呢幾節係一般會用黎支持原罪論,冇錯。
簡單黎講,呢幾節基本上講左「有犯罪」,而冇講「有原罪」。
至於你有冇犯罪,唔係由任何人硬加係你身上,而係當你了解聖經描述咩係罪之後(都可以參考下最底條link),自己反省果時先向自己答返既問題。
其實犯罪呢個字,聽落好似係做錯野咁,所以令人難以接受(e.g. 我都冇犯法),但係原本根本唔係想講呢樣,只係因為翻譯算係近所以用左呢個字。
聖經入面,罪係做唔到神既教導(如果係都要將幾個字拼埋黎講),所以首先應該去討論既,反而應該係了解神教導左D咩,想唔想去做,真係明左想做先去講有冇「犯罪」都唔遲。
解聖經的確要細心,使徒保羅係羅馬書引用緊聖經,當時聽既會眾個個星期聽係好熟聖經,知道成段係點,所以引用一句就夠佢地諗起成段。
列王紀上8:46-49
//46 “如果你的子民犯罪干犯了你——
因為沒有人不犯罪——你向他們發怒,把他們交給仇敵,仇敵把他們擄到或遠或近的仇敵之地;
47 他們若在被擄之地回心轉意,向你懇求,說‘我們犯罪了,我們犯錯了,我們作惡了’;
48 他們若在仇敵把他們擄去之地,全心全意回轉歸向你,向你賜給他們列祖之地,向你所揀選的這城和我為你的名建造的這殿禱告,
49 求你在你天上的居所垂聽他們的禱告懇求,為他們主持公道,//
呢段係第一聖殿完工獻殿既禱告,講既係「如果你的子民犯罪干犯了你」既情況,佢遇左有呢個情況(「因為沒有人不犯罪」),但係冇話任何人都套用到落呢個情況。例如啱啱出世既BB冇能力犯罪干犯神。
呢度講罪,係好實際摩西五經入面寫果D,唔係人人都犯到。(例如對祭司既要求,唔係祭司既人係冇可能犯到,因為佢地本身就冇相關要求。)
淨返果D下次再講,好夜喇我
簡單黎講,羅馬書3章係比較緊猶太人同外族人,3:9-20講兩邊冇分別都係活係罪惡之下,3:21-31講兩邊冇分別都係因信稱義(即係點先算係神眼中做得啱)。
既然你引用到聖經,我都等你有得參考埋之前既經文討論:
唔信耶蘇就落地獄係咪好痴線
- 分享自 LIHKG 討論區
https://lih.kg/BvRHoHX