［26］考緊26？你問我答 （55） 學神傳說

真心夠用我學嗰陣都係用3M
而家順便學20拆架用埋

照上

平平地買布網款就ok

你哋平時用嗰對防唔防風同水

我學車嗰陣都買左保護性幾好嘅皮電單車手套
用過之後上堂同考車都係用番日本城買3M手套
手感好又啜手又穩陣
尤其對應學院啲車個扭油筒鬆過上海婆
考完之後就用番電單車手套了

我覺得初學對手套越薄越容易掌握扭油

學牌時：乜防都無，反而薄啲會好啲，因為手感更好
正牌時：防水

想問下鴨駕個斜路係咪特別難
自動波練左6個鐘都係打唔到
練車識左個人話佢出去其他場練係好成功
翻到去鴨駕就跌到傻

有無出面師傅教得好
想搵人教下

最難斜路係沙駕
鴨駕已經係最易嗰個

學車講真3M最好

大家講嘅3M手套係咪呢隻?

手套唔係用黎發生意外保護對手咩
用3M出意外保護到咩

百零蚊買最平最薄都ok既
3m 薄d手感都幾好

冇保護性不如唔好用啦
用手套係因為出意外時 手指太易出事先要用手套姐
如果真係出意外 手指要受傷 3M果D用唔用真係一樣

真，唔知呢度啲人學26要咁慳做咩
學得26都無得慳個一百幾十啦
平平地買對布網都得啦，兩舊水都有一對
學車起碼都半年以上，唔會浪費，基本保護要有
玩26慳乜嘢，將來改件改喉都唔止啦

我都係咁諗 果陣出左對正常手套
唔係話好好既手套 但最小真係有保護性
如果真係想慳就不如唔好買算啦
花幾十蚊買對沒用既手套 冇保護性淨係得個樣既
不如唔好用算啦 反正出意外用唔用都一樣 咁就唔好用算
唔好呃自己係到自我安慰有手套保護

我fd有46牌，唔洗考筆試
我地諗住一齊報駕院26全包課程
咁樣我地可唔可以一齊上堂？

可以，其實都係用手機app揀日子時間上堂
你哋揀埋相同時間就得

PS. 講緊強制堂同路試堂
我唔知你本人要唔要考筆試

我要考筆試呀，咁係咪我地兩個個時間表會唔同步？

又唔會
一係你報名考筆試先
筆試完咗之後你朋友先報名
咁樣你哋就可以一齊揀相同時間上堂

你意思我自己去報筆試定係全科先？
因為我見好似如果自己walkin報筆試嘅話，要出埋路試期同埋俾錢。如果之後再報全科係冇得扣返

你可以報咗名先, 出咗筆試result先叫你個fd一齊排老強, 噉就可以一齊上

上老強用3M我覺得ok, 反正都唔會揸太快, 薄身啲都比較容易掌握油門
不過出街試過轉彎跣車仆落地, 好彩只係手掌膝頭擦傷少少, 但嗰下就真係feel到護具重要性

學車嘅時候我都係用3M, 始終第1次掂部車
如果想喺學院掟彎嘅話另計

係pass完老強先買返對26手套出街練習用