[少年監獄] 感受沙咀 Thank you sir Thank you sir

什麼叫傷心欲絕, 我總算體會到了一次

啊哈嗚嗚嗚嗚............

空氣被我蒙上一層悲傷...我既委屈, 我既難受, 通通在此刻發洩出來

對唔住啊君實sir

我真係唔係有心嫁君實sir

哭了一陣, 心情開始回復返少少

但抽泣既呼吸,仍是停不下來

豐sir入了來, 遞了幾張紙巾比我

「唉..你真係..鬧你都無用啦宜家..做乜唔答啊肥衡...」
豐sir惋惜地歎氣道

我亦好後悔..點解我唔答...

我個腦混亂到, 我到宜家未接受頭先發生既事

我凈係知道心底既難受, 係因為君實sir誤會左我

「唉..C2全部人過黎先..坐低先坐低先..小心啲啊你.」
豐sir關心地叫了我們過去大廳,圍住而坐

「肥衡, 你擠啲梘泡落腳板底先...信我啦有用嫁. 冰冰涼涼咁, 好舒服.」

「Than.Thank you sir..」
我抽泣地回答道, 充滿感激接過了豐sir遞過來的滴露泡沫潔手液

輕輕一按,擠出一團碩大的白色泡沫,然後我將其抹在腳板底上

瞬間, 腳板的火辣得到了舒緩...想不到這些泡居然有此妙用.

「唉..好地地一個日子,話無就無....不過呢個地方就係咁巴..話變就變..話衰就衰...」

「但老老實實, 你冷靜地話比豐sir聽, 你做乜唔答啊肥衡? 你真係唔係笑君實sir? 」

「同sir報我真係唔係笑君實sir..我係見到新人落山既時候, 有啲感觸自己新人組俾高年班蝦.我先笑左出黎..」

「咁點解你頭先唔咁答啊?」

「Sorry sir..」
係咯, 點解我頭先唔咁答呢...係咯...


「唉..不過唔找都找左咯.唯有捱埋佢啦哎....」

「等呢幾日君實sir落左啖火先啦, 咁都衰得到..真係整定既..我都比佢嚇親..」

接著,豐sir故意收細了聲量,細聲道

「其實我都係第一次見到佢咁大脾氣嫁..我同君實同期, 但無端端話嬲就嬲..就真係..唉 ..變得真係多...」

越聽..我就覺得自己越離譜..

原來我可以咁輕易激嬲一個好人

是嗎?

「不過無辦法啦, 今次真係算你地唔好彩...當學到一課啦..就係..人, 點都會有兩面既..」

鎖閘 靜坐

回到倉後,

懊悔的我..繼續在後悔著

為何..我平時口才咁好

那時候卻變了啞巴, 什麼都說不出

明明只要一聲簡單既解釋, 我就可以避免呢種情況.

但點解..我答唔到..

我諗起了自己判刑那日, 那個法官都是這樣問我..
那次,我答不上

想不到今天的我, 仍然一樣.

原來我這三個月,什麼都沒有學到

我真係...

好撚無用...

身旁的武傑,志豪同樣亦是一堆"如果"的責罵（同你地琴日睇完故講既嘢差唔多 ）

點解唔講話身體突然覺得痕啊?

點解唔講話君實sir你對新人好好, 我好開心,所以開心到笑啊?

諸仔仲話

我咪企係你隔離咯, 你話同我傾計傾笑左都得啦屌,找埋我都好過比君實sir誤會笑佢啊嘛

對呀..對呀..

那刻既我, 確係有千萬樣解釋,千萬個藉口可以讓我開脫這劣況

但偏偏, 我卻一個都答不上..

我真係好無用..

屌那星, 睇到我喊咗

「無啦你家下, 食硬檸檬啦.聽日仲有狗飯等緊你, 張sir都同君實sir好friend嫁, 你返到洗衣都應該會好巴..唉..真係...諗起都覺得慘..」
落井下石既志豪說完,便躺上了床

「屌訓你個教啦, 宜家講有撚用咩..唔好諗咁多啦衡仔, 聽日既事,聽日先算啦. 訓啦.唔好再諗」
諸仔安慰完我,亦都睡去

黑與夜,灰和痛

徒勞無功的說話, 後悔的責罵, 我自己鬧自己都鬧厭了

我開始心如土灰..眼光無神..

低谷的心境, 永遠都會讓消極趁虛而入

我好灰, 我好自責

苦了那麼耐,結果功虧一簣的感覺..好難受

我好想死...

我望向門邊高處的橫排鐵通, 諗了諗

如果將個藍單繞上去, 再曲住自己條頸.

我這一無所有既一生, 就可以化作塵埃了吧..

於是

我真的, 抽出了自己的藍單

然後捲成長條狀,握在手中

企高啲綁上去

打個結,

我就什麼都不用再想,再煩了.

我向著門邊走去.

我好辛苦...

我好想死...

......

好啦 又無貨啦

屌你睇到眼濕濕

人衝動就會引發唔合理既事
不論阿sir定學童






話說出書個名都幾容易誤導人，個人覺得有番「沙咀」呢兩個字會比較清晰主題，期待肥衡出書

發覺肥衡對施暴者產生感情仲會合理化佢地暴行

呢種思想好危險

Btw,恭喜出書一定會買

睇到我都眼濕濕

恭喜你出書啦！

我真的, 抽出了自己的藍單

然後捲成長條狀,握在手中

企高啲綁上去

打個結,

我就什麼都不用再想,再煩了.

我向著門邊走去.

我好辛苦...

我好想死...

......

沙咀高壓環境做成既心理狀態
估唔到一失寵會去到尋死

希望唔會因為出版商而商業化左，btw 好登肥閪高興

岀書 買書支持
呢個係我第一個會追既故 恭喜肥衡

自殺都好似好大獲架喎
你想比人打爆呀?

自殺都好似好大獲架喎
你想比人打爆呀?