪冇你咁「超脫」囉
更何況我喱啲凡人, 係充滿執著架喇
即係好簡單, 一個字詞因為增加佢嘅含義同涵蓋範圍不合理地擴大
喱個字詞就會漸漸因為意義過於含糊失去作為字詞嘅作用
咁樣知識嘅傳遞就會有問題, 我唔認為喱樣係一件可取嘅事
我唔知你有冇睇過我以前貼戰鬥機成品嘅時候訴說過關於查考歷史資料嘅糾結
事實上網絡上面係有好多滄海遺珠嘅內容係出版物到搵唔到
而點解會搵唔到, 就係因為問題出咗喺內容傳遞上面
文字嘅準確度係罪魁禍首
所以我先會花咁多時間, 喺到講喱堆嘢
因為我知道正如我自己會喺2024年睇返啲2000年嘅西歐北歐舊式forum archive搵到啲令人意外嘅真相, 然後釋懷一樣
我知道始終有機會啟發到一個十鳩幾年之後struggle埋啲奇怪問題嘅廣東話人

問下你如果說明書話呢個位要用膠水
咁膠水嘅正確用法係就咁痴埋
定係要磨平埋溢膠先算完全嘅”用膠水”工序？
剪件都係，磨水口算唔算完整嘅”剪件”工序之一？

諗諗下有個疑問
如果「跟足說明書上嘅assembly instructions 嚟砌起件嘢，完全唔做多/添加任何一個無寫明嘅工序」就為之「素組」。
咁「打磨水口」又應該點理解呢? 說明書好似唔會有instruction叫你磨返平個水口位，而且就算唔磨，又真係唔影響組裝同砌起件嘢個噃。咁係咪只要有磨過一下水口，就已經唔可以當係「素組」呢?

頭盔先：
1）玩開全塗裝，所以無論點樣計我都唔算係素組派
2）才疏學淺唔識日文，所以其實唔知「素組み」原意係點

我宣佈砌膠要同化妝睇齊
要分全砌，裸砌同素組（對應返全妝，裸妝同素顏）
全砌 所有可以做黎美化的工夫都做哂，即係可以比賽

素組 除左剪水口啪起佢，所有洗甩膠玩具味同設計局限的工夫都唔做，即係大龍網咁

裸砌 做左好多野美化，但力求睇落好似素組同設定書咁自然，做左要好似冇做咁，最好畀人問“師兄請問係咪素組？”

真係出得好衰砌到一半無晒癮
遲啲開埋隻mighty撚下

見到裸砌，我仲以為你講緊嗰啲砌模型砌到痴x頭、封x口嘅玩家

唔著衫砌就係裸砌
masking 痴落jj

一定係你悲觀 我睇到遮蓋膠紙嘅好處

弱弱一問，素人係屬於咩範疇

唔專業的外行人咪素人
佢地砌出黎咪素組

你誤會左，我無意否定你由頭到尾我只係想提出一種精神，就係執著會令人煩惱呢個佛學精神，當然我都話，如果你有你既信念，你可以堅持，我只係講出一種心態，呢種心態只係我自己諗法，並唔係否定你，始終人有權選擇自己既道路，我從來唔否定人地呢d野，呢d係人既自由意志黎

見大家嘈說明書
醒起早幾日k島見到人傾緊鐵路模型說明書
張圖講完同無講無分別
https://x.com/hukutsuukaisoku/status/1795096247054778516

所以如果當初喱個問題係咁嘅context
我一定唔會搭嗲

我覺得呢d好睇個人學技法既時候點學，好先入為主，好似如果有d人係雜誌教案學既，當雜誌教佢磨平埋為成套工序既時候，咁個個人就會理所當然覺得磨平係一部分，但如果個人根本無呢個概念，可能根本唔知什至唔覺得要磨

