【崩盤我有經驗】阿仙奴23-24球迷討論區MMMCXXV

spandau 2024-04-19 16:34:06

條友又唔係假阿,只係D傻閪YOUTUBER做埋D出位野係度MAKE NOISE

spandau 2024-04-19 16:34:51

first touch已經推得差啦

花井三日月 2024-04-19 16:34:59

https://www.facebook.com/share/p/kfUwtcz2tyxYsBtm/?mibextid=WC7FNe

上季聽過有個阿仙奴球迷KOL話，上季係史上僅有的阿仙奴爭冠機會，再唔把握的話，以後就無可能同人爭聯賽冠軍，所以果陣冬窗應該要買XXX、排陣點點點

的確，佢講中左，阿仙奴上季衝冠失敗，被人反杯後上

今季再嚟過；去到4月前，阿仙奴“竟然”仲做到英超近年來少有的爭標三頭馬車之一，雖然目前爭標形勢相當被動，而且自身球隊生理及心理狀態已出現問題，但阿仙奴連續兩季都仲可以掹車邊，做下爭冠份子

可能有人會話，攞到冠軍先講啦、隊波有成績先出嚟認叻喇；但同時，阿仙奴或阿迪達亦證明左一樣野，你永遠唔知道新一個球季會發生乜事

你估唔到高普會唔教、估唔到今季利物浦都會臨尾腳軟力弱；估唔到曼城上季咁強統治力，但今季又有少少回落，但明明上季仲話曼城以後每季都咁勁，但今季竟然又令其他球隊可以“發下夢”；你又估唔到維拉唔止成為攔路虎，今季英超竟得返佢可以繼續踢緊兩條戰線比賽；又邊個估到熱刺曼聯今季執過一輪，排名上雖然睇嚟差少少，但似乎下一季仲有得搞落去；紐卡素白禮頓上季咁堅，今季又因傷病而令到成績有所走樣

更加估唔到今季英超響歐洲賽成為“失敗者”，被意甲及德甲出曬風頭；扯遠講多少少，又有邊個估到德甲會被利華古遜殺出條血路、西甲有支神奇球隊叫基朗拿

如果每件球壇事可以咁“順景”地被球迷預測曬出嚟，成件事就唔好玩

小編自己身為阿迷，當然被呢幾場失利令到自己心情都受影響；但與此同時，瞓醒後擘大雙眼，咪又係要返工，咪又係被自己對家球迷同事取笑。縱然心有不甘，自己心裡都暗罵自己隊波唔生性，但轉過頭又死死地氣，捱眼瞓咁去睇場_波

溫馨提示，周末對狼隊、下周中對車仔，都係深夜波，做得身經百戰的阿迷，有曬心理準備應對任何戰果，所以小編都唔介意往後被人抽水，畢竟互相傷害好正常；但有一樣嘢令小編更介意係，“迷達”、“反達”，繼續互鍊，早兩個月後者潛水、今個月卻全面進場，相反亦然。但又何苦呢，贏左場口水戰，但又唔覺阿仙奴自己贏左d乜。

伊恩胡禮之前有批評過對維拉時，球迷提早離場的舉動；但胡禮作為名宿，言論自然會偏幫球隊，但布力般名宿塞頓亦一樣批評阿仙奴球迷提早離場及“搵戰犯”的舉動，佢認為呢類球迷冇留意到，自家球隊其實仍然踢出一個非常出色的球季，佢唔理解呢類球迷的想法

局外人尚且如此評論，但部分自家球迷見到阿仙奴失利，反而有一種“更開心”、甚至叫做落井下石的態度，就例如: “我一早話阿迪達唔掂架啦”。好似好有型好威的說法，但證明d乜? 證明左自己“好識波”以外，睇唔出“愛之深責之切”響邊度流露到出嚟

批評從來都係應該的，小編亦認同，伊度及阿迪達都會有得唔啱的時候；去到連續第3個“崩盤”的球季，絕對有問題需要正視啦。維護自己人，唔等如無視問題的存在，但批評自己人的同時，亦唔代表佢地的意見係無道理。

又扯遠返少少，上季沙維都被人捧到上神壇咁高，安76上季被人批評回曬塘；但又有邊個估到，今季隨時由安76呢個老波骨笑到最後；杜曹同泰錫兩位教練，明明聯賽都被笑到臉黃，但偏偏佢地可以殺到入歐聯四強。作為阿迷，有時企返出嚟少少，睇下個球壇發生緊咩事，起碼令自己唔洗咁繃緊，咁低落

小編親身經歷，自己如果會為球隊興奮、沮喪等等百感交集，就證明你對佢好上心，好在乎，記住呢種感覺，去到老都唔好被佢減退

P.S: 配圖冇乜意思，純粹想佢兩父子繼續金援球隊就足夠，否則買咩人、換乜領隊都難以從頭說起。因為呢期理性分析都冇乜心情去做，倒不如情感宣洩一番就算，至少自己心情有所緩解

花井三日月 2024-04-19 16:35:30

有個阿仙奴球迷KOL=西裝佬？

扮豬食白虎 2024-04-19 16:37:30

牙朗啲finishing同搶點對住英超中下游入波話咁易啦