有無巴絲打鐘意玩Paradox嘅戰略game？(12)

香港時間=5月9號先出呀屌佢老母
禾巧巧巧巧巧巧巧巧巧巧巧巧巧巧巧巧想玩eu4

eu4最終dlc出了但有啲貴

Victoria 3: Expansion Pass買唔買得過?

如果你係有興趣又會想買DLC
就都OK
佢包到最新就出個個
本身新個dlc幾貴無減價
佢尼到個組合包會另外有個折扣變相減左50蚊
但係要提一提你個組合包無本體

有冇人好鍾意睇班電腦自己喺到打

我上網查一查發現有好多人同我都一樣

大陸有個term叫「看海玩家」

外國有個term叫Drew Durnil

Crusader 3值唔值得入手，europa, victoria, heart of iron都係明與唔明之間咁玩

我覺得而家最好玩既就係ck3

見d人玩oriental empire有得用宋朝好正

見特價入手ck3
玩慣eu同hoi既我，完全唔知ck3玩緊咩

簡單講個最大分別係
EU同Hoi係本身會有NF或者任務樹
你會跟住發展去做
因為做齊任務樹或者NF d要求個獎勵太大，而且唔跟住亂做無乜意思，所以大多數你睇個樹就會知做乜。

CK3同Vic3基本上係比較沙盒成份高，特別hoi4有史實ai尼個設定，大多數情況開始走勢係玩家唔干預下都係固定。
但係先不論Vic本身一堆國家開局個方向會跟史實走(如普奧戰爭，鴉片戰爭之類)
但係佢無限死Ai國內發展同立法 所以赤化英國赤化法國都會見到。
至於CK3 更加唔好講除左幾個比較特別史實人物之外，開局能力都係隨機(例如我選1066佛蘭德斯公爵，你可女開局3次，3次起手金 錢，人物性格同埋起手軍隊都唔同，個隨機性就大左)
當然RP game代入應好重要，所以有d玩家會選擇成就向，舉個例子，867劇本開局內憂外患伍麥葉，係阿拉伯權鬥輸左黎到伊比利亞半島(即現西班牙)，半來勢如破竹結果比法國擋住，史實最後末落，然後係200年之後係伊比利亞天主教復興活動之下將伊斯蘭走出左歐洲
但係淨係伍麥葉自己都已經可以解幾個成就，例如統一西班牙，向法國報仇，由西班牙打到反阿拉伯對阿拔斯報仇。

如果唔係就另一種自制人物然後代入去每一代到，由小發達，堅固家族歷久不衰。
遲下年尾更新DLC可以玩埋無地角色，係拜占庭經營家族莊園同權鬥，或者係出面大冒險建立功名贏得君主嘗識比地你。

CK3比教係玩自己，另外官方重製左1066新手劇本，玩愛爾蘭個角色教學差唔多學哂CK3 d基本野。

之後就到你對文化同歷史理解之中有無d乜係自己想做或者逆天而行，P社玩家就最簡單。

有羅馬地方就消滅羅馬。
無羅馬地方就建立羅馬。

師兄講得好詳細
不過小弟玩eu4其實唔跟任務樹，通常都係想實現史實以外既野，例如摩洛哥玩殖民，格拉納達反攻卡斯提亞，玩阿曼變身波斯，勃艮第唔認命咁
應該咁講，eu4好明確知道玩家要去擴張，當中擴張既方法同方向可以多樣性而有趣。
但ck3仲未玩得明我要做咩同點做，經濟同軍事系統仲係唔明要點樣發展我ck3本身首選都係伊利比亞既泰法國家，然後開咗個save，唔明自己要做咩

ck3 感覺係著墨於個人多於國家
你當係國家版嘅 the sims 可能比較fit

CK3第一樣要理解係法理同繼承法
首先法理係指塊地上下關係
舉個例子就係例如成個伊比利亞，最大個法理叫西班牙帝國，下面有好多個王國，例如其中個叫瓦倫西雅王國，然後瓦倫西雅王國底下有3，4個公爵領，然後每個公爵領又可以由2-3塊伯領組成(但小到由一塊大到8塊都有)
雖然統治上唔係法理領主會減好感，但並唔影響統治，法理主要影響繼承同埋戰鬥BC

