理大強權打壓

爆埋料比蘋果 比壓力佢地！

推左先算

推

各位係polyu翻學嘅同學，希望你地俾小小時間睇埋呢段野。除左希望提醒係酒店管理學院翻學嘅同學上堂果陣小心啲，仲希望大家幫手廣傳呢件事。
我媽媽係理工大學酒店管理係翻工，職位係餐飲部廚房助理。大概係2016年9-11月佢被男上司性騷擾，之後向學院院長反映，院長表示會就呢件事內部出警告信，同埋換另一個外籍女士做佢上司，希望我媽放低件事。隨後男上司又俾道歉信，希望佢唔再追究。由於阿媽當時已經因為咁有好大情緒困擾，所以都決定暫時放一放件事。
不過呢件事之後，唔知係咪由於佢地內部權力鬥爭，廚房部一班technician同外籍女上司就成日慫恿甚至威脅我媽就呢件事去報警，而我媽都一直因為唔想大家工作關係受影響而唔答復佢地報警呢件事。
直至今年四月，佢明確拒絕就事件報警，之後翻工係廚房被鬼婆上司用餐碟掟傷頭，搞到有腦震盪後遺症，後來醫生更診斷佢因工傷導致抑鬱症。但係佢上司唔俾佢報工傷，聲稱只係普通病假。最後佢向院長反映投訴被逼報警呢啲事，情況不但冇好轉。到今年6月20號，佢反而先被兩名廚房部technician同外籍女上司圍堵係廚房角落，拎刀出言恐嚇推佢，之後我媽媽就精神受創傷暈倒，入左醫院，住左四日院，直至23號先出院，到而家精神都唔穩定要定期複診無法工作。
學院一直唔肯就事件回應，甚至想將事件大事化小。涉事員工而家依然係原本職位教學工作，院方並無任何處理，亦強硬表示唔會處理。8月簽新合約嘅時候學院反而將我媽媽調去其他地方，而且表示一年合約後只會根據business need決定我媽媽嘅去留，強硬表示唔會就佢工傷所損失嘅工作能力作出任何責任承擔，簽就簽，唔簽就走人，講到好似唔關佢地事咁。
雖然我地就事件已經報警，但係接手嘅尖沙咀警察不斷拖延我地落口供同調查事件，不斷遊說我地和解，甚至未調查已經覺得可能係誤會。我想聯絡佢嘅上級問清楚件事，呢位警察竟然截住個電話唔俾我搵。而家我打電話查詢調查進度佢已經唔覆唔接我電話。涉事廚房technician更曾表示自己有警察朋友，未知兩者係咪相關。
件事發展至今，我只想講polyu咁大嘅機構原來就係咁樣掩蓋醜聞，打壓下層員工，包庇犯罪者，每一位就呢件事接觸我嘅理大員工無一不透露冷血嘅態度。而警察嘅處理辦法又係如此荒謬不合理。
我覺得呢件事係理工大學全體學生，尤其係酒店管理系嘅同學，都有權利知道。我唔相信咁大件事理工大學可以隻手遮天。

個女上司用碟掟到人腦震盪

班人又用刀逼佢報警

...打份工洗唔洗去咁盡？如果樓主無自己加料既，佢地好癲啵

有朋友係果到讀，不嬲話d staff幾好人

請問我可以加咩料？拎阿媽黎講笑？

推

幫手推 希望樓主媽媽早日快d好番

你報警個排頭係乜野？
前面一大揪辦公室鬥爭、精神虐待個d差佬點會理
你清晰直接同差佬講你老母俾人襲擊受傷
有晒醫生證明
叫佢開assault case做

我媽暈低前有報警，一早講曬過程，當時油麻地個排頭係非禮，後來尖沙咀堅持要完左個非禮案先，唔肯落刑恐口供，仲要我媽簽一份與事實不符嘅口供紙，R左好耐先落到刑恐，冇簽份唔啱嘅口供。

頂，真係發夢都醒番，你好死都唔簽果份野炸，上court實比人係咁問做咩前口不一。到時真係多得果個阿蛇唔少

呢個ah sir都唔知係咪同佢地識

pish

雖然我同意爆料比蘋果 但呢層樓主要諗下你媽媽會唔會介意 會唔會有壓力比到佢

推 大學其身不正如何春風化雨

雖然我同意爆料比蘋果 但呢層樓主要諗下你媽媽會唔會介意 會唔會有壓力比到佢

件事搞成咁，搵記者都係冇辦法嘅辦法

樓主 我呀媽之前番工都有比人性騷擾 個時我聽佢講電話先知
後來我直接去左佢公司搵性騷擾佢個個男同事
件事都告一段落 我呀媽都無做 個男既比人炒左
下次唔好彩再有呢d事情發生 千祈唔好比佢地公司d管理層處理
呢d仆街唔撚治佢一獲以為好撚好恰
祝你媽媽祝日康復

住邊區，搵區議員/立法會議員啦
包佢極速同你處理

同我果區啲垃圾會議員講完佢都愛莫能助

緊係搵立法會議員
鄺神都幾幫貧苦大眾既
搵啲跟開勞工議題既啦

住邊區，搵區議員/立法會議員啦
包佢極速同你處理

同我果區啲垃圾會議員講完佢都愛莫能助

緊係搵立法會議員
鄺神都幾幫貧苦大眾既
搵啲跟開勞工議題既啦

樓主可以試下搵梁耀忠

推

住邊區，搵區議員/立法會議員啦
包佢極速同你處理

同我果區啲垃圾會議員講完佢都愛莫能助

緊係搵立法會議員
鄺神都幾幫貧苦大眾既
搵啲跟開勞工議題既啦

搵過張超雄，職工盟，其實幫到嘅都好有限

住邊區，搵區議員/立法會議員啦
包佢極速同你處理

同我果區啲垃圾會議員講完佢都愛莫能助

緊係搵立法會議員
鄺神都幾幫貧苦大眾既
搵啲跟開勞工議題既啦

樓主可以試下搵梁耀忠

等我去問下

幫推

推

推上報先

幫推
推上報等媒體幫手跟進

Pish

推

推

太過份