同過理智既女仔拍拖之後真係翻唔到轉頭

其實太過理智既女仔 心入面其實好多野都好想做 只係理智制止左佢
面對感情既時候 就算幾鍾意都好 都會將一切考慮好哂先決定要唔要一齊
如果有一日 佢發覺你唔適合佢 唔係可以同佢長久行落去既人 理智大過感情 佢就會同你分手
所以記得好好對女友 唔好比佢有呢種感覺

太理智 既缺點就係
會太獨立 根本唔太需要你






利申：9up

理唔理智同獨唔獨立係兩回事

其實事實係 如果一個女仔太理智
佢其實唔係好中意你 女仔點都會有時想對中意既人扭下計 如果各位巴打女朋友唔係間唔中扭下計要你氹既話小心啲

Agger
係喺一啲大事大非上理智, 明白事理; 但兩個人既時候又會對你扭計

點都好 理智女係
佢心諗既野太多 你永遠只係佢既第2 第3名
即管佢願意係你面前做小女人



利申 都係9up

諒解佢先唔會成日無啦啦發脾氣啫
我都唔想佢因為諗點氹我而覺得有壓力同唔開心
利申冇點發過男朋友脾氣

其實係咪講緊EQ？
用理智黎形容好似講緊rational

其實係咪講緊EQ？
用理智黎形容好似講緊rational

唔認同 同理智嘅女仔拍拖會少咗份情趣 更何況愛情本身就唔理想 每次都分對錯/明辯事非 對感情都唔係一件好事

得罪講句，冇上一個襯托你點會知而家呢個好

所以頭先上面有巴打留言話上一個太差，落差太大先會覺得呢個好，我都覺得係
但就算有無上一個，現任既好亦係事實
所以會更加知道而家呢個好，會更加珍惜

得罪講句，冇上一個襯托你點會知而家呢個好

所以頭先上面有巴打留言話上一個太差，落差太大先會覺得呢個好，我都覺得係
但就算有無上一個，現任既好亦係事實
所以會更加知道而家呢個好，會更加珍惜

信我，未拍過拖既人真心會身在福中不知福

以前嗰個小小事就要人哄，明明唔係我錯，可能有時只係講句真話，例如：

Ex: 唉我琴晚臨訓飲左好多水，今日成日對眼都好腫
我：睇過？喂係喎真係好腫喎

然後就足夠佢毫不講理咁發一日脾氣

而家諗翻起以前咩野都要我哄，唔合理既事情發完脾氣，仲要我低聲下氣，唔明點解嗰陣覺得完全無問題，諗翻起都覺得屈辱，覺得自己好不被尊重

但自從同左現任一齊之後成件事係完全唔同曬

唔係話佢理智到唔鍾意聽甜言蜜語個種

而係佢唔會因為啲雞毛蒜皮既事，又或者因為你係whatsapp將傻瓜打成傻西而發你脾氣，反而係可愛又帶種知性既美。話無嬲就真係無嬲；話唔緊要就真係唔緊要

而且會經常掛住對方，會聽你講野，尊重你既意見；唔會只係表現自己最完美個面比人睇，真性情

我可以唔使再驚開口及著脷，唔使驚佢因為啲無聊事發脾氣，當然唔係話完全唔洗哄啦，唔哄又邊有情趣呢

諗翻起以前嗰個充滿奴性既自己真係好慚愧 ，亦都開始發覺自己頂唔順啲小小事就發脾氣既女仔

有無巴絲有類似既經歷可以分享下呢

理智嘅女人結婚還好
拍拖真係唔好搞