新 火影三十大角色實力排名

冇話要消除成招忍術喎
塵遁絕對可以打穿一個大窿保自己不死
再加埋輕重岩老實講呢招對大野木應該冇乜效果

仲有，如果你呢個邏輯都叫計緊角色實力
咁迪達拉都會有top10
一個C3啲夠秒殺黃土，識飛黃土直頭打唔中佢

睇到
無正常忍者會喺空曠場景戰鬥
已經知道 唔洗再討論

唔只有大小 有威力 嚟緊排名會再解釋

正常忍者係自來也 無極大型忍術嘅人
你睇到空曠 大部分係四戰聯軍並進先要咁大位
正常忍者無論點都會嘗試到可以利用嘅地形戰鬥 自來也要 鹿丸要 鼬 至少生前都要 甚至利用地形可能係一般忍者策略嘅重點

將場景轉做樹林 村 都差唔都幾多
而且兜用到君麻呂骨刺 就算草原都有用
又唔係講鼬廢 係兜的確被低估

啱呀，我就係帶出，咁所以鼬有乜勁
因為個時係前期，天照啊，打飛機呀？

黃土都可以排得前過穢土雷影
樓祖勁識波

出完大招副作用都要考慮
六門出完全身痛 已經難再打
七門出完短時間內零戰鬥能力
雖然捱得過七門都應該少之又少 但始終有可能打唔中

我覺得頭幾名都一定係果堆神仙佬
排名不分先後：輝夜，六道班，六道帶土，陽力嗚門，陰力佐助，潘恩/完美長門，羽村同羽衣。

呢堆人唔係輪迴眼就仙人體。跟本就係一等同次等神仙

其次就係班神仙拓世：初代，班，嗚，佐。

跟住就到寫輪眼平凡人：鼬，卡卡西，帶土。

再到平凡人：二代，四代，自來也，凱呢啲…

呢堆人綜合戰力都係勁。其他角色都唔洗點討論了。

BTW, 蛇叔先係最撚勁

唉 真係唔知講咩好 好地地排個黃土
想支持都支持唔落 黃土點可能打敗土影 雷影 佢係咁勁就佢做第四代土影啦

講真 你miss左E條友都無人記得
咁有爭議就放埋一邊先啦
你E家一手破壞左你自己辛苦寫ge野

樓主是咪唔記得咗雷勊土呢樣野？ 話會秒殺奇拉比咁搞笑 ，你分析得算唔錯，但戰力唔是咁排，應該係計綜合戰力，例如係唔同場地，對唔同類型嘅忍者/術，會否有合適嘅應對/反制。

更何況黃土最多叫做有各種土遁作控制手段，但殺傷力唔見得佢好大，佢大概係果種打團戰輔助控制果類角色。屬單邊形角色。

16. 三代雷影


講雷影前 我要補充下黃土 唔喜請skip去下面雷影相

上面黃土排十五好多人唔同意 可以理解
黃土的確好難排 近戰雖然面對之後個幾位都係輸硬 但遠距戰 甚至邊走邊打
如果真係開十尾size嘅山土之術 唔理係塵遁 雷影 都擋唔到

首先要講消楚 我排佢唔係因為得佢困住十尾 都唔係因為大=勁 係呢招背後嘅意義
山木之術係持續性輸出忍術 即係黃土唔係一次性用查克拉搞掂
係要持續消耗查克拉 持續同十尾嘅力量抵抗
呢個係比較恐怖嘅事 而且忍術要強最重要係施術者嘅本體實力 佢做到呢件事本身 就代表佢其他嘢都做得好

實際上佢用其他土遁都係影級人選嘅實力
就好似斑只會用須佐同火遁 唔代表佢幻術差
去到斑個水平 瞳力同幻術 得罪講句 會比鼬強
黃土唔係斑水平 只係講佢係具有一定實力
近戰依然會輸比外掛

其次係山土之術嘅大小 我覺得因為係漫畫同動畫 好多人對大小無概念 而且山土之術係大得嚟有威力


圖入面十尾嘅前一個形態 一個頭係鳴人九尾化後嘅高度
已知佐助完整體須佐同鳴人九尾化相同高度
漫畫動畫因為作畫因素 會出現高度唔一致問題
但基本上佐助同斑仲有卡卡西都係位於須佐額頭呢個位


用呢幾個人身高粗略計算 須佐臉長大約16-17m 唔計頭髮
用7/8頭身計
完全體須佐約110-136m

十尾假設變咗形態一樣大純粹企起身


圖入面巨石係至少660m高 實際上呢個形態更大
網上仲有人計到1000m 加上係半球體 面積更恐怖

土影們唔係無限查克拉 塵遁你話要掃要穿個窿都唔係𣊬間嘅事 塵遁有威力但有缺點 簡單嚟講係唔夠快 範圍有限制 塵遁嚟緊排名會再講

有人提到豬鹿蝶 但佢哋打嘅係小型十尾分身
當然我明排十五令人難信服 近戰嘅話黃土係輸後面嘅人
大技係再排前都有可能
道理就好似卡卡西用神威用得好可以周圍行
好膠但真心唔係膠



