鄭PD燒腦綜藝討論區(4) - 女高三製作中 製作班底換血

我反而想知明偵做唔做到韓版質素
因為對大陸綜藝冇乜好感所以所有韓綜搬過去嘅陸綜都冇睇

不過有睇過下佢哋玩狼人殺，都有feel

係我
DP之後開始追，希望Netflix可以有多D

前兩季都ok嘅，跟得上韓版真實性嘅質素
第三季開始會多啲超現實要素
主題天馬行空到韓國原版第三季都跟進咗
唔再用真實案件改編，而直接虛構啲吸引主題
第四季辣殺可以skip，五、六季有返啲水準
但係第七季打後可以唔使睇

如果想預熱returns而又睇完韓版
都可以睇吓明偵第一二季止吓渴嘅

Crime Scene第三季係2017年4月但明偵第三季係2017年11月
我諗CS應該就唔係跟明偵所以先唔改編真實案件嘅

我反而奇怪CS唔跟明偵改用手機影物證
即影即有成日影到一pat嘢咁
同埋都係一個絕佳R 手機PPL嘅機會

改編韓綜我有睇非首腦會談(國家青年說?)，明偵同密室大逃脱
明偵我覺得算有80分
密室大逃脱我俾70分
國家青年說睇唔到落去，已棄

(大陸綜藝用韓版standard÷2嘅角度睇就會舒服D)

oops, sorry咁我講錯咗少少
crime scene第三季係的確有跟進完全原創
但唔係因為明偵第三季，更正返其實係明偵第二季
因為crime scene第二、三季中間有個謎之長間隔
而當期時明偵第二季播緊，個後半季都有幾案係自創原創
其中有案叫做”暗黑童謠”，後面有個腦洞大開嘅科幻反轉，討論度非常之高
咁所以亦都開啟後來明偵腦洞越玩越大
玩到證據搜尋邏輯鏈都掉埋一邊唔理
但crime scene嘅劇本都仲係相對貼近現實

不過講返crime scene轉頭，第三季拋開咗真實案件改編
大家其實以三季案件最佳嚟講都仲係2＞3＞1
然後單一案嚟計都仲係第二季嘅美人大會事件
我自己覺得都幾可惜囉
第三季中間露營地同學校原創得都唔差呀

CS第二季cast最掂, 東民、豆、女王、張鎮
故事我就最鐘意全雞店，選美同804號殺人事件

有長間隔都唔代表係跟明偵嘅
本身CS搜集資料 寫劇本 搵人演出 夾檔期 整場景道具 都要好多時間
隔得耐先出第三季未必關事
加上明偵第二季係17年年頭出
嗰時CS應該已經進入拍攝前期工作
唔似會趕得切

第二季除咗每一集啲案件都好高質之外
主要係成個cast嘅表現好好
推理同搞笑平衡到
嘉賓又交到貨冇話跟唔上節奏
先出到呢個效果

第三季嚟講我好鍾意淑茶房同前臂島呢兩集
但覺得主要都係cast問題
入咗個梁世亨 開頭又冇豆 即刻冇咗chemistry
梁世亨仲要表現唔出色
連搞笑都要女王帶住
嘉賓又唔係個個得
同第二季比實係有分別嘅

其實想問好耐
腦洞同燒腦呢啲係咪蝗語嚟

邊個跟邊個其實都係我個人純猜測啦
討論講得唔啱唔好介意

crime scene第二三季我覺得都有啲可惜位
就係撈咗啲新casting，前幾案大家磨合緊
後幾案漸入佳境嘅時候就已經要完結
仲要第二季入第三季又reset一次casting嘅化學反應
搞到第三季後半要搵返豆哥返嚟救場

嚟緊returns其實都好驚又歷史重演
不過就算係女王兼導演中間都隔成七年
前一兩期或者都要捉返啲感覺先正常
只係亦都好期待新加入嘅三位cast
大家都係綜藝老手希望唔使磨合太多期啦

燒腦同腦洞好似真係內地用先
不過依家就算係台灣都會用
我個人覺得算係可接受嘅用語
(起碼好過yyds或nmsl啦係咪）

個人意見
Returns覺得朱賢英伏伏地，上幾集佢上咗RM我就唔係幾get到佢嗰d MZ魅力
同埋冇豆哥都係好可惜

S3 恩地同梁世亨都接唔到Hani同東民
反而金智勳做得幾好

我都覺得朱賢英可能會伏
單靠上SNL korea(有綜藝感)同做過戲
未必對crime scene呢個體裁係合適人選

就好似你講到第三季恩地同梁世亨
前者現役idol+做過舞台劇，後者綜藝老手
都唔係一部推理綜最需要嘅能力
嘉賓可以入到戲/交到搞笑位係bonus
但真係對節目好一定係要肯觀察分析
再唔係都要辯論口才好，識打嘴炮囉

https://youtu.be/VPwp9qk-8DE?si=vTpVkria7JF3-UFy
EP0玩狼人殺！！！咁快就出定好爽
不過未有中字，中字有一樣再後補
睇生肉畫面估吓新玩家推理能力如何先

我預期朱賢英係女版梁世亨，冇咩期望 (可能我get唔到SNL/喜劇大聯盟d gag)
女idol我覺得素珍做得最好，其次hani（NS允智算唔算idol？）
恩地就太正經，綜藝感少
整體男idol表現好D (除咗henry)

睇咗生肉(唔識韓文純睇畫面)
班cast玩咗兩盤帶情景劇人設嘅狼人殺
其中朱做兩盤普通市民兩盤都傾計傾死咗
反而安做兩盤狼兩盤都隱藏得好好
key嘅表現不過不失，三個新玩家都係預期中嘅表現(?

結尾預告咗第一案嘅內容，果然係之前劇透嘅航空主題
OTT綜藝尺度一嚟就出現一隻斷手揸住機票
應該話不愧係TVING嘛

感謝巴打無私提供

終於睇咗狼人殺
朱表現同我預期差唔多，黑洞型（如果有睇佢上RM嗰集就知，唔知佢真心唔識玩，定係節目效果）
女王寶刀未老，佢開場一拎個粉撲出嚟幫張鎮補妝嗰下真係回憶返哂嚟
東民成個氣場就收斂咗（可能做咗老豆係唔同D）
張鎮同以前都差唔多

期待第一集

https://youtu.be/NpBuBwA_ZRs?si=Rd0a-h8ZuDVJuw0F
EP1航空主題預告

https://youtu.be/t8qe3AfeLIc?si=HHngr1A9YlbVXNaz
仲有段畫報花絮，不過估計無乜劇透信息

https://youtu.be/BmGptWiT8y4?si=2eF6uoZE0lzVelxe
公寓404 預告，2月底先播
中間似乎穿插一啲小遊戲
越睇越似翻版謎追里

第一集女王做偵探，好期待