有無巴絲打鐘意玩Paradox嘅戰略game？(12)

疫症好似死忙率高咗，但做營長可以隨時搬營。

我覺得貴族同無地者個系數唔同
以旅行為例，就算你旅管好勁，你無地者都係超好危險
而且你只可以買d裝備無得請專家
同樣過，我無地者成日跌死人
入去拜占庭做番行政貴族勁安全，個旅管都無在野個時咁勁

今集可以去拜占做無地官？淨係有個family estate?
因為仲係玩緊營長mode，轉做freelooter然後周圍痴交打，battle贏有錢執。

新DLC權力之路出左行政制(預設係拜占庭)
係拜占庭可以做莊園領主
領地係屬於國家，你個莊園先係世襲
然後軍區(公爵領)可以用影響力問皇帝拎黎玩
甚至皇位都係用影響力去決定
你無地個時就淨你得個莊園咁

不過封建未有得做宮廷貴族

HOI 4 出左新DLC
14/11出

新手想問CK3幾個問題
1. 我有個廷臣女性+出身卑微但能力好勁, 點解唔可能揀佢做內閣?但佢又可以做間諜首腦

2. 另外威望點先加多D同埋虔誠點可以點洗?

3. 想問招出面既人具體條件係點
試過用女系嫁個女出去比人地市長諗住招募佢但冇option可以招
但用個孫女用女系嫁比另一個人又可以用佢做內閣

首先要睇文化同宗教
無平等繼承女性唔比做官
間諜首腦係唯一可以任點人做
只要你封地唔可以直接封比女角，咁你內閣都一樣
威望好多方法，打仗，狩獵之類，另外仲有寶物
虔誠唔教改用處唔大，主要係儲黎加神聖好感，或者某d宗教event留黎消災用
母系係入贅，嫁出去係真係嫁左出去，前者對方會搬黎你宮廷，後者你個女嫁左出去。至於招人地宮廷d人，你無佢勾勾都好難搞，一搬黎講想招人都係直接招募騎士或者賓客，你威望越高會越多人黎你屋企打躉，另外監獄都可以用出獄換招募，只係忠誠無保證。

我安排婚姻果陣係有TICK母系, 但最後都係嫁左出去
另外想問你話無佢勾勾係咩意思

唔記得QUOTE睇上面COMMENT

勾係指牽制
母系生出黎會跟你家族姓
佢出左去原因係男方比左領土男方角色
有領土就會搬過去
你唔想佢走你就一係男方過黎個時封塊地比佢(因為你應該封唔到比女性角色)

玩EU4裝左MOD就會解唔到STEAM啲成就
想問下paradox其他GAME係咪都係咁?
主要係想裝中文

係
所有裝mod都唔得
以前好似有d中文mod標榜解到成就
而家唔知仲有無

最後想問點可以安全情況收返封臣塊地(剝奪頭銜)?
我係用外交去叫佢臣服, 但佢塊地既地產吸引好多想收返, 我已經有果塊地上一級既公國+王國頭銜, 但都寫住話係暴君行為

同埋隻GAME玩到後尾係咪都係得幾愧直轄, 靠收其他人稅去賺錢?

唔記得回稅收
基本上你封臣變多，你收錢會變多，但係直轄領係你力量基本，能建都要好好咁建
基本上而家防疫建築一定要食一格位。另外直轄管理數跟時代有革新同有d寶物同家族傳承都可以加上限

直轄可以係開game前set遊戲規則多1至2個，因為某次改版改少左，管理每5點額外加1塊。

一塊好既地（有特殊建築，多男爵領，平原地形）比幾塊爛地收入更多，特別係玩得耐建築加成高收入分別更大。

收稅都要睇有冇上一級既頭銜，如果冇係會減半外加減好感度。跟法理咁去打地／收靚會收入高d。

暴君問題，主要都係好感度問題，唔係role play強迫症，唔係負太多既話其實每個月會回幾點，如果你安全既意思唔係打唔過佢／有其他派系反你，可以直接收番。不過有派系反緊你（陰謀介面有得睇），佢唔接受既話係會直接起兵。最安全係用陰謀綁佢入臭格，即使佢兵力再高什至係你大佬都會100%成功。

唔該各位巴打 好詳細

再問多小小 文化（我估啫係科技）係咪除咗做領袖之外都係慢慢龜出嚟

另外家族又有技能樹 係咪瘋狂生仔多啲親族升得快啲 仲有冇其他方法

文化比教複雜
佢主要睇該文化領地伯領平均發展度
係極端例子情況下，例如我整左一個新文化，我係君士坦丁堡，咁你個文化理論上會發展得好快，因為食高發展加乘
至於文化領袖，主要你決定革新發主力跑邊樣先。時間就一定需要，但你都唔會話要可以特別快追到文化發展，所以想學先進文化最好方法係同人地融合，學人地d先進革新。

