鄭PD燒腦綜藝討論區(4) - 女高三製作中 製作班底換血

我覺得都ok, 即死就有戲劇性啲

真係幾攪笑監獄出左黎後都係膽小

到要出擊時，就擺錯算式，唔知佢d fans對佢呢個show既表現有乜評價

真fans表示明顯keep佢喺度為搞氣氛同想留fans觀眾群 見係咁影佢食嘢同瞓醒矇豬得意樣就知講真佢嗰團member入面已經唔係最聰明嗰個 第一集睇完其他人背景以為佢頭兩集就會out
見到好多人話因為佢係idol所以就住玩 其實冇 佢真心唔識玩Mind game seventeen有幾個腦性男好勁 但可能覺得冇乜綜藝效果同社恐所以唔請
真係有第二季希望可以請年紀相若又真係聰明醒目嘅人一齊玩

我咁諗 軌道都做到佢想要效果 佢唔係要能力 佢係要多數眾嘅一方以人數力壓對方四個食腦嘅人
不過當弱者去埋堆聽指令時工作 就會停止思考 因為知道自己做一隻棋就會有相應回報而唔洗輸
停止思考嘅 係領導人嘅角度有好多好處
佢唔會背叛 因為一背叛佢哋清楚知道會被人針對出局
佢哋會案住自己劇本完結 再加上 唔會有偏差 同埋 一樣嘢 我係從中得到利益變咗應份 下面嘅人會覺得你付出多
最後佢係接近完成計畫 利用多數淘汰食腦嘅小眾 只係決賽對手真係勁
但去到最後poker 一關 根本見到思考能力弱嘅人 係零能力去反擊
鍚辰一組四個 其實佢哋玩法先符合公平嘅原則
因為我哋係合作 唔係必須要同我合作 佢哋好少猜度合作嘅人

好多game 唔係IQ EQ 高低 IQ EQ高 可能你跳出框框諗到好多方法去挑戰 但限制愈多 呢個框框就難跳出
好多時邏輯思考同觀察力同記憶力去挑戰遊戲

最近後追左呢套野，原來自己幾鍾意睇呢類綜藝，會追返其他幾套黎睇


講返隻game d人

錫辰真係由頭帶到尾，醒/好運到直頭覺得係劇本偏幫佢咁，有做錯既位但永遠都救得返/運氣類既game超強運，實至名歸既冠軍

軌道套左膠理論其實唔錯既，佢自己係一個好肯諗野既人，但就往往係諗太多成日派膠，如果佢唔用保護弱者呢套理論黎留人幫佢佢都好大機一早比人foul(d派膠位次次都致命，只係咁啱係理傀儡中伏幫佢頂左咁解），所以佢行到尾都多得一開始呢套理論

東珠就純粹係一個記憶力超群既人，玩game/同人合作都唔識變通，行唔到最後都正常，隻game太多計數既位（天秤狂派膠）

肥仔就好識話術離間人但本身能力低下，比佢入決賽應該鬥都無得鬥

阿嬸就由頭到尾知自己定位，有佢節目就和諧d，無左佢可能成個節目就會多左火花，有好有唔好

Idol個定位就係無腦無能力擔當，show比大家睇炮灰賣下乖仔有人carry都可以走到好後唔係純鬥能力

骨醫就典型既高分低能代表人物，運氣唔差，但自己一手好牌打爛晒（背叛嗰度淨背叛東載唔背叛主播就加分，仲講埋自己個數字比軌道，終極on9代表，後面poker對阿嬸趕盡殺絕仲要輸埋）