講咗咁多 返去三代雷影
去到呢個水平同之下唔再係可以見招拆招
任何變數都影響到結果 同之後幾位實力接近

講定先 三代雷影近戰係殺得死黃土
穢土嘅三雷比生前弱 但生前嘅戰力只可以靠穢土時候嘅估

我哋知道佢可以同八野生尾打三日三夜平手
可以一人頂幾萬個忍者
只不過要留意普通忍者係無防禦力咁滯 忍刀就殺得死 好似穢土斑打聯軍咁
呢兩項戰績只說明到佢有龐大查克拉 比起鬼鮫更似無尾尾獸

而佢同野生八尾戰鬥三日三夜 顯示到佢防御力至少足以抵擋十幾次八尾物理攻擊 穢土後防到螺旋手裏劍
但我哋唔知佢係咪企定定硬接八尾攻擊 甚至尾獸丸 因為資訊太少真係無人知唔係我想眨低佢

鳴人同八尾嘅對話中 得知三雷一隻手指時可以切斷八尾所有尾巴


考慮佢嘅雷遁係身體攻防加乘 係建基於肉體強度上 而穢土身體強硬度可能比一般要低
可以想像下 如果穢土嘅凱用七門或者八門（用唔到） 身體承唔承受到 隻腳係會骨折定散咗？
咁諗嘅話 三雷呢啲本身在生時肉體就唔受傷嘅體術忍者 穢土化後嘅實力反而會比其他影跌得多

所以排呢度 至於塵遁之後會再講 但基本上除咗消除一切之外 有命中率低（高手戰） 施術過程太長 可能消耗大嘅問題
如果你夠快係可以打斷 避開塵遁 詳情之後會講

17. 穢土二代


在生時肯定無呢個排名
但穢土二代利用咗自己穢土身嘅特性搞咗個極強力嘅互乘起爆符
比六道帶土秒碎嘅𣊬間貼係帶土身上 用出連環大爆炸 動畫顯示係長時間爆炸 而漫畫畫嘅係更強嘅大爆炸 講緊係大過野生九尾嘅size


呢個反應 行動速度同威力
無須佐/木人/虛化呢啲外掛好難會毫髮無傷
佢識眾多忍術同禁術 可以排上用場但問題係我哋讀者完全唔知有咩 因為佢未用其他
所以加上飛雷神 聰明才智 排呢度 同埋佢近戰同樣可以殺黃土

多謝支持先
黃土我諗咗幾耐下 下面補充咗啲
土影或者有機
一個忍術可以睇出使用者嘅實力 去到呢個水平好難忽視
至於做土影 其他海外都有唔少經常討論火影嘅fans諗唔通 我都唔知

唔好拎後期啲神仙比較會好啲

做多咗真係覺得神仙大戰少悶

19. 三代土影大野木


塵遁單就傷害方面嚟講 已經係六道之下第一
上面講過缺點 主要係施術唔夠快 單人用有範圍限制 距離遠易閃避 可以被中斷

但單就傷害嚟講無可挑剔
大野木土遁亦唔會差
雖然經常用塵遁但幾次用土遁都係非常實用嘅效果 而且仲識飛
好多人無視咗識飛嘅好處
如果佢再後生二十年 可以排上唔少

樓主排完15黃土之後既已經冇意思

20. 四代雷影


快 硬 強 係雷影嘅特點

雖然無三代咁強 但可以打碎佐助嘅骨架須佐
速度比水門慢啲 繼承三代雷影嘅雷遁之鎧
其實論速度 力量 佢同綱手差唔多 會排高係因為防禦高 可能未到三雷但唔會差 而且小數用嘅雷遁忍術+體術都幾有威力

盡量完埋個尾佢

百豪都係要持續消耗查克拉 一口氣幫成村人回血

21. 金角銀角


大筒木後人
有六道仙人血脈
有六道仙人嘅五大忍具
兩個都可以九尾化至六尾
可以用尾獸丸 尾獸化自然有自癒能力

五大忍具功能同條件奇怪 但係相配合嘅套裝


最勁係可以封印八尾 同埋把扇揮一下有五大性質忍術
生前曾經二十人部隊殺死二代雷影同追殺二代火影仲殺死埋（個陣二代應該五六十歲）
扉間當時團隊有 日斬 團藏 宇智波鏡
扉間識用飛雷神同其他術 但照樣被追殺

金銀角實力係有嘅 但四戰戰績唔掂 穢土化弱咗 被主要配角同聯軍擊敗 比自己嘅六道忍具封印 算係咁 始終唔係正宗九尾
佢哋嘅實力同設定好難排後面 即使戰績麻麻

Killerbee同鬼鮫一定勁過四代雷 八尾完美人柱力同無尾尾獸

黃土總共用咗兩次 仲擋過十尾尾獸丸 如果鋼手得都正常 畢竟千手同百豪儲開
綱手係唔同發展方向 如果佢同自來也一樣忍術向 會更強