至於親族經驗，你除左多生之外，越多人有地，係領主，領主個地位越高，越多獨立領主都會再加多d。
另外仲有一d真物可以加。
除此之外仲有部分文化，例如希望個宗教讚助，你係該伯領持有人，拎住塊地起一塊教會地產，建成之後加1000都係一d方法。
要睇你手上有幾多資源

隻GAME人物數值有冇上限, 我見出面最勁都係35
下面個封臣無啦啦送個人比我問我用唔用, 寫基礎58軍事, 全人物之中最高

單一數值封頂應該99
唔係自捏人物好少咁勁
但係隨機野人有時有d好勁角色出現都唔出奇
同埋按制度，高數值唔一定係一家要放內閣，當然放內閣會更有效率，但係CK3會有強力封臣想入內閣尼d設定，唔入閣扣好多好感，好感算係某程度上忠誠指標黎。

如果你想知高數值角色指標，867年開局，威克薩斯君主繼承人，阿爾弗德，史上有名人士，d數值已經好頂，係正常情況下。

依家玩緊愛爾蘭目標係做不列顛皇帝, 但發覺擴張得好慢, 主要因為頭銜問題, 用偽造去宣頭銜都係拎伯國一個一個拎

有冇方法可以拎人地公國/王國頭銜一次過拎人地大量地
另外打落去應該有一大堆公國頭銜, 多過2個有DEBUFF, 想問點處理過多頭銜問題

要時間發展革新，革新有一次過拎幾塊地d科技
其次偽造宣稱，佢有機會可以整到公國宣稱(當然會貴好多)，但係係隨機，當個宗教內閣話整完，你話要佢會keep住繼續偽造，有機會整到公國版。
再黎就係文化有以戰之名之類，可以用征服之類CB。
再黎就係宣教有戰爭狂人，或者對面你敵對，邪惡，如天主教對伊斯蘭，可以聖戰，聖戰可以打國王級別(一個角色一生一次，除非用傳奇重申神聖使命)，或者聖戰基本上都可以用公國級咁打。但係聖戰你附近同宗教d人可能會介入，我假設你愛爾蘭用聖戰打英格蘭，可能蘇格蘭就算唔係英格蘭同盟都會參戰。
另外就係係歐洲信異教好易食十字軍
特別英格蘭有天主教聖地。

至於頭銜問題。
首先如果你唔係國王，公國頭銜係無上限，但係公爵可以有d封臣少過國王。
所以基本上主張都係，成立王國，多出黎d公領封出去。
再黎就係如果真係好想要第3，第4個公領頭銜，可以係頭銜到加入選擇法，因為領主票數同封臣票數個佔比唔同，一般你都可以有想要結果。
最後就係你其實只係想要塊伯領，個公頭無所謂，咁就唔好設立或者銷毀個公國頭銜就ok

樓上巴打講左好多正攻法，ck3都有好多做壞人既方法
睇番你講想成立大不列顛，唔用聖戰既情況下可以搵有你想要果塊地強宣稱既人（有加號），最好係流浪者，咁可以安排自己人去母系婚姻，之後下一代係仔就有弱宣稱，就可以直接打個公國／王國番黎。注意要低你最高頭銜一級，否則會變白打工。

方法2 可以安排個女兒去同其他國家第2 第3承繼人母系婚姻，之後他國第一承繼人陰差陽錯下消失左（最好係佢生仔之前）咁你個女婿就係下任國王，然後女婿係生左外孫之後都消失埋，到你玩個外孫既時候就係2國國王，可以唔用兵就拎到土地。不過呢種方法要控制下自國既承繼次序，唔計扣宗族聲望直接取消承繼權，愛爾蘭有傳統可以叫d仔去做修士

方法3 照玩兒子／第1承繼人，不過做到宗族長，宗族長可以用宗族聲望拎同族族人既宣稱，咁就直接有上邊方法1／2 族人既宣稱。

有信心自己係一方霸主，可以研究下教改／轉其他教，聖戰係最快既佔地方法。不過外交距離冇同一信仰既話，會冇盟友同難招手下，因為唔同教結婚會-1000點認同，基本上係冇可能。

非常好

再補充一下，如果走學識路線，中線有聖許漏洞，可以用虔誠同教宗買宣稱
不過如果自己已經有國王或以上級別，教宗唔會幫你
但係公爵級宣稱可以無限買，除非你罪大惡極(宗教角度)或者個宗教領主好憎你
不過我唔記得如果個宗教無領袖用唔用到