有無人知做瑜伽原來會招魔鬼？

神唔屬於個宗教制度。
相反，個宗教制度屬於神。成個世界都屬於神。

唔係唔關神事，而係人唔代表神。除非神自己顯現成為人，否則冇人可以代表到神。

罪人最需要既，唔係審判，而係悔改。殺人犯難悔改，神幫殺人犯容易D悔改到，係呢個位就見到神既良善。

詩篇25:8
//8 耶和華既良善又正直，他要指示罪人走正路。//

至於神既公義，由佢既審判就會顯明出黎。佢已經審判過，所以人已經知道佢有權審判，而且佢自己講明左有最後審判呢一日（「耶和華的日子」），所以公義會係果時完全實現。

學術台

呢個post啲耶撚好似中世紀啲奴隸咁忠心

點都搵到啲一睇就想笑既point 黎反駁

追完post 淨係覺得上帝隨心行事

隨便做嘢冇諗過後果

俾人打左邊面，又話要俾埋右邊面人打

冧咗友又話要原諒
呢頭做啲唔岩神心水既野又話要斬又話要殺

又唔見神原諒下人

跟住又話係睇件事出發點/目的

咁人地老婆想回頭睇下屋企又變鳩人

你話上帝可以睇穿人嘅心，又話聖經冇寫到嘅唔可以揣測

咁計法其實上帝想做瓜一條友，殺完之話佢密謀緊殺人放火就吹佢唔脹，啲農奴仲會將佢講嘅嘢寫落本書度

一句說話唔遵從上帝就要死

玩minecraft都會招魔鬼，有片為証
https://youtu.be/mGR4bAlt-Xo?si=GWCrHj9edt1vGqzW

成個世界屬於神
但係神又容許殺人犯無事？

一時又話神審左
一時又話個神未審
依家陳同佳玩左幾年
Happy 呢幾年既不公義幾時會還？
咁對潘太同香港人既公義幾時還？
比人屌完屎眼既小朋友公義幾時還？

你 273 個陣話呢件事過左三日係有公義
依家陳同佳乜事都無
咁公義係邊先？

公義係 0 同 100
只有有同無
遲到已經代表無公義

我係羅德老婆
知道阿神屠城咁勁
我都想擰轉頭睇下
唔明有咩問題

唯一可能就係神唔想比你見到佢亂殺無辜既人
比佢老婆發現左
所以要滅口
羅德件垃圾就應該係比個屎眼神屌開
所以唔出聲

「神示範左審判」，同「每一個人包括我同你已經接受左最後審判」，係兩件事。

主再來果日咪還，仲連埋因為你而受到傷害既人果D不公義（唔知有冇）都要一齊還。

因為時侯（#273例子入面既「三日」）未到，你睇唔到。

「遲到已經代表無公義」，係你一廂情願。

我發覺你一直都企係出面去睇神同睇殺人犯，其實你都係身處神既世界入面。
你覺得你值得神已經點對你，先有公義？

遲到既公義都係公義點會係我一廂情願
陳同佳食好住好，有無公義先？
我覺得神要審判殺人犯，以命償命
但神派左兩個信徒一個叫林鄭，一個姓管
保護殺人犯
咁神既世界有無公義？

三日係未到定唔到？
殺所多瑪人就未審先殺
依家陳同佳屋企無義人
點解唔放火燒死佢？
大細超？

訓教都會比鬼壓 你係咪唔訓

陳同佳促使左幾多人可以移民？

好簡單，神唔係「你覺得咁」。
你睇唔到，唔代表冇，可能只係代表你近視。
神睇到，同左你講有，定埋係邊日，只係人唔知。

陳同佳同所多瑪放埋一齊，又係你一廂情願，將示範審判同最後審判兩樣唔同既野撈埋黎講。

創世記18:20-21
//20 耶和華說：“所多瑪和蛾摩拉呼冤的喊聲實在很大，他們的罪惡實在非常嚴重。
21 我要下去，看看他們所做的是不是完全跟我聽到的呼冤的喊聲一樣；如果不是，我也要知道。”//

你就話神未審先殺，聖經就講到明神係特登落去睇清楚，佢就咁已經知都落去比人睇到佢有睇。
反而你就未睇聖經就當左聖經有/冇講你想佢講既野。呢個態度學唔到野架，留意下啦。