有試過 但唔多
個模都成唔到一直線cls公司

嗱你喱個就exactly係討論緊字詞邊界嘅問題
冇嘅喱個就一定, 喱個冇記錯係語言哲學入面一個好大嘅topic嚟
我當年上過為數唔多嘅哲學elective入面有個chapter就係講維根斯坦private language argument同希臘哲學關於form(理形)嘅問題
長話短說, 有啲字係能夠通過一個solid嘅定義作介定, 例如咩呢
一個處男, 就係冇性經驗嘅男人, 係唔存在一個扑過嘢嘅處男架嘛
因為一扑過嘢佢就破咗處, 唔可能係處男啦嘛
(唔好笑, 以前份reading係用喱個做例子)
但有啲嘢係唔可以用定義介定, 只能通過無窮無盡嘅例子框起
例如一座山, 咩叫一座山? 我如果用定義介定係on9嘅
因為如果山只係一個疊起錐形嘅泥土或者岩石
咁我喺平地上面擺堆泥都叫山? 明顯係唔make sense嘅
咁我哋唯有見到一座, 就by sense判斷一座係唔係山喇
你就會發現其實係無窮無盡嘅, 係draw唔到邊界嘅喱種字
所以希臘哲學家提出過一種想法叫form of ____, 乜乜的理形
即係嗰樣嘢嘅ideal case, 即係好似一座山, 係有山嘅form
一座理想, 任何意識都會叫佢做山嘅一件物件, 咁佢就叫做form of mountain喇

去返你個問題, 磨水口一下叫唔叫素組, 咁你如果好naive咁當咗佢做處男=冇扑過嘢嘅男人, 咁就叫做唔係素組架喇
但點解喱件事係naive呢, 因為你冇考慮過「打磨」嘅理形, 「水口」嘅理形
咁更枉論「素組」嘅理形呢
但咁不代表我哋對「素組」喱隻字嘅意義完全崩塌
去返山喱隻字嘅例子, 你點痴線都唔會指著個凹落去嘅氹稱呼做山掛?
就係咁囉

終於追完post，好耐冇試過

我絕對明白福巴既心情。我覺得我自己都係咁堅持既人。我之前留言就係因為想提出水性油，酒精類同硝基油既分別。

先講下"詞語" 呢個term，我地讀科學既，如果大家仲記得，基本上你要接觸每一個新領域，最開始就應該係definition 。冇明確既definition，之後所有知識內容理解都會出問題。所以我讚成每個詞語都應該有明確既意思。雖然某啲詞語既意思係會隨時間而改變，但都應該喺某段時間有某一個明確既意思範圍。個範圍可以好闊，例如"車" 可以有好多好多唔同既物件都叫車。
咁係唔係每個詞語都一定有明確意思呢？又唔係喎，呢啲冇明確意思既詞語，好快就會因為佢唔夠精準而慢慢被棄用被更精準既詞語取代。所以我讚成認真去確認一個詞語並唔係壞事，反而容許一個詞語越來越含糊就會令到呢個詞語"死去" 。
所以我讚成亦都樂見大家講出自己既理解，咁就有機會可以令到，至少喺連登呢個post，會有更精準既理解。

講完詞語，又講下膠水呢個point。 "膠水黏合" 同"無縫處理" ，喺有砌模既玩家之間，應該可以理解做兩件完全唔同既工作掛。膠水黏合完可以仍然有縫；無縫處理亦都唔一定用膠水。所以住緊巴打既例子又真係唔夠說服力。嗱嗱嗱，唔關"素組" 呢個詞語既事，只係講膠水黏合就有無縫既意思係有啲牽強。

希望住緊巴同福巴唔好因為呢次討論而對呢個post反感。玩模型既巴打都係好人來的，對事唔對人的。（對人嗰啲走晒喇）

最後，亂估一下，福巴應該係土象星座，好大機會係山羊座。住緊巴係風象星座（水瓶座？）唔好答我，我噏下咋，私隱問題，唔好自爆。

唔中
但喺喱個post入面我表現同日常生活有交流嘅人對我嘅印象相差好遠
以我所知我個星座係出咗名思維捉摸不定著稱, aka腦裝屎
which同我日常生活有接觸嘅人係絕對認同

大致明白你所講，有啲嘢會用到form去表達，即透過一堆例子去演譯某一事物。
我相信呢個就正正係大家容易出現分歧同爭拗嘅地方，始終form呢樣嘢相對抽象

但用返山嚟做例子，你覺得喺平地上面擺堆泥都叫山係唔make sense，喺呢個位我就可能會有唔同睇法。首先，你指嘅山係hill 定係mountain?

