最近室主走去剪頭髮換咗個造型,室友雖然唔會知頭盔下的我係點樣,但髮型的確肩負責任。
由利記阿諾到阿記薩卡,全部英超年青球員因為過份姿整,都曾經令佢地賽事狀態下滑。高普更公開表示過,對一度雷鬼鞭子頭的阿諾終於唔再姿整剪返正常短髮後感到安慰。而阿記賓韋治早排試過轉白頭髮後出事仲即擺烏龍,真係唔好唔信邪。
當車路士主將安素要做手術收咧之時,近來備受批評的前鋒積遜操練時被發現轉換髮型,將藍色Highlight華髮卸下,以剷青造型示人。
好似《Slam Dunk》櫻木花道咁,話唔定之後會重新做人回復射手本色,車迷俾個機會佢啦。球員髮型多花款,嚟緊下季利記同曼市雙雄領隊髮型就似乎千篇一律了🧑🏻🦲
by 蘭斯貝利
NJ