唔怪得睇親都想色
肯定係魔鬼的試探

邊有還到
一樣未做既野
點證明佢存在

同埋點一齊還？
陳同佳開心左咁多年 wo

睇唔到就係無

神睇清楚左 d 乜野？
乜野呼冤聲好大
依家香港呼冤聲唔大？

佢話落去
但係所多瑪人犯左咩罪？
個個人都係同一條罪？
定唔同罪都要一齊燒？
咁公義又去左邊？

佢話有睇
咁屌屎眼神父同陳同佳又無睇？

所多瑪人有大人有小朋友
我想知小朋友同 bb 犯左咩罪要燒死？
我睇過聖經入面無寫

我係講緊future tense，然後你一廂情願覺得要係past tense

全部人既內心深處，神都看在眼內。

撒母耳記上16:6-7
//6 他們來到的時候，撒母耳看見以利押，就想：“在耶和華面前的這位，肯定是他要膏立的王了。”
7 但耶和華對撒母耳說：“別看他的外貌和高大的身材，我不要他，因為耶和華不像人看人，人看外貌，耶和華看內心。”//

要求神即刻或者已經做左野，又係你一廂情願。
如果真係做左野，你會歸功比邊個？會唔會係「我都話應該要咁架啦，神都應該聽我話」？

人心既事，我地只係睇到表面既人，就唔能夠對每樣野做出正確判斷，所以留返比神判斷就得，因為佢睇到，而我地睇唔到。

相反，有好多野係你自己都睇到既，果D就係你自己既行為同埋背後諗既野。呢D你用返同樣既眼光去睇同去質疑，為左行得正企得正諗得正，就做得好喇。

佢眼在眼裏？
咁佢做錯判斷點算？
所多瑪入面既 bb 犯左咩錯？

過左兩千年
你會信一個放左飛機兩年既人會準時返工？

欣賞你去睇過聖經先回應呢個態度，非常之好。

不過都要知道，聖經既原文係希伯來文、少部分亞蘭文、希臘文，翻譯左出黎就唔能夠完全表達原文既意思，所以就咁睇住個譯本就話「聖經一定有咁講/冇咁講/係咁講」其實都算係驕傲既表現。

創世記19:4
//4 他們還沒有躺下，所多瑪城裡的男人就來圍住羅得的房子，從年輕的到年老的，所有人全都來了。//

睇返呢段，聖經比左一個例子，講所多瑪人做咩。我highlight 左幾個字，講到幾迫面既「全面」：

（1）時間上，客人天黑先被接待，好快要訓，但係所多瑪人作惡更加快。

（2）年紀上，呢個譯文就話年輕到年老，冇錯好通順，但係原文係用左一個範圍可以好大既字נער na'ar ，由BB去到三四十歲都啱用，用落BB既例子係三個月大既摩西BB：

出埃及記2:6
//6 她一打開，就看見那個孩子——一個男孩（נער na'ar）在哭！她就憐憫他，說：“這個是希伯來人的孩子。”//

所以，呢句解做由BB到老人都係完全冇問題。

（3）數目上，講到明係所有人。

（4）地域上，最尾個「全」字原文係「從盡頭」即係冇一個窿窿罅罅有人冇黎。


所以，經文雖然好短，但係已經不斷重複所多瑪城罪惡既全面性。
如果要一廂情願將自己既相反想像套入經文，其實係非常之唔恰當既做法，咁做只會睇到自己想睇既野，睇唔到神想講既野。

至於你問既「有咩罪」，聖經冇講。係都要推論既，咪就係好全面咁做神眼中既惡。一個例子都已經咁，日日係咁做仲得了？

冥想嗰一part

所多瑪人既 bb 一出世犯到咩全面既罪？
所多瑪人咁邪惡
連所多瑪人既罪都寫唔出？
定好似羅德老婆咁衰擰轉頭咁既小事？

你咁諗既話，我唯有抄使徒保羅既諷刺口吻講返句：神判斷錯都啱過你
（驚你唔明，唔係講緊神會判斷錯，係講緊人同神既層次差得太遠。）

哥林多前書1:25
//25 因為神的愚蠢比人更有智慧，神的軟弱比人更有力量。//

聖經其實都冇話所多瑪入面既BB犯左錯，只係比左一個例子。



如果你真係好中意有「解答」既話，可以睇返耶穌講過：

馬太福音19:14
//14 但耶穌說：“讓那些小孩子到我這裡來，不要阻止他們，因為天國正屬於這樣的人。”//

BB咩都冇做過，因為身處受審判既地方所以死左，但係仍然喺神既天國。

不過我就唔係好中意咁答，因為呢類問題對個人既成長完全冇幫助，只係將自己放係審判神既位置。如果你問我既意見，我一定係話呢個思考方向避得就避，因為只係應該敬畏神，佢做野有大把原因我地唔知。不過見你好似kick 住左我先咁答。