諗咗好耐唔知應唔應該出聲好 見住佢宜家開緊tour 但又攞翻呢件嚟講 我覺得作為fans有必要出聲講翻件事係點樣 唔啱聽嘅都預咗大家負皮
每次講親啲人都會用呢一件事judge佢為人 由19歲鬧到31歲 仲係話佢好假 對fans好又話扮 捐錢又洗白 就算冇發生呢件事 其實佢都係一直咁做 鍾意得佢嘅fans都係好簡單 其實歌好聽對fans好就得 只要做好本業 私底下為人同私生活係點唔會深究太多
好多時佢啲fans(我指真係清楚知道發生過呢單嘢都做fans嗰啲) 都係睇完就算 唔會出聲 都知呢件事上佢係理虧 所以唔會特登幫佢講啲咩
但唔知點解總係有人成日話佢啲fans惡過狗 好多時佢俾人鬧根本都冇乜人幫口 正常真fans根本佛系到仆街 多一事不如少一事嗰種嚟 無謂嘈啦
至少我識嘅香港fans都係咁 好客氣又唔撩交鬧
但有時俾大家講到是非黑白都扭曲埋 今次先想出聲 就算佢做錯都唔代表啲人可以又屈又鬧到佢咁差 iu喺fans同我心目中都係好珍貴嘅人