思源就女主角代表，方便大家佢同錫辰/東載既配對，醒就真係講唔上，智力只係低配版東珠，純粹佢個人設比較討好咁解

棋手就係比較慘，所有最黑仔既野發生晒佢身上，其實佢玩game/同人合作既選擇往往都係正確，只係黑得濟咁啱錫辰最後又要解迷先犧牲左佢，佢其實唔算蠢

主播就嗲人代表，由頭到尾靠嗲痴人等人carry，定位同idol差唔多，同埋無乜位比佢表現有無智力

鬼佬就似黑仔版錫辰，睇落都醒同識玩game，衰在太早比弱者軍團排外+黑仔輸運氣

東載好多人登佢唔抵，但我就唔係咁睇，佢鑽rules係幾仔細，但同軌道同級派膠能力，諗太多做太多，一開始狂熱分子其實唔使同恐怖分子合作一早獨贏到皮斯（好早就比人懷疑，一早可以死到），佢唔同思源合作就未必會咁比弱者聯盟杯葛，諗個人規則嗰度行終點嗰度又派膠零作用累死成隊人，最關鍵係估數字，一早同思源&錫辰合作3人聯盟一定拎到5分ko到得一個皮斯嗰班，點可能會諗唔到呢樣野走去同班廢柴合作再比人背叛，佢輸既所有行動都係輸自己，呢樣野我buy軌道多d，能力同佢差唔多，但柒既位唔會令自己出事

喺bilibili睇睇吓crime scene落晒架
上網搵到英文字幕版 但好似度度都冇第三季第0集

一定要睇埋D舊作

第0集係訪問?

好似會介紹返第三季班嘉賓 而家第一集一嚟就直接開波

0集係第二季 recap + 成員訪問

Crime Scene 我得殘體字幕版

有冇得開心share剩係想睇埋第0集

多謝你

上水分享節目消息

女高3似乎定咗檔期係今年5月1號首播，po埋大合照出嚟即係拍攝基本上已經收尾
https://x.com/godchoiyena/status/1741470564726784106?s=20
https://x.com/_gugumi/status/1741863132610576771?s=20

另外大逃脫5結合流傳網站cap圖顯示係拍緊的，仲可能會上埋netfilx
https://x.com/instiz/status/1740324253780881819?s=20

即係今年又有女高3+大逃脫5+devil's plan 2(未必今年)同埋神秘探索團
幸福之餘，壞消息係大逃脫同女高新季度，可能都無鄭爸爸揸旗

最期待大逃脫5，如果上埋Netflix就更好，好想更多人知道鄭PD嘅綜藝

應該唔會差好遠嘅...應該...

鄭PD節目無關消息兩則

https://www.youtube.com/watch?v=dmXxlJRsMxA&t=9s
B站中字
早幾日仲係度搵犯罪現場returns嘅新聞，終於比我等到今日有預告
但係同之前講好嘅一月跳票到二月份，日期未定，預告內容滴水不漏
總之同我盡快播出來唔該呀呀呀呀

https://youtu.be/j_HNiX_omAA?si=7ARJwFkyTHV9p8nI
另一個鄭PD(前running man哲民PD)嘅推理綜藝，都係二月播(2月15日)
做過三季第六感同兩季謎追里(又譯: 美秋里)，睇預告感覺類似後者

犯罪現場returns係TVING播，而公寓404係TVN播，兩者都係韓國收費平台
希望黃viu可以跟進有得睇啦，如果唔係就要四圍搵自己方式了
另外搭單問埋呢兩個節目相關討論，大家想呢個post定開個新post討論？集思廣益

照係到討論住先 睇下有冇人開post
覺得依2個節目開新post都唔會太多討論
索性綜合一個算

犯罪現場returns 冇豆哥我覺得好傷心

可能變左專業poker選手同要結婚冇時間

我睇ig見過豆哥同東民最近有化妝室合照(但係唔記得係story定普通post)
估計佢點都會做飛行嘉賓返嚟玩一兩期掛

有冇邊度可以睇到全集？
睇晒TG準備開先發覺下晒架
想睇中文字幕版
唔該各位大大

https://x.com/tvingdotcom/status/1747770783160799399?s=20
crime scene正式官宣準確播出日期！！
離2月9號進入最後半個月多啲嘅倒數！！
如果poster係劇透第一案主題，咁坐在餐枱上面嘅宥真會唔會係偵探呢

鄭PD闢謠大逃脫5無拍緊，佢最近準備緊嘅係神秘調查團
對於DTCU大棗們真係晴天霹靂世界末日嗚呀！！