如果係指hill嘅話，咁堆泥石填得夠大夠高呢？點解唔可以叫佢做山呢？ 上wiki甚至可以搵到一堆artificial hill嘅真實例子。

如果係指mountain，咁當然堆泥就點都唔算啦，但應該就唔太關form唔form事，因為一來mountain應該係要天然形成先計數，二來區分hill及mountain係會用比較客觀嘅高度來判斷，唔同地方所用嘅高度分界標準會略有不同啦下，但人工堆泥應該practically都堆唔到去嗰條分界線。

所以，其實真係睇點樣去define同畫條界。

又以樹為例，一般人可能會用比較印象流嘅form去分辨，話呢棵有枝有葉又高所以係樹喎，但樹藝專業就會用，於某一指定高度其主幹嘅直徑是否粗過某個數值去決定佢係咪樹喇。

套用返落「素組」之於模型，用form嘅概念嚟理解。有啲位都會攞到共識嘅，例如噴油上色、補偷膠、改手手腳腳嘅比例呢啲一做就唔可以叫素組。但磨水口、搽膠水、做無縫呢啲就真係會有人有唔同睇法，落入咗灰色地帶。

雖然我自己gut feeling 都唔認同無縫可以歸入素組，但要攞一套好清析嘅說法，去說服人點解無縫唔係素組，我亦拎唔到出嚟。你用說明書instruction去畫界我覺得其實都好接近下，但一套用就𠝹走埋磨水口又好似over咗。

所以一日唔develop一套solid嘅定義，「素組」呢個問題應該只會沒完沒了。

因為佢哋係會question埋form嘅條件係點樣
即係山拆成hill(丘)同mountain|(嶽)喱個位開始已經走入咗個圈套入面
又會問返轉頭點解丘同嶽會用某個高度作為分界呢
即係又開始咗個新嘅字詞邊界問題, 又原地踏步咗
所以理形係好唔現實, 唔存在嘅
亦都係我上面一開始就話明白冇一個權威而客觀嘅定義
但唔支持咁樣濫用字詞, 一人一口, 一步一步咁再將一隻字變成冇實質意義嘅狀態

首先，我並唔係話要否定form呢樣嘢嘅存在或其實質意義，而指係想指出靠form去理解一樣事物，會比較容易出現大家理解上分歧，特別係只透過一些例子，而非精確嘅定義去理解一個概念。

我舉一個例子，假設要認識「個位數」呢個概念。
如果A君接觸到嘅例子係1,3,5,7,9，咁佢可能就會以為「個位數」係指「單數」
如果B君接觸到嘅例子係2,4,6,8，咁佢可能就會以為「個位數」係指「雙數」
如果C君接觸到嘅例子係2,3,5,7，咁佢可能就會以為「個位數」係指「質數」
咁之後ABC君一溝通交流，就嘈交喇

咁當然，呢個case「個位數」實質有限數，day 1就列晒由0到9就可以避免誤會，但如果嗰樣嘢嘅例子係多到唔會列晒出嚟呢？

咁用form去理解時，就會由於大家初接觸嗰樣嘢時嘅例子set有唔同，而容易導致理解上嘅分歧

至於點解山又要分拆為hill同mountain，咁我唔係地理專家，其實唔知呢堆terms嘅出現同演化歷史，不過我傾向唔相信呢個係想搞死某個字詞嘅圈套。 我傾向相信將山按高度細分，喺學術研究上有某啲意義，或者方便闡述某些理論，又或有其他實際作用。

就好似樹點解要特登定一個尺寸上嘅客觀準則呢，其中一個原因就係想保護健康生長咗一定時間嘅植物，將佢界定為樹，唔可以亂斬。

而有咗呢啲較客觀及精確嘅定義，的確係可以減少大家理解上嘅分歧同爭拗嘅。

把劍遮咗幾耐

佢個轉角位好難遮

如果關於字詞濫用呢個問題應該好難阻止
兩年千來好多字詞用法都演變左
演變過程無非都係俾人用左去其他意思
或者冇人用/有其他詞代替
所以執著起呢個位只會自己唔開心