然後因為有直轄領有上限，實際上上你唔可能每一塊領土都係控制手中，所以會封出去。你實力好取決於你直轄領有幾強大，因為領土封出去名義上係你領內，但係你只係抽%稅，並無控制權，而CK3封臣只要交左稅，領主比人打除左本人之外係無義務出兵，所以繼承封地就好重要。保留強大富有土地。

由867年到完結1453年5月29日(君士坦丁堡陷落日，亦EU4開場年份，好似你)
差唔多600年，你都係要為繼承而煩惱
佢入面有唔同繼承法，但係好長一段時間你都要比均分繼承法阻礙你強大，所以點樣發展唔會令到王國分裂都係要點之一。
成日話虎毒不吃兒，為左王國會狠心定係人人有份都係你RP一部份。

至於經濟，隻Game會約200年走一個時代 當中會發展科技係自動Run，只有文化領袖可以選擇跑邊一種科技，但係當中亦可以融合文化，本身領地經濟係睇發展度同建築物，發展同等同人口，決定塊地基本征召兵同人頭稅，然後唔同建築有唔同效果。例如起農田可以有高稅收效果，領土糧食補給同埋開party收費平d，起軍營雖然無錢，但係有士兵，同埋當有軍隊駐紮可以提供buff比軍隊，亦例如城門會有稅收亦有防守Buff領到敵人攻陷領地需要更耐時間，但其各種效果都唔突出。
然後亦有文化同地區限定建築，尼個要玩耐左自己睇下，好難全部講哂。
另外軍隊亦都係，玩家可以起d乜，招乜軍隊都係睇玩家角色所屬文化。
但係文化之間有接受到，接受到低就會互相討厭，而且領地平民都有好感，所以異文種統治會有機會令到農民起義。
另外CK3最重要一環就宗教，宗教好大程度影響你有d乜可以做有d乜唔可以做。
甚至連繼承法都會有影響。而玩家係一定了解之後亦都可以自創改革宗教。

你做d事大部份都係以你個人為主，但係最終影響都係你成個家族存亡。你唔一定要做國王，但係你可以係一個公爵，係同一個地方服待過7個國王，6個王國，比起名不見經傳d國王，可能你家族打過4次十字軍，每次都推左家族人物去經營聖地，真真正名家。

CK3最好玩就係瘋狂配種

聖婚，純血

一定要係同家人… 先可以推持到家族純正既血脈

玩返EU4 Burgundy做成就，一開波打爆法國用任務拎晒佢D附庸，諗住後面輕鬆打，玩落發現好多野唔對路。

首先爆承繼EVENT，諗住唔做奧帝/法國PU玩獨立堅持保留低地，辛辛苦苦用勁多外交點吞晒低地3國點知吞完就Netherlands獨立冇晒低地。

然後神羅方向擴張好痛苦，小小地已經包圍網，已經出左間諜IDEA 拎埋時代個-AE BONUS。

有冇巴打教路點玩Burgundy特別要做成就要拎神羅地

好似做法國pu跟住即刻造反最好
咁樣會自己食晒啲附庸
仲要本身打殘咗法國嘅話要造反都好易
不過而家法國mission tree可以秒食burgundy
唔知依個打法仲work唔work

睇WIKI都係咁教 係估唔到吞晒低地國即刻獨立依下真係搞唔掂
神羅果邊又係怪怪地，跟任務加入神羅然後國家Rank本身係Kingdom格硬變做Duchy，搞到要食Governing capacity penalty。最後要附庸一個Elector又要同皇帝慢慢拉關係轉自己做Elector先解決到

差唔多兩三年冇玩p社game，見到ck3年底個dlc即刻想玩返可以控無地角，1178劇本有齊巴巴羅薩+獅心王+薩拉丁+阿基坦的埃莉諾+傳說中姓科穆寧嘅鄂圖曼祖先

漏咗痲瘋王鮑德溫

加入神羅做埋皇帝

希望佢出完拜占庭宮廷官吏機制可以重製一下敵友DLC應該更加好玩

想問問呢，係ck3成立埃米爾既話
成立後個國家名一定係跟家族名而唔係地區名？