其實我想講政府加人工個市場調查有少少唔公道。一黎佢個board(薪酬趨勢調查委員會)全部都係公務員自己人坐,事關主席位都係要由公務員提名先得。咁公務員就梗係儘量偏向自己喜好既做report。二黎佢下下都係對應大公司同等既grade,例如EO對照既係出面大公司既manager grade,但老實講EO無論能力,工作量定壓力都對唔上出面大公司既manager grade。咁當然紀律部隊另計,我諗大家都明既
![](https://cdn.lihkg.com/assets/faces/normal/sosad.gif)
唔知政府有冇公佈每年加人工份研究統計報告。如果有既都想睇下政府係點做統計。
仲有人話出面私人市場特別係中小企睇住政府加人工,如果咁講法成立既話,出面私人市場既特別係中小企人工既加幅呢20年應該跟得上公務員,但事實上大家都知道係冇,情況久而久之就係政府人工同實際私人市場情況脫鉤情況越黎越大。所以點解咁多大學生問佢fg想做咩大部分都係想考公務員,最簡單原因係人工同私人市場不相伯仲(甚至高過)
工作量同壓力又冇私人市場咁大。咁自自然然每個人都想考入公務員,
印印腳收份糧算數。
唔係話公務員唔應該加人工,但我覺得應該用更科學既方法去做調查。之前讀書上public policy都有prof講過呢個問題,有